Հայ մարմնամարզիկներին միջազգային մրցումներում օգնում են այլ հավաքականների բժիշկները

Հայաստանի մարմնամարզության հավաքականը միջազգային մրցումների է մեկնում առանց պատվիրակության կազմում բժիշկ ունենալու: Այս մասին այսօր՝ մարտի 26-ին, լրագրողների հետ հանդիպման ժամանակ Դոհայի աշխարհի գավաթի խաղարկության արդյունքներն ամփոփելիս ասաց հավաքականի գլխավոր մարզիչ Հակոբ Սերոբյանը: Այդպես է եղել նաեւ Դոհայում: Այնտեղ որակավորման փուլում Եվրոպայի փոխչեմպիոն Արթուր Դավթյանը (հենացատկ) ցավեցրել է ծունկը, ու նրան օգնել են այլ երկրների բժիշկներ: Երկընտրանքի առաջ են կանգնել՝ մասնակցի եզրափակչին, թե՝ ոչ: Մարզիկը վստահեցրել է, որ կարող է:

«Չէի ուզում, ճիշտն ասած, որ մասնակցեր: Նա խնդրեց, թույլ տվեցինք: Առաջին ցատկն այնքան լավ կատարեց, որ 2-րդի բարդությունը չստացվեց ցավի պատճառով, ունեցավ վրիպում, բայց վրիպումով հանդերձ միջին գնահատականով մեդալ նվաճեց: Շատ ուրախալի է, որ հասկանում է՝ ինչ է կատարվում իր հետ: Մենք, քանի որ չունեինք էլ բժիշկ... ճիշտ է՝ շատ օգնեցին, տեղի բժիշկը, էլի բժիշկներ կային, բոլորը պատրաստակամ էին օգնելու»,- ասաց նա:

Սերոբյանն ընդգծեց, որ սպորտային բժշկության մեջ մասնագիտացված բժիշկների խնդիրը Հայաստանում շատ լուրջ է: Նշեց, որ այս պահին մարմնամարզիկներին բժշկական օգնություն ստանալու համար խանգարում է ոչ թե ֆինանսի բացակայությունը, ինչը խնդիր է շատ այլ հարցերում, այլ այն, որ Հայաստանում չկան համապատասխան մասնագետներ:

«Առաջինը պետք է բժիշկ լինի, որ ավելի կոնկրետ հետազոտվեն: Երբ մենք էինք մարզվում, մանավանդ ուսումնամարզական հավաքի ժամանակ, դահլիճում եղել է բժիշկ, որը հետեւել է: Բժշկի հարցը շատ լուրջ է: Գալիս են թիմեր լուրջ բժիշկներ, ամոթ է... բայց պատրաստակամ են, այնքան ուրախությամբ են օգնում մեր երխաներին....»,- ասաց նա:

Ինչ վերաբերում է մարտի 20-23-ը կայացած Դոհայի աշխարհի գավաթի խաղարկությանը, ապա մարզիչը շատ գոհ է: Արթուր Դավթյանը (հենացատկ), անկախ վնասվածքից, նվաճեց բրոնզե մեդալ, համաշխարհային ուսանողական խաղերի հաղթող Արթուր Թովմասյանը (օղակներ) դարձավ արծաթեմեդալակիր, Եվրոպայի փոխչեմպիոն Վահագն Դավթյանը (օղակներ)՝ բրոնզեմեդալակիր: Առանց մեդալի վերադարձավ միայն Եվորապայի չեմպիոն, աշխարհի առաջնության բրոնզեմեդալակիր Հարություն Մերդինյանը: Նժույգթափերի եզրափակչում 5-րդ տեղը զբաղեցրեց:

«Աշխարհի գավաթի խաղարկությունը, որը նաեւ վարկանիշային էր օլիմպիական խաղերի համար, մեզ համար շատ լավ ստացվեց: Ես գնահատում եմ շատ լավ. 4 մասնակից, 4 եզրափակիչ, 100%-անոց արդյունք էր: Կարող եմ ասել՝ ոչ մի թիմ չի եղել, որ բոլոր մասնակիցները լինեն եզրափակչում»,- ասաց Սերոբյանը՝ ավելացնելով, որ Մերդինյանի 5-րդ տեղի համար չի կարող ոչինչ ասել, քանի որ 34-ամյա մարզիկն արել է իր առավելագույնը:

Դոհայում Արթուր Դավթյանը միակը չի եղել, որ ելույթ է ունեցել խնդիրներով: Վահագն Դավթյանը տեւական ժամանակ չէր մարզվել. ուսի վնասվածք ուներ, որը հիմա էլ ամբողջությամբ չի անցել: Մինչեւ մարտի 12-14-ը կայացած ՀՀ առաջնությունը նա 1 ամսից ավելի չէր մարզվել: Երկրի առաջնությունից առաջ էլ մի քանի անգամ էր փորձել իր վարժությունը: Նշում է, որ Դոհայում արդյունքի հասավ հոգեբանորեն լավ տրամադրվելու շնորհիվ:

«Հոգեբանորեն էի տրամադրվել ե՛ւ այս մրցումներից, ե՛ւ ՀՀ առաջնությունից առաջ: Ինչքան ժամանակը քիչ է, այնքան ավելի շատ ես մտովի կապվում, հոգեբանորեն ես քեզ փորձում տրամադրել: Այո՛, ժամանակը մի փոքր քիչ էր իմ նախապատրաստվելու համար, բայց հասցրեցի: Մի քիչ թուլացավ ցավը: Մի քիչ էլ ժամանակ կա առջեւում: Այդ ընթացքում, երեւի, ավելի շատ կհասցնի վերականգնվել, որովհետեւ դեռ տեղ կա վերականգնվելու»,- ասաց նա:

Այս մրցաշարից հետո ՀՀ հավաքականը կենտրոնանում է Եվրոպայի առաջնության վրա, որը կայանալու է ապրիլի 10-14-ը Լեհաստանում: Մինչեւ այդ մարտի 28-ից մեծահասականերն ու 5 երիտասարդներ տասնօրյա հավաք են անցկացնելու Թբիլիսիում, որից հետո մեծահասակներն ապրիլի 7-ին մեկնելու են Լեհաստան, իսկ երիտասարդները վերադառնալու են Հայաստան:

Եվրոպայի առաջնությունում ՀՀ են ներկայացնելու Հարություն Մերդինյանը, Արթուր Դավթյանը, Արթուր Թովմասյանը, Վահագն Դավթյանը, Եվրոպայի երիտասարդների առաջնության արծաթեմեդալակիր Արթուր Ավետիսյանը, որն առաջին անգամ է մասնակցելու մեծահասակների պայքարին, Վիգեն Խաչատրյանը: Մրցաշարում ՀՀ-ն ունենալու է նաեւ 2 մրցավար՝ Սերոբյանը եւ Արթուր Գյուրջինյանը:

Եվրոպայի առաջնությունը վարկանիշային է ամռանը կայանալիք Եվրոպական խաղերի համար: Առանձին գործիքների դեպքում ուղեգիրը տրվելու է մեդալակիրներին, բազմամարտում՝ մինչեւ 18-րդ տեղը գրաված մարզիկներին: Եվրոպական խաղերում մեկ երկիրն առավելագույնը 3 մարմնամարզիկ ներկայացնելու իրավունք է ունենալու:

Եվրոպական խաղերից հետո սպասվում է աշնանը կայանալիք աշխարհի առաջնությունը, որը, ըստ Սերոբյանի, շատ կարեւոր է ՀՀ համար, քանի որ հաշվի առնելով այս մարզաձեւում մրցակցությունը, միայն այս մրցաշարում է իրատեսական Տոկիո 2020-ի ուղեգրեր նվաճել: Այդտեղ նույնպես 1 երկիրը 3-ի ավելի մասնակից ունենալու իրավունք չունի: Մարզչական խորհրդն արդեն եկել է եզրակացության, որ մասնակցելու են Մերդինյանը, Արթուր Դավթյանը եւ օղակների 2 առաջատարներից՝ Վահագն Դավթյանից ու Արթուր Թովմասյանից, մեկը: Տվյալ պարագայում լինելու է Թովմասյանը, քանի որ վերջին մի քանի մրցաշարերում՝ Քոթբուսի գավաթի խաղարկությունում, ՀՀ առաջնությունում ու Դոհայում առաջ է անցել Վահագնից: Սերոբյանը նշում է, որ ընտրության այս կարգը հայտնի է նաեւ մարզիկներին, այդ պատճառով, նույնիսկ հարց չի առաջանում՝ ով է գնալու, իրենք էլ նախապես իմանում են:

Տպել
486 դիտում

Գերմանիան ևս դադարեցրել է զենքի արտահանումը Թուրքիա. Մերկելը Էրդողանին կոչ է անում անհապաղ դադարեցնել կրակը

Վայք քաղաքի բնակիչներից մեկի ավտոտնակում «Տրոտիլ» տեսակի 4 պայթուցիկ է հայտնաբերվել

Եղեգնուտ գյուղի 50-ամյա մի բնակիչ բենզասղոցի գործադրմամբ 63 ծառ է կտրել ու տարել իր բակ

Վանաձորի աղմկահարույց սպանությունների գործով Բագրատաշենի անցակետում հայտնաբերվել է եւս մեկ կասկածյալ

Ոստիկանները հայտնաբերել են «Դայմոնդ» ֆիթնես» ակումբի և մեկ այլ ԱՁ-ի տնօրեններին դանակահարողին

Աննա Հակոբյանն իրականացրել է հաշմանդամություն ունեցող Ռազմիկի երազանքը

Սարավան գյուղում այրվել են ավտոմեքենա և խոտածածկույթ

Արարատ Միրզոյանը Բելգրադում հանդիպել է Սերբիայի խորհրդարանի խոսնակի հետ

Բակո Սահակյանը այցելել է գյուղաշխատողի օրվա կապակցությամբ կազմակերպված տոնավաճառին

Եղանակային առումով նորից ունենալու ենք հրաշք շաբաթ, արեւային աշունը շարունակվում է. Սուրենյան

Թուրքական բանակը Ռաքքայի հյուսիս-արևելքում գրավել է Սուլուք բնակավայրը

Ստեփանակերտում կկառուցվի ֆրանկոֆոնիայի կենտրոն. Արցախում հուշագիր է ստորագրվել

Արմեն Սարգսյանը ցավակցական հեռագիր է հղել ֆրանսահայ նկարիչ Ռիշար Ժերանյանի մահվան կապակցությամբ

Ծեծկռտուք՝ Արարատի մարզում. Մասիսի Բ/Կ-ի տնօրենը քթի շրջանում վնասվածքով տեղափոխվել է հիվանդանոց

«Ավրորայի» հերոս Զանա Բուկար Մուստաֆան արդեն ժամանել է Երևան

Բակո Սահակյանը հանդիպել է ՌԴ Պետդումայի պատգամավոր Կոնստանտին Զատուլինի հետ

Սպիտակ քաղաքում տնակ է հրդեհվել. տուժածներ չկան

Թուրքիան միտումնավոր կրակ է բացել Սիրիայում տեղակայված ամերիկյան դիրքերի վրա. Washington Post

Կոնգոյում վթարի ենթարկված օդանավը հայկական պատկանելություն չունի. ՀՀ վարչապետի խորհրդական

Ֆրանսիան դադարեցնում է սպառազինությունների արտահանումը Թուրքիա. որոշումն ուժի մեջ է մտնում անհապաղ