Կարո՞ղ է քուչի կռիվ էլ սկսվի. վարչապետը սաստեց Սամվել Բալասանյանին, Ռուբեն Սանոյանին, պատգամավոր Սարիկ Մինասյանին

Գյումրի կայարանը մարդաշատ էր վաղ առավոտից: Յուրաքանչյուրն այստեղ էր եկել իր նամակը ձեռքին: Ուզում էին դրանք անձամբ հանձնել էլեկտրագնացքով Գյումրի ժամանած վարչապետ Նիկոլ Փաշինյանին:Գնացքից իջնելուց հետո բազմությունը մի կերպ ճեղքելով վարչապետը քայլեց Տիգրան Մեծ պողոտայով: Այստեղ փողոցաշինական աշխատանքներ են մեկնարկել: Գյումրեցիները դժգոհեցին քանդված մայթ ու փողոցից: Քաղաքապետ Սամվել Բալասանյանը բացատրեց, որ աշխատանքների իրականացման համար իրենք 1 տարի ժամանակ ունեն: Աշխատանքի ավարտի վերջնաժամկետը հունիսի 30-նն է: Քաղշինկոմիտեի նախագահը առկա վիճակը նորմալ գնահատեց:«Լավ է, որ ծրագիր ենք իրականացնում, բայց էս ընթացքում մեր ճարտարապետները, շինարարաները մտածու՞մ են, թե քաղաքացին որտեղով է քայլելու, գնալու, գալու: Սա մայթ է եղել, քանդել են, հա, շատ լավ է, շատ պոզիտիվ է, բայց մտածե՞լ եք, ասենք հիմա կաբլուկով կանայք ո՞նց են քայլելու: Մայթը քանդած է,փողոցը քանդած է» ,-հարցրեց վարչապետը: Սամվել Բալասանյանն ասաց՝ խճապատում ենք, քայլում են, մինչեւ կարողանանք վերջնական ասֆալտապատել:

«Աշխատանքի ծավալները մեծ են, դրա համար էլ հնարավոր է, որ մի փոքր խնդիրներ առաջանան»,- վարչապետին ասաց Շիրակի մարզպետ Տիգրան Պետրոսյանը: Նիկոլ Փաշինյանը մեկ անգամ եւս փորձեց բացատրել, որ ոչ դե դեմ է կատարվող փողոցաշինական աշխատանքներին, այլ դրա իրականացման ձեւից:

«Իմ ասածը հետեւյալն է, որ եթե  շինարարություն ենք սկսում, կապ չունի ինչ շինարարություն է, պետք է մտածենք միջավայրի մասին: Հիմա, ասենք էդ շինարարությունը մի տարի տեւեց, մենք գյումրեցիներին ասում ենք, գնացեք Գյումրիից, մի տարուց հետո կգա՞ք: Էդ մի տարվա ընթացքում պարտավոր եք իրա միջավայրն ապահովեք: Հիմա մեր բոլոր շինհրապարակների 90 տոկոսն աղբանոց է: Բայց մենք նորմեր ունենք, չէ՞: Բերեք գնանք Եվրոպա, ցանկացած տեղ: Տեսնենք նման վիճակ որտե՞ղ կա, որ մայթը քանդեն, քաղաքացին քայլելու տեղ չունենա»:

Այս զրույցը ընթացքում, կիսաձայն սկսեցին միմյանց տհաճ ակնարկներ նետել ԱԺ պատգամավոր Սարիկ Մինասյանն, ով, ի դեպ, նախկինում աշխատել է Գյումրու քաղաքապետարանում, քաղաքապետ Սամվել Բալասանյանն ու Գյումրու փոխքաղաքապետ Ռուբեն Սանոյանը: Վարչապետը զայրացավ:«Հանգստացեք ժողովուրդ: Հիմա կարո՞ղ է ստեղ քուչի կռիվ էլ սկսվի, մի հատ հանգստացեք, այ քեզ բա՜ն: Իմ ներկայությամբ նման բաներ ե՞ք անում»,-սաստեց Նիկոլ Փաշինյանը:

«Մի ժամանակ մարդիկ բողոքում էին, որ Գյումրիում չեն կառուցում, հիմա բողոքում են, որ կառուցում են, նշանակում է, ինչ-որ բան սխալ ենք անում: Պարոն Բալասանյան, ոչ նեղանալու, ոչ կռիվ անելու թեմա է, հետագայի համար եմ ասում, մեզ հիմա ուրիշներն էլ են նայում: Վաղը էս պրոբլեմը Գորիսում էլ է լինելու, Վանձորում էլ: Պետք է մեր շինարարական կուլտուրան բերենք նոր մակարդակի: Այստեղ ոչ քաղաքական վիճաբանության խնդիր է, ոչ էլ այլ: Պարոն Բալասանյան, ես հիմա շատ հստակ խնդիր եմ դնում, կհրավիրեք էն ճարտարապետներին, ովքեր աշխատում են, եւ իրենց առաջ խնդիր կդնենք, որ, երբ շինարարություն է արվում, չի նշանակում, թե քաղաքում կյանքը պետք է կանգնի: Ասեք, որ մարդկանց համար անցանելիություն ապահովեն: Մենք կարող ենք բոլորին ասել՝ բոթաս կամ սապոգ հագեք, բայց էս ճանապարհով մարդը հարսանիք էլ պիտի գնա, ծնունդ էլ, կնունք էլ: Կանչեք ճարտարապետին, թող ցույց տա մարդկանց քայլելու ճանապարհը, որն իհարկե, պետք է լինի արժանապատիվ»,-հանձնարարեց վարչապետը:

Սամվել Բալասանան էլ նշեց, թե հրաշք փողոցներ է ունենալու Գյումրին, որին ի պատասխան վարչապետն ասաց. «Պարոն Բալասանյան, եկեք էդ իրավիճակի հին ընկալումներից դուրս գանք, մենք չենք եկել էստեղ դատ անենք, եկել ենք խնդիրն արձանագրենք: Եթե խնդիրը քաղաքացուց եկել, հասել է ինձ, ու ես հատուկ սրա համար եկել եմ, վաղուց պետք է հասած լիներ Ձեզ, վաղուց պետք է հասած լիներ մարզպետին»:

Ներկա պահին Գյումրիում 12 կմ ճանապարհ է քանդված, 2 հրապարակ: Կառուցվում է 40 կմ ճանապարհ:

Ի դեպ, Նիկոլ Փաշինյանը «Խաղաղության խաչ» էր կրում, որը փամփուշտներից պատրաստում է գյումրեցի արվեստագետ Արտակ Թադեւոսյանը: Հենց հեղինակն էլ նվիրել էր կրծքանշանը:

Տպել
2866 դիտում

Պոտենցիալ «վեթինգվածների» երկակի ստանդարտները

Հարգանքի տուրք է մատուցվել ՀՀ ոստիկանության պարեկապահակետային ծառայության գնդում (տեսանյութ)

Սիրիայում 9 ժամ կտտանքների ենթարկելուց հետո քարերով սպանել են 60-ամյա հայուհու

Տեղի է ունեցել ընդունելություն ԱՄՆ-ում ՀՀ դեսպանությունում` ի պատիվ ԱԺ նախագահ Արարատ Միրզոյանի

Իջևանում տեղի ունեցած բախումից տուժած 12 ոստիկաններից մեկը հիվանդանոց է տեղափոխվել գանգուղեղային վնասվածքով. մանրամասներ

Ռուսաստանը հայտնել է Թուրքիային ռազմական ինքնաթիռներ վաճառելու պատրաստակամության մասին

Նպատակը վեթինգը չէ, այլ անաչառ դատարան ունենալը. որ ասենք՝ մեր անկախ, սկզբունքային դատարանը որոշեց. Ն. Փաշինյան

Բախում Իջեւանում. 9 վիրավոր ոստիկան տեղափոխվել է հիվանդանոց

Վրաստանի վթարից տուժած ծայրահեղ ծանր վիճակում գտնվող 14-ամյա տղան գիտակցության է եկել. նա սկսել է ինքնուրույն շնչել

Եթե Քոչարյանը քաղբանտարկյալ է, ուրեմն ես իրավունք ունեմ տանկերի տակ ճզմել ցանկացած ընդդիմադիր շարժում. վարչապետ

Երեւան-Սեւան ավտոճանապարհին ձորն ընկած բեռնատարի վարորդը մահացել է

100 հազար դոլար, 18 մլն դրամ. ԱԱԾ քննչական դեպարտամենտի պետի ունեցվածքը

Հայաստանի և Ադրբեջանի միջև թեժ գիծն աշխատում է, բայց դա չի երաշխավորում, որ մենք զոհեր չենք ունենա. վարչապետ

Երեւանում Իսպանիայի ու Պորտուգալիայի 19 տարեկանները ցույց տվեցին այն, ինչ Հայաստանում չկա

Վենետիկի հանձնաժողովի կողմից պաշտոնական միայն մի դիրքորոշում է եղել. Նիկոլ Փաշինյան

Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու

Խաչիկ գյուղի մոտակայքում խոտածածկ տարածք է հրդեհվել

Մի բուդկայի պես սեփականաշնորհվել է ՍԴ-ն. եղել է քաղաքական առեւտուր, 4 մարդիկ ստացել են իրենց հասանելիքը. վարչապետ

Իսպանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ փոխնախարարին

Ապօրինի ծառահատում Ահնիձոր գյուղի հարակից անտառում