Ովքեր արժանացան «Արտավազդ» ամենամյա մրցանակին. Խորեն Լեւոնյանը՝ տարվա լավագույն դերասան

«Արտավազդ» մրցանակաբաշխությունն այսօր ամփոփեց թատերական տարին: Մրցանակաբաշխության լավագույն դերասան անվանակարգում հաղթեց Խորեն Լեւոնյանը «Սասնա ծռեր» ներկայացման համար, իսկ լավագույն դերասանուհի ճանաչվեց Տաթեւ Մելքոնյանը` «Անպարկեշտ Թոմի մեկնաբանությունները» բեմադրության համար:

Դրամատուրգ Կարինե Խոդիկյանը, որը «Արտավազդ» մրցանակաբաշխության փորձագետների կազմում էր ընդգրկված, «Հակական ժամանակ»-ի հետ զրույցում ասաց, որ ընտրությունը բավականին էներգատար է եղել: Դրամատուրգը, սակայն, չցանկացավ մանրամասնել՝ ասելով, որ ներքին խոհանոցը չի բացի. «Եղել է այն, ինչ լինում է մասնագետների խմբում, ովքեր ունեն թատրոնի մասին հստակ պատկերացումներ եւ մասնագտական մոտեցում, ինչն էլ օգնել է մեզ ոչ դյուրին աշխատանքը ավարտին հասցնելու համար»:

Խոդիկյանը նաեւ նկատեց, որ նմանատիպ ցանկացած ընտրության հետեւում մարդկային ճակատագիր է. «Ինքս էլ գիտեմ, թե ինչ է նշանակում, երբ քո բախտը կախված է ինչ-որ մեկի որոշումից»:

Այս տարի «Արտավազդ» մրցանակաբաշխությունը տեղի ունեցավ Հակոբ Պարոնյանի անվան երաժշտական կոմեդիայի պետական թատրոնում. այն նվիրված էր թատերական գործիչ, Պատանի հանդիսատեսի թատրոնի հիմնադիր Տիգրան Շամիրխանյանի 120-ամյակին:  

«Շամիրխանյանն իր ամբողջ կյանքը նվիրել է թատրոնին: Պատանի հանդիսատեսի թատրոնը, որի հիմնադիրն է նա, եւ որը ես պատիվ եմ ունեցել քսան տարի ղեկավարել, տարիներ շարունակ անվանի դերասաններ է նվիրել հայ թատրոնին՝ ընձեռելով թատրոնում առաջին քայլեր անելու հնարավորություն: Պատահական չէ, որ այդ հրաշալի թատրոններից մեկը` Ղափլանյանի անվան դրամատիկական թատրոնը, ստեղծվեց Պատանի հանդիսատեսի թատրոնի դերասանական բազայի հիման վրա»,- բացման խոսքում նշեց Թատերական գործիչների միության նախագահ Հակոբ Ղազանչյանը:

ՀՀ արվեստի վաստակավոր գործիչ Ժիրայր Դադասյանը, որը նույնպես մրցանակաբաշխության փորձագետների կազմում էր, ասաց, որ ներկայացվել են լավ աշխատանքներ, եղել են նաեւ ոչ այդքան ավարտուն, լիարժեք գործեր: «Մասնակցել են ուսանողներ, մասնավոր թատրոններ: Ինձ ցնցել է «Չիպոլինո» բալետային ներկայացումը, որը ֆանտաստիկ  է»,- նշեց Դադասյանը՝ խոստովանելով, որ նախորդ տարի ներկայացված գործերն ավելի հետաքրքիր էին:

Լավագույն երիտասարդ դերասան անվանակարգում մրցանակը հանձնվեց Սենիկ Բարսեղյանին «Սեւ արկղ» եւ Վիգեն Թադևոսյանին «Իուարշայի սուրը» ներկայացումների համար:

Լավագույն երիտասարդ բեմադրիչ դարձավ Արմեն Մարգարյանը «Դու էիր պակաս» ներկայացմամբ:

Լավագույն սցենոգրաֆիա անվանակարգում «Արտավազդը» տրվեց Վիկտորյա Ռիեդո-Հովհաննիսյանին «Սասնա ծռեր» բեմադրության համար, 

Լավագույն երաժշտության հեղինակ համարվեց Վաչե Շարաֆյանը «Սասնա ծռեր» ներկայացման երաժշտություն համար, 

Երկրորդ պլանի լավագույն դերասան անվանակարգում հաղթեց Դավիթ Գասպարյանը «Սասնա ծռեր»-ի համար, 

Երկրորդ պլանի լավագույն դերասանուհի անվանակարգում մրցանակների արժանացան Սաթենիկ Հախնազարյանը «Թակարդ Ստալինի համար» եւ Աննա Բալանդինան «Խաղաղության փողոցում» ներկայացումներում փայլուն դերակատարումների համար:

Լավագույն մանկական ներկայացում ճանաչվեց Աբովյանի դրամատիկական թատրոնի «Պոչատ աղվեսը» ներկայացումը:

Լավագույն ներկայացում անվանակարգում մրցանակը հանձնվեց Ա. Սպենդիարյանի անվան օպերայի եւ բալետի ազգային ակադեմիական թատրոնի «Չիպոլինո» բալետային ներկայացման համար:

Հայաստանի թատերական գործիչների միության «Արտավազդ» հատուկ մրցանակի արժանացավ Գյումրու Վ. Աճեմյանի անվան դրամատիկական թատրոնի նախկին տնօրեն, Երեւանի փոխքաղաքապետ Տիգրան Վիրաբյանը «Հարսանիք թիկունքում» ներկայացման համար: Հատուկ մրցանակաների աժանացան նաեւ Համլետ Ղալեչյանը եւ Գ. Սունդուկյան թատրոնի տնօրեն Վարդան Մկրտչյանը:

Թատերարվեստին արժանապատիվ ծառայության համար մրցանակներ տրվեցին Ռազմիկ Խոսրոեւին, Սերգեյ Մանղալյանին, Յուրիկ Ոսկանյանին, Ռուբեն Հարությունյանին, Վլադիմիր Հովհաննիսյանին:

ՀԹԳՄ ոսկե մեդալներ տրվեցին Արսեն Ղազարյանին, Անահիտ Բաբելյանին, Կարինե Ջանջուղազյանին, Սոնա Մելոյանին եւ Կարապետ Շահբազյանին:

Տիգրան Շամիրխանյանի անվան հատուկ մրցանակը հանձնվեց  ՀԹԳՄ նախագահ Հակոբ Ղազանչյանին «Թակարդ Ստալինի համար» ներկայացման համար:

Հիշեցնենեք, որ «Արտավազդ» մրցանակաբաշխության փորձագետների կազմում էին ՀՀ արվեստի վաստակավոր գործիչ Ռուբեն Բաբայանը, դրամատուրգ Կարինե Խոդիկյանը, կոմպոզիտոր, երգիչ Վահան Արծրունին, ՀՀ արվեստի վաստակավոր գործիչ Նարինե Մալյանը,  ՀՀ արվեստի վաստակավոր գործիչ Ժիրայր Դադասյանը, թատերագետ Նվարդ Ասատրյանը, «Արմմոնո» փառատոնի տնօրեն Մարիաննա Մխիթարյանը:

Տպել
2717 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը