Մենք ասել ենք, որ պատրաստ ենք Թուրքիայի հետ հարաբերություններ հաստատել առանց նախապայմանների․ վարչապետ

ՀՀ վարչապետ Նիկոլ Փաշինյանը Ստրասբուրգում Եվրոպայի խորհրդի խորհրդարանական վեհաժողովի լիագումար նիստում պատասխանում է խորհրդարանի պատվիրակների հարցերին։ Նրանցից մեկը ՀՀ վարչապետին հարցրեց՝ արդյոք Փաշինյանին բավարարում են Հայաստանի հարաբերությունները հարեւան երկրների հետ, եւ ի՞նչ բարելավումներ կարելի է անել այս ուղղությամբ։ Նիկոլ Փաշինյանն արձագանքեց, որ մենք, իհարկե, ունենք ոչ միայն հարեւաններ, որոնց հետ հարաբերությունները այնքան էլ լավ չեն, այլ նաեւ ունենք հարեւաններ, որոնց հետ հարաբերությունները լավ եւ, եւ նույնիսկ շատ լավ են․

«Ես նկատի ունեմ Վրաստանը եւ Իրանը, որոնց հետ մեր հարաբերությունները իսկապես բարձր մակարդակի վրա են, եւ այդ երկրների հետ մենք ունենք բարձր մակարդակի երկխոսություն, եւ փորձում ենք ավելի զարգացնել մեր հարաբերությունները։ Իհարկե, դուք գիտեք, որ, ցավոք սրտի, մենք Թուրքիայի եւ Ադրբեջանի հետ դիվանագիտական հարաբերություններ չունենք, եւ սրանով ամեն ինչ ասված է։ Ադրբեջանի պարագայում, կարծում եմ՝ բոլորիս համար պարզ է, Թուրքիայի պարագայում մի փոքր այլ է, քանի որ Թուրքիան Հայաստանի հետ հարաբերությունների հաստատումը կապում է Ադրբեջանի հետ մեր հարաբերություններով։ Հայաստանն իր հերթին չի փոխել դիրքորոշումը, մենք ասել ենք, որ պատրաստ ենք Թուրքիայի հետ հարաբերություններ հաստատել առանց նախապայմանների։ Ինչ վերաբերում է Ադրբեջանի հետ մեր հարաբերություններին՝ ես արդեն ընդհանուր ուրվագծեցի մեր պատկերացումը, եւ ուզում եմ ընդգծել, որ մեր հարաբերությունները Ադրբեջանի եւ մյուս հարեւանների հետ պատկերացնում ենք խաղաղության օրակարգի շրջանակներում եւ ուրախ եմ, որ իր գործունեության ընթացքում մեր կառավարությունն ըստ էության կարողացել է հենց խաղաղության օրակարգը դնել հարաբերությունների սեղանին»,-պատասխանեց վարչապետը։

Հարց հնչեց մասնավորապես Իրանի հետ հարաբերությունների մասին, քանի որ Իրանն, այնուամենայնիվ բավականին տարբերվող հարաբերություններ ունի Եվրամիության հետ։ Փաշինյանը պատասխանեց․

«Եվրոպայի ներկայացուցիչների, բարձրաստիճան պաշտոնյաների հետ իմ ունեցած բոլոր շփումներում ես արձանագրել եմ, որ եվրոպացի մեր գործընկերները հասկանում են հայ-իրանական հարաբերությունների կարեւորությունը եւ համաձայն են Իրանի հետ բնականոն հարաբերություններ պահպանելու եւ լավ հարաբերություններ զարգացնելու տեսլականի հետ»,-ասաց վարչապետը։

Ինչ վերաբերում է Իրանի շուրջ ստեղծված միջազգային իրավիճակին՝ Փաշինյանն ասաց․

«Մենք այսպիսի մի բարդ իրավիճում ենք, երբ այդ քաղաքական հակասությունների կողմերում մեր բարեկամներն են։ Այսինքն՝ գծից այս կողմ էլ, այն կողմ էլ մեր բարեկամներն են։ Եւ, իհարկե, մեր հույսը, կոչը եւ ցանկությունն այն է, որ քաղաքական հակասությունները, ինչպես այլ դեպքերում, այնպես էլ այս դեպքերում լուծվեն երկխոսության տրամաբանության մեջ, որովհետեւ երկխոսությունը միակ ճանապարհն է, որով 21-րդ դարում քաղաքակրթության այսօրվա իրավիճակում հարիր է, որ մենք մտածենք խնդիրների լուծման մասին։ Եւ, անկեղծ ասած, եվրոպացի մեր բոլոր գործընկերների հետ շփման ընթացքում ես տեսել եմ այս նույն ընկալումն ու գիտակցումը։

Տպել
2125 դիտում

«Եվրատեսիլ»-ի կանոնները կարող են փոխվել. կքննարկվի՝ արդյոք ժյուրի պետք է, թե՝ ոչ

Հաշվի առնելով վիրահատության հանգամանքը, Արա Բաբլոյանին հարցաքննության է կանչել իր նախընտրած ժամին

Մեր տնտեսությունը անկողնային հիվանդ չէ. Փաշինյանը՝ Արման Բաբաջանյանին

Նախագահ Արմեն Սարգսյանը ցավակցել է անվանի թավջութակահար, մանկավարժ Վահրամ Սարաջյանի ընտանիքին

ԿԳՄՍՆ դրամաշնորհային նախագծերը խիստ չափանիշներով կընտրվեն. նոր պայմանները կհրապարակվեն տարեվերջին

«Չեմ ուզում լինել Սպիտակ տան նախագահ. ուզում եմ լինել ՀՀ շարքային քաղաքացի»

Հյուսիսային պողոտայի պատմություն չի կարող լինել նոր Հայաստանում․ Նիկոլ Փաշինյան

Կատալոնական Սանտ Իլարի Սակալմ քաղաքը ճանաչել է Հայոց ցեղասպանությունը

Ազատվել եմ սեփական դիմումիս համաձայն. փոխոստիկանապետ Հովհաննես Քոչարյանը պաշտոնից ազատման մասին

Կառավարությունում քննարկվել է Էկոնոմիկայի նախարարության 2020 թ. պետական բյուջետային հատկացումների հայտը

Հրայր Թովմասյանն անձեռնմխելի է. ո՞ր դեպքում եւ ո՞ւմ համաձայնությամբ նա կարող է քրեական հետապնդման ենթարկվել

Առաջիկայում աշխատանքից ազատված ԱԻՆ աշխատակիցների վերջնահաշվարկը կլինի, մի քանի մարդու մասին է խոսքը․ նախարար

ՀՀ առաջատար մարմնամարզիկների վիզաների խնդիրը լուծված է. կարող են մեկնել Գերմանիա

Արթիկում ավտոմեքենան 50 մ գլորվել է ձորը և ամբողջությամբ այրվել

2020 թվականին ՀՀ անվանական ՀՆԱ-ն կկազմի շուրջ 15 միլիարդ դոլար, պարտքը կնվազի. Բաբկեն Թունյան

Մրցունակ և արդյունավետ պետք է լինի կառավարությունն ու իրականացվող քաղաքականությունը. նախարարը հանդիպել է ԵՄ դեսպանին

Նախարարների աշխատավարձերի բարձրացումը գաղտնի չի եղել, բյուջետային քննարկումների ժամանակ դուք իմացել եւ քվեարկել եք

Գնացքները չշահագործած մեքենավարները ղեկավարության անցկացրած ժողովից հետո խուսափեցին լրագրողներից

Կառավարությունում քննարկվել է Էկոնոմիկայի նախարարության 2020 թ. պետական բյուջետային հատկացումների հայտը

Եթե ես մեղավոր եմ, պատրաստ եմ պատիժս կրել. Արա Բաբլոյան