«Դե դուք ձեր ասածն արեք, ես էլ իմ ասածն անեմ». ի՞նչ է իրականում տեղի ունեցել Մեղրիի զորամասում

Մի քանի օր առաջ Մեղրիի զորամասը լքելու համար մոտ 2 տասնյակ զինծառայող տեղափոխվել է Արցախի զորամասեր, որպես «պատիժ»: Պատժվել է նաեւ հրամանատարական կազմը, մի քանի սպաներ պաշտոնանկ են արվել: Մեղրիում տեղի ունեցածի մասին 3 օր առաջ epress.am կայքում բարձրաձայնել էր զինվորներից մեկի մայրը: Տիկնոջ հայտարարությանն արձագանքեց ՊՆ խոսնակ Արծրուն Հովհաննիսյանը՝ հայտարարելով, որ տեղեկությունը միակողմանի է ներկայացվում, ՀՀ ԶՈւ-երում կարգազանցությունները և անհնազանդությունները անթույլատրելի են և պատժվելու են օրենքի ողջ խստությամբ: Ինչ է իրականում տեղի ունեցել Մեղրիի զորամասում: «Հայկական ժամանակ»-ը գնացել է սույն տեղեկության հետքերով:

Զորամասի հրամանատարի մարտական պատրաստության գծով արդեն նախկին տեղակալ, փոխգնդապետ Արմեն Գասպարյանը «Հայկական ժամանակ»-ի հետ զրույցում ասաց, որ իրականում բուն պատճառները չեն ասվում, թե ինչ է եղել. «Մի շարք զինծառայողներ բավականին լկտի են իրենց պահել: Բազմիցս հրամանատարության կողմից տույժերի են ենթարկվել»,- ասաց Գասպարյանը:

Նրա խոսքով՝ բուն պատճառն առաջացել է մեկ զինծառայողի՝ շարքային Կ. Մուսայելյանի պատճառով: «Այդ զինծառայողը մեր դժվար դաստիարակվողների ցուցակի մեջ է, բազմիցս կալանքների է ենթարկվել: Սրանից մի ամիս առաջ էլ քրեական գործ է հարուցվել նրա դեմ՝ թմրանյութ պահելու համար: Գալիս է մեր բանակային կորպուսի հրամանատար գեներալ Վալերի Քոչարյանը, զրուցում է նրանց հետ, բացատրում է, որ նորմալ ծառայեք՝ հասեք ձեր ընտանիքներին, բայց այս զինծառայողների վրա չի ազդում: Շարք չեն կանգնում, այլ համազգեստով են լինում՝ սպաների համար թույլատրված, սափրված չեն լինում, այլ սապոգներ են հագնում»,- ասաց Գասպարյանը:

Մեր հարցին՝ ի սկզբանե նրանք այդպե՞ս են ծառայել, Գասպարյանը պատասխանեց. «Ոչ, այդպիսի բան չի եղել: Այդ զինծառայողին մնում էր 3 ամիս, որ զորացրվեր: Մինչեւ զինվորական երդում ընդունելը այդ զինծառայողը գլուխ էր պահում, թե չէր կարողանում քայլել, զանգել եմ ծնողին, բացատրել եմ, որ ձեր տղան չի կարողանում քայլել: Ուղարկել ենք հոսպիտալ, ամեն ինչ նորմալ է եղել: Երդման արարողության օրը պարզվեց, որ նորմալ էլ քայլում է: Հետո նրա բջջային հեռախոսի մեջ հայտնաբերեցինք, որ նա մի զինվորի գլխին էր խփում, կոպիտ ասած՝ կայֆավատ էր լինում վրան: Դրանից հետո կալանք ենք ուղարկել: Բանակային կորպուսի հրամանատարը խոսելուց հետո հասկանում է, որ նա չի ուղղվում եւ որոշում է Մուսայելյանին տեղափոխել այլ զորամաս: Նա էլ իմանալով, որ իրեն տեղափոխում են ուրիշ զորամաս, մարտի 17-ին գալիս մտնում է մեր զորամասի հրամանատարի մոտ եւ ասում է. «Էդ լսել եմ ինձ տեղափոխում ե՞ք», հրամանատարը ասել է՝ այո, նա էլ, թե՝ դե դուք ձեր ասածն արեք, ես էլ իմ ասածն անեմ: Մուսայելյանը անձնակազմին շարում է, ստորաբաժանումներում իր ընկերների հետ է խոսում՝ 20 հոգուց ավելի, որ հիմա կալանքի տակ են, պայմանավորվում են, որ զորքը հանեն, տանեն քաղաք, որ Մուսայելյանին չտեղափոխեն: Ու իրենք այդպես անհնազանդություն են դրսեւորում, զորքը ճաշարան չի մտնում՝ մինչեւ Մուսայելյանը չի ասում: Զինվորներն էլ ուզած-չուզած նրան լսում են, որ հետո իրար մեջ խոսակցություն չունենան:

Գնում են քաղաք մոտ 200-250 զինծառայող: Գնում եմ, իրենց մոտ խոսում եմ, ոստիկանություն, ոստիկանության պետ, հրամանատարական կազմ, բոլորը այնտեղ են լինում: Զինծառայողները ինձ տեսնում են, ասում են՝ պարոն փոխգնդապետ, չենք թողնում մոտիկանաք Կարոյին: Հետո քաշում եմ մի կողմ, Կարոյին ասում եմ՝ այս ի՞նչ ես անում, նա էլ՝ թե բա պարոն փոխգնդապետ, հորս արեւ, էս ձեր թեման չի, դուք գնացեք, գործ չունեք: Զինվորներն էլ չեն թողնում նրան: Ու այդ ամբողջ անձնակազմը հարբած են լինում: Հետո հրամանատարն էլ է գալիս, խոսում ենք, նրանց բերում ենք զորամաս: Երեկոյան չեն քնում, ասում են՝ մենք ուզում ենք հրամանատարը երաշխիք տա, որ Կարոն չի տեղափոխվելու զորամասից: Հրամանտարն ասում է՝ բարձրացեք վերեւ, ես կորպուսի հրամանատարի հետ կխոսեմ: Նրանք էլի չեն քնում, սկսում են բարձր ձայներ հանել, գոռալ»,- պատմեց զորամասի հրամանատարի տեղակալը:

Գասպարյանի խոսքով՝ զորամաս է այցելել նաեւ Մեղրիի քաղաքապետ Մխիթար Զաքարյանը եւ բացատրել է, որ սիրուն բան չեն անում: «Նրանք էլ ասում են՝ մեզ երաշխիք է պետք, որ Մուսայելյանը չի տեղափոխվելու զորամասից: Հաջորդ օրը բանակային կորպուսի հրամանատարը գալիս է նրանց հետ խոսելու: Զորամասի հրամանատարը Մուսայելյանենց գումարտակին հրաման է տալիս, որ բարձրանան վերեւ՝ խոսելու համար: Հրաման է տալիս, չեն կատարում զորամասի հրամանատարի հրամանը: Ասում է՝ չե՞ք լսում, որ ասում եմ՝ քայլով մարշ, դարձյալ ռեակցիա չեն տալիս: Մուսայելյանն ասում է՝ քայլեք, նրանք քայլում են դեպի դուրս, այլ ոչ վերեւ՝ խոսելու: Հետո հաջողվում է նրանց բերել՝ խոսելու: Կորպուսի հրամանատարն ասում է՝ չենք տեղափոխելու մի որոշ ժամանակ, մինչեւ տեսնենք՝ այս վիճակն ինչ է լինելու:

Մուսայելյանն ասում է՝ դե լավ տղերք, գնացինք: Մինչեւ այդ էլ Մուսայելյանը զինվորներին ասում է՝ տղերք չմտածեք, ես գիտեմ՝ ինձ դատելու են, բայց ես ձեզ բերդերում էլ եմ պահելու, ես սաղ տեղերն էլ ապրած ունեմ: Դրանից հետո նրանց տեղեկացնում ենք, որ պիտի պատժվեն, մարդիկ կալանք պետք է ստանան նման արարքի համար եւ հարցնում են՝ ովքե՞ր են կազմակերպիչները, թող դուրս գան շարքից: Մուսայելյանի ընկերները դուրս են գալիս շարքից, ասում են՝ բա մենք ենք կազմակերպել, Մուսայելյանը կապ չունի: Ու այդ մարդկանց ռազմական ոստիկանությունը մեքենաներով տանում է Կապանի ոստիկանություն:

Ասում են՝ Գասպարյանը շորեր է ճղել, չեմ ժխտում՝ եղել է այդպիսի դեպք: Բազմիցս անձնակազմին զգուշացվել է՝ այդ համազգեստները, որ ձեզ ուղարկել են, չի թույլատրվում, հանեք, մեր տրամադրածները հագեք: Ասում են՝ պարոն փոխգնդապետ, լվացել ենք: Ժամանակ ենք տալիս, հինգշաբթի ասում ենք՝ լվացեք, շաբաթ օրը ստուգելու ենք: Հիմա ասում ենք՝ տղա ջան, քո ծնողը կարողանում է ուղարկել, մյուսի ծնողը չի կարողանում, չի էլ թույլատրվում, ինչո՞ւ ես հագնում այդ համազգեստը: Գալիս են զորամասը ստուգելու, տեսնում են՝ բոլորը խայտաբղետ գույներով համազգեստներ են հագել: Մարտի 16-ին նայում ենք, ինչքան այդպիսի համազգեստներ կան, վնասում ենք, որպեսզի գնան փոխեն: Գնում փոխում են, հետո թե այս մատերիալը մեզ դուր չի գալիս, մաշված է: Այդ 20-ից ավելի զինվորները բազմիցս անձնակազմի մեջ խռովություններ են գցել: Ես ծառայության մեջ էլ չլինեմ, թույլ չեմ տա, որ գյուղից եկած համեստ երեխային ինչ-որ տականք նեղացնի: Գյուղում մեծացածը մեղք չունի, որ գյուղում անասուն է պահել, իսկ այս մեկն էլ Երեւանից է եկել, ճարտար բառեր գիտի»,- ասաց հրամանատարի տեղակալը:

Գասպարյանը նշեց, որ բողոքողներից մեկն էլ զինծառայող Ն. Գրիգորյանի մայրն է: «Նա էլ այդ վատ ծառայողներից մեկն է: Տեղափոխել էինք մեր ստորաբաժանումներից մեկը, այդ ստորաբաժանման հրամատարն ասաց՝ ես չեմ կարողանում այս զինվորի հետ ծառայել, տեղափոխեք: Քանի որ հրաման չէր կատարում, պառկած տեղից վեր չէր կենում: Այդ զինվորին տեղափոխում են Արմավիրի ուսումնական զորամաս՝ սերժանտական դասերի, սակայն այնտեղից էլ հետ են ուղարկում, ասում են՝ այս զինծառայողը չի կարող սերժանտ լինել, վատ վարք ունի եւ հրամաններ չի կատարում: Ինչ-որ տեղեր գրում են, թե ես Երանոսյանի բարեկամն եմ, բայց ոչ մի բարեկամական կապ չունեմ նրա հետ: Պաշտոնանկ են արվել հրամանատարի 4 տեղակալներ՝ նաեւ ես, գումարտակի հրամանատար, մի շարք այլ սպաներ: Մոտ 20 սպա կամ պաշտոնանկ է արվել կամ այլ զորամաս է տեղափոխվել: Արցախը սարքել են պատժավայր, ես էլ եմ Արցախում ծառայել: Այդ 20-ից ավելի զինծառայողները ուղղակի տեղափոխվել են Հայաստանի եւ Արցախի տարբեր սահմանային զորամասեր»,- ասաց Գասպարյանը:

ՀԺ-ն զրուցեց նաեւ զինծառայողներից մեկի ծնողի՝ տիկին Հայկուհու հետ.  վերջերս կայքերից մեկին պատմել էր այս դեպքի մասին. «Խնդիրը ընթացք չի ստացել: Մեր երեխաների սխալն է առաջնահերթ, չպետք է լքեին զորամասը: Հիմա ես չեմ ուզում իմ տղայի համար խնդրին ընթացք տալ, որովհետեւ նրա հետ խոսել եմ, ասել է, որ այնտեղ էլ է նորմալ, մեկ է՝ հետ չեն բերելու: Ես համոզվեցի, որ զինվորը Հայաստանում տեղ չունի, զինվորը հարգանք չունի Հայաստանում: Բոլոր տեղափոխվածներն էլ Արցախի առաջնագիծ են տեղափոխվել: Իմ երեխան ուղղակի տուժվել է, որովհետեւ մասնակից է եղել եւ ամբողջ զինվորների հետ լքել է զորամասը: Չգիտեմ՝ ինչու է դուրս գալիս, որ իմ երեխան անկարգապահ ծառայող է եղել: Եթե Արծրուն Հովհաննիսյանի ասելով՝ անկարգապահ է, մի անգամ կարելի էր ծնողին կանչել եւ ասել՝ ձեր երեխան անկարգապահ է»:

Մեր դիտարկմանը՝ ի՞նչ տարբերություն Հայաստանի, թե Արցախի զորամասում, Հայկուհին պատասխանեց. «Ուղղակի ես չեմ կարողանա Արցախ գնալ՝ իմ երեխային տեսնելու: Ինչո՞ւ պիտի իմ միակ արու զավակին տանեն Արցախ»:

Հայկուհին պնդում էր, թե սուտ է, որ իր որդին վատ է ծառայել:

Մեր հարցին՝ իր որդին տարբերվող համազգեստ հագե՞լ է, զինվորի ծնողն ասաց, որ մեկ անգամ եղել է նման բան. «Երեխան համազգեստ էր ուզել, չիմանալով՝ սխալ համազգեստ եմ գնել: Հետո երեխան ասաց, որ սխալ եմ ուղարկել»:

Զինծառայողի մայրը նշեց, որ ծնողներ կան, որոնք դժգոհ են, քանի որ իրենց որդիները տեղափոխության արդյունքում ընկել են՝ Մարտակերտ, Թալիշ:

Զինծառայող Կ. Մուսայելյանի մայրը՝ տիկին Գայանեն, ՀԺ-ի հետ զրույցում առայժմ ոչինչ չցանկացավ մեկնաբանել. «Եթե պետք լինի, ես ձեզ մանրակրկիտ կներկայացնեմ: Սպասում եմ, տեսնեմ՝ հետագան ինչ կլինի»: Մուսայելյանի մայրը նշեց, որ եթե միայն տեղափոխությամբ ամեն ինչ ավարտվի, նա ոչինչ չի ասի:

Մեր հարցին՝ իր որդու մոտ թմրանյութ եղե՞լ է, Մուսայելյանի մայրն արձագանքեց. «Ես ինչքան գիտեմ՝ ոչ: Չեմ մեկնաբանում այլ բաներ, ես սպասում եմ, տեսնեմ՝ ինչ է լինում»:

ՀՀ ՊՆ մամուլի խոսնակ Արծրուն Հովհաննիսյանը մեր զրույցում նշեց, որ 10-ից ավելի սպա է պաշտոնանկ արվել: Նա նշեց, որ սպաների մասով գործեր չկան հարուցված, իսկ զինծառայողներից 9 հոգի հնարավոր է՝ անցնեն քրեական գործերով:

Նշենք, որ այսօր ՊՆ-ում փակ հանդիպում է տեղի ունենալու ՀՀ վարչապետ Նիկոլ Փաշինյանի մասնակցությամբ: ՀԺ-ն Հովհաննիսյանից հետաքրքվեց՝ փակ հանդիպումն այս դեպքի հետ կապ ունի՞, թե նախապես է պլանավորված եղել, ի պատասխան Հովհաննիսյանն ասաց. «Օպերատիվ հավաք է, ամեն տարի անցկացվում է»:

Տպել
31998 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում