Կառավարություն չեմ գնացել. թեկնածությունս հանեցի, որպեսզի ընկերներս եւ համակուրսեցիս վատ վիճակում չհայտնվեն

Հանրային ռադիոյի տնօրենի մրցույթում Գարեգին Խումարյանի հաղթելուց հետո մամուլում սկսվեցին լուրեր շրջանառվել, թե Հանրային հեռուստառադիոընկերության խորհրդի անդամ Ստեփան Զաքարյանի վրա ճնշումներ են գործարվել, որպեսզի վերջինս հանի իր թեկնածությունը ռադիոյի տնօրենի մրցույթից:

Հանրային ռադիոյի տնօրենի մրցույթի արդյունքները հայտարարելուց ընդամենը 2 օր առաջ Ստեփան Զաքարյանն իսկապես հանել էր իր թեկնածությունը եւ պատճառների մասին չէր ցանկանում պարզաբանել մինչեւ որ չընտրվեց ռադիոյի տնօրենը: Թերեւս Զաքարյանի լռությունը պատճառ հանդիսացավ տարատեսակ ենթադրությունների:

Ըստ որոշ լրատվամիջոցների էլ՝ Ստեփան Զաքարյանի հաղթանակը գրեթե կանխորոշված է եղել, սակայն հանձնաժողովի անդամների վրա ճնշում է գործադրվել, եւ նրանք ստիպված են եղել փոխել իրենց որոշումը՝ ձայները տալով ներկայիս տնօրեն Գարեգին Խումարյանին: Անգամ լուրեր շրջանառվեցին, թե ընտրությունից երկու օր առաջ Ստեփան Զաքարյանին կառավարությունից կանչել են եւ հրահանգել դուրս գալ ընտրապայքարից, որը, սակայն, Զաքարյանը հերքեց «Հայկական ժամանակ»-ի հետ զրույցում՝ ասելով. «Ես կառավարությունում չեմ եղել»:

Ավելին, ՀՌՀ խորհրդի անդամը վստահեցրեց՝ հանձնաժողովում իր թեկնածության մասին որեւէ քննարկում չի եղել եւ իրեն ոչ ոք նման հորդորով չի դիմել:

«Ասեմ, երբ բոլորը սկսեցին գրել, որ արդեն կանխորոշված է, եւ որ Հանրային ռադիոյի տնօրենի պաշտոնում ես եմ ընտրվելու, արդեն վատ էր: Գրում էին, որ հանձնաժողովի անդամներն իմ ընկերներն են եւ ես պիտի ընտրվեմ: Եվ երբ իմ համակուրսեցի Արայիկ Շիրինյանն ընտրվեց ՀՌՀ խորհրդի նախագահ, մտածեցի, որ հիմա էլ կսկսեն ասել, որ համակուրսեցին եկավ գումարվեց ընկերներին, եւ որ մրցույթը կեղծ է, ֆիկտիվ է եւ այլն: Ես թեկնածությունս հանեցի, որպեսզի ընկերներս եւ համակուրսեցիս վատ վիճակում չհայտնվեն, եթե հանկարծ ես ընտրվեմ»,-ասաց Զաքարյանը:

Վերջինիցս հետաքրքրվեցինք, թե այնուամենայնիվ  ինքն այն կարծիքի՞ն է եղել, որ ընկերական շրջապատում իրականացվող ընտրությունը կարող էր ոչ այնքան օբյեկտիվ լինել: Զաքարյանը չժխտեց՝ ավելացնելով, որ այդ մասին շատերն էին սկսել խոսել ռադիոյի մրցույթում իր թեկնածության առաջին իսկ վայրկյանից: Զաքարյանի խոսքով, երբ հանձնաժողովի անդամները տեղեկացել են, որ վերջինս հանել է իր թեկնածությունը՝ ափսոսել են:

«Ես այնքան վաղուց եմ այս ոլորտում, որ ինչ մասնագետներ էլ լինեին հանձնաժողովում, դժվար թե ինձ չճանաչեին կամ ինձ հետ մտերիմ չլինեին: Ինձ համար նպատակը ոչ թե պաշտոնն էր, այլ այն, որ ռադիոն լինի այնպիսին, ինչպիսին պիտի լինի Հանրային ռադիոն այսօր: Եվ եթե մեկ ուրիշը կարողանա դա անել մեր օգնությամբ, մենք ուրախ կլինենք»,-ասաց Ստեփան Զաքարյանը:

Անդրադառնալով ռադիոյի նորանշանակ տնօրեն Գարեգին Խումարյանին՝ Զաքարյանը նշեց, որ պատրաստակամ է օգնել եւ աջակցել ինչով կարող է. «Երիտասարդ մարդ է, որը ունի ե՛ւ նորմալ ծրագիր ե՛ւ աշխատելու մեծ ցանկություն»: Հիշեցնենեք, որ Հանրային ռադիոյի տնօրենի մրցույթի մասնակիցների թիվը 30-ն էր, սակայն վերջին պահին ընտրապայքարից դուրս էր եկել Հեռուստառադիոխորհրդի անդամ Ստեփան Զաքարյանը:

Տպել
2796 դիտում

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ