Վանաձորի Հ. Աբելյանի անվան դրամատիկական թատրոնի տնօրենին ներկայացրեց մշակույթի նախարարի պաշտոնակատարը

Մշակույթի նախարարի պաշտոնակատար Նազենի Ղարիբյանը Վանաձորի Հովհաննես Աբելյանի անվան պետական դրամատիկական թատրոնի աշխատակազմին ներկայացրեց տնօրենի ժամանակավոր պաշտոնակատար Լուսինե Սահակյանին: Թատրոնի դերասանական կազմը նախարարի պաշտոնակատարին իր դժգոհությունը հայտնեց Ագնեսա Շահնազարյանի ազատման համար՝ նշելով, որ նախկին տնօրենը բավականին աշխատանք էր տարել ու դեռ անելիքներ շատ ուներ: Դերասանական կազմը նախարարին դժգոհեց նաեւ տնօրեն նշանակելու ժամկետների վերաբերյալ՝ նշելով, որ նշանակված տնօրենը մինչեւ ինչ-որ բան է անում, գալիս է նոր տնօրենը, իսկ դա թատրոնին հետընթաց է պատճառում միայն:

Նախարարի պաշտոնակատարն ասաց, որ որեւէ տեղ նշված չէ, որ տնօրենը հավերժ պաշտոն է, իսկ եթե տնօրենը հետեւել է, որ տանիքը չկաթա, կամ թատրոնը նորմալ պայմաններում լինի, ապա դա միայն ու միայն նրա պարտականությունն է. «Նման դեպքերում ես ասում եմ, որ տնօրենը ոչ թե հերոսություն է արել, այլ դա իր աշխատանքն է: Ես չեմ հասկանում նաեւ, որ ասում եք՝ թողնեիք իր գործը ավարտեր, կներեք, իր գործը քանի տարում պետք է ավարտեր»,- աշխատակիցների դժգոհությանը պատասխանեց Նազենի Ղարիբյանը՝ հավելելով, որ նոր եկող տնօրենը ինքը կշարունակի նախորդի թողած գործը. «Մեզ մոտ հաստատվել է այն ավանդույթը, որ տնօրենները պետք է հավերժ լինեն, մենք պետք է սովորենք, որ տնօրենը ժամանակավոր պաշտոն է»:

Աշխատակիցները հետաքրքվեցին նաեւ նորանշանակ տնօրենի ով լինելուց, ներկայացվեց Լուսինե Սահակյանի կենսագրականը: Նախարարը հիշեցրեց՝ տնօրենը վարչական պաշտոն է, իսկ թատրոնը գեղարվեստական ղեկավար ունի:

Նախարարի պաշտոնակատարը աշխատակազմի չդադարող դժգոհություններին ի պատասխան խորհուրդ տվեց չմոռանալ, թե ինչպես իրենցից ոմանք տարիներ առաջ սրերով ընդունեցին հենց Ագնեսա Շահնազարյանին: Չնայած ներկաները փորձեցին հերքել, սակայն նախարարը պնդեց:

Հանդիպմանը խոսվեց նաեւ օրենսդրական բացերից: Նազենի Ղարիբյանը վստահեցրեց՝ աշխատում են այդ ուղղությամբ: Խոսք գնաց նաեւ թատրոնի շենքային խնդիրների, ինչպես նաեւ հանդիսատես բերելու հարցերի շուրջ:

Երբ թատրոնի աշխատակիցները  շարունակեցին ներկայացնել, թե ամեն ինչ պարզ ու մաքուր էր իրենց մոտ, եւ նախկին տնօրենի ազատումը անհիմն էր, միջամտեց մշակույթի նախարարության ներքին աուդիտի բաժնի պետ Սիրանույշ Ռափյանը՝ նրանց հիշեցնելով վերջերս թատրոնում հայտնաբերված խախտումներն ու ֆինանսական կորուստները, որոնք իրականացվել էին գանձապահի ու հաշվապահի միջոցով:

Լրագրողների հետ զրույցում Նազենի Ղարիբյանն անդրադառնալով հարցին, թե ինչու հենց Լուսինե Սահակյանը նշանակվեց ժամանակավոր պաշտոնակատար, ասաց, որ փաստաթղթային առումով նա է հենց համապատասխանել չափորոշիչներին: Ասաց՝ դիմողներ էլի են եղել, ովքեր հրավիրվել են նաեւ հարցազրույցի, բայց միայն նշանակված տնօրենն է ամբողջությամբ համապատասխանել:

ՀԺ-ն աուդիտի բաժնի պետից խնդրեց պարզաբանել, թե ինչ խախտումներ ու չարաշահումներ են հայտնաբերվել, նշեց, որ կդժվարանա հստակ թվերով խոսել, քանի որ փաստաթղթերը ձեռքի տակ չեն, միայն նշեց, որ փետրվար ամսին իրականացվել են ուսումնասիրություններ. «Հիմնական խնդիրն այն էր, որ գլխավոր հաշվապահի ենթակայության տակ որպես գանձապահ աշխատել էր իր աղջիկը, ինչն անթույլատրելի է, ու այդպես 2-3 տարի»,-ասաց նա: Սիրանույշ Ռափյանն ասաց նաեւ, որ մայր ու դուստր ազատվել են աշխատանքից: Վերականգնվել է նաեւ 100-300 հազար դրամ պատճառված վնասը:

ՀԺ-ի հետ զրույցում թատրոնի տնօրենի ժամանակավոր պաշտոնակատար Լուսինե Սահակյանն ասաց, որ դեռեւս կդժվարանա ասել՝ կմասնակցի՞ տնօրենի մրցույթին, թե՝ ոչ, վստահեցրեց, որ անելու է ամենը՝ հանուն թատրոնի ու հանուն մշակույթի. «Դա կախված կլինի ստեղծված իրավիճակից ու թե ես ինչքանով կկարողանամ նպաստել թատրոնի բարգավաճմանը: Բայց եթե ես զգամ, որ իմ ներկայությունը այստեղ ոչ միայն չի օգնում, այլ մի բան էլ խանգարում է թատրոնի շնչառությանը, ես կհեռանամ 5 րոպե շուտ, քան 5 վայրկյան ուշ, ինչպես ընդունված է ասել»,-հավելեց Լուսինե Սահակյանը:

Տպել
1500 դիտում

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան