Ինձ անվստահություն հայտնելու հարցը վաղվա օրակարգ ես եմ բերել. Լեւոն Բարսեղյան

Վաղը Շիրակի պետական համալսարանում կայանալու է հոգաբարձուների խորհրդի հերթական նիստը: Օրակարգային առաջին հարցն աննախադեպ է: ՇՊՀ հոգաբարձուների խորհրդի նախագահ Լեւոն Բարսեղյանը զեկուցելու է իրեն անվստահություն հայտնելու հարցը: Պատճառը մարտի 2-ին կայացած ռեկտորի ընտրություններից հետո Բարսեղյանին ուղղված մեղադրանքներ են:

«Ես եմ էդ հարցը մտցրել օրակարգ, սա աննախադեպ է, եւ հատագայում ուզում եմ, որ դառնա ավանդույթ: Նախորդ մրցույթից հետո ես ստացել եմ բազմաթիվ քննադատություններ հոգաբարձուների խորհրդի անդամներից մեկից՝ Գայանե Շագոյանից եւ բուհի մի քանի դասախոսներից այն մասին, որ ես, իբր մանիպուլյացիա եմ թույլ տվել: Մանիպուլյացիա բառն իմ ընկալմամբ նշանակում է խարդախություն, խաբեություն, բայց իրենք մանիպուլյացիա բառն են օգտագործել: Այլ խոսքով, որ ես եղել եմ անբարեխիղճ մրցույթի անցկացան ժամանակ»:

Լեւոն Բարսեղյանն ասում է՝ եթե հոգաբարձուների խորհրդի նախագահը նման բովանդակությամբ մեղադրանք է ստանում, ապա  պետք է ինքնակամ առաջ քաշի իրեն անվստահություն հայտնելու հարցը:

«Ասում են, որ ես հարցերի միջոցով փորձել եմ վատ դրության մեջ դնել թեկնածուներից մեկին՝  Լուսինե Ֆլջյանին: Սա է մեղադրանքը: Ես ուզում եմ, որ վաղը քննարկվի եւ պարզ լինի ընթացքն ու խորհրդի վերաբերմունքը: Եթե խորհուրդը կգտնի, որ մանիպուլյացիա եմ թույլ տվել, կամ անբարեխիղճ եմ եղել այսպես ասած, ապա ես հրաժարական կտամ, ի վերջո ես չեմ ծնվել մանիպուլյացիաներ անելու համար: Վաղն առաջարկելու եմ, որ դա քննարկեն, եւ, եթե խորհուրդը որոշեց, որ պետք է  անվստահություն հայտնի, ես հրաժարական կտամ, եթե որոշեց, որ անվստահություն չի հայտնում, հրաժարական չեմ տա, դա կհամարվի վստահության քվե եւ կշարունակեմ աշխատանքը»,-ՀԺ-ի հետ զրույցում ասաց Լեւոն Բարսեղյանը:        

Ըստ Բարսեղյանի, մրցույթից հետո ինքը Լուսինե Ֆլջյանից որեւէ դժգոհություն չի լսել, հրապարակային խոսքին, սակայն, չի հետեւել ժամանակ չունենալու պատճառով:

Հիշեցնենք, որ մարտի 2-ին Շիրակի պետական համալսարանում կայացած ռեկտորի թափուր պաշտոնի համար հայտարարված մրցույթին ինքնառաջադրմամբ մասնակցության հայտ էր ներկայացրել 4 հավակնորդ: ՇՊՀ կանոնադրության 56-րդ հոդվածում սահմանված պահանջներին լիարժեք չբավարարելու պատճառով, թեկնածուներից մեկը ինքնաբացարկ էր հայտարարել, իսկ մյուսի հայտը մերժվել էր մրցույթի օրը՝ չափորոշիչներին չբավարարելու պատճառով: Մրցույթն 8 ժամ շարունակվել էր 2 թեկնածուների՝ ՇՊՀ մաթեմատիկայի, ֆիզիկայի եւ տեղեկատվական տեխնոլոգիաների ամբիոնի դասախոս, տեխնիկական գիտությունների թեկնածու, դոցենտ Անդրանիկ Սարգսյանի, եւ «Եվրասիա» միջազգային համալսարանի օտար լեզուների եւ գրականության ամբիոնի պրոֆեսոր, բանասիրական գիտությունների դոկտոր, պրոֆեսոր Լուսինե Ֆլջյանի մասնակցությամբ: Փակ գաղտնի քվեարկության արդյունքում ընտրությանը մասնակից հոգաբարձուների 23 անդամների ձայները բաշխվել էին հետևյալ կերպ՝ Անդրանիկ Սարգսյանը ստացել էր 8, Լուսինե Ֆլջյանը՝ 6 քվե, անվավեր էր ճանաչվել 9 քվեաթերթիկ: Հոգաբարձուների խորհուրդը որոշել էր ընտրությունը համարել չկայացած եւ հրապարակել էր ռեկտոր չընտրվելու մասին որոշում:

Տպել
3443 դիտում

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել

Տավուշի մարզում ձյուն է տեղում, Սյունիքում տեղ-տեղ մերկասառույց է, կան փակ ճանապարհներ

Գյումրու «Մոր եւ մանկան Ավստրիական հիվանդանոց»-ում բրուցելոզով հիվանդ կովի արյուն է հետազոտվել. Տիգրան Պետրոսյան

Քարոզչական նախապատրաստման փուլն է

Մարալիկ-Լանջիկ ավտոճանապարհին մեքենա է կողաշրջվել. 29-ամյա վարորդը հոսպիտալացվել է

Արթիկում 46-ամյա էլեկտրիկը հոսանքահարումից մահացել եւ ընկել է բարձր լարման բջջի մեջ

Կուտոյանի մահը չի կարող ինքնասպանություն լինել․․․նա ինֆորմացիայի կենդանի կրող էր․ քաղաքագետ

ՀՀ ԱԺ նախագահ Արարատ Միրզոյանը զրույց է ունեցել Արցախի խորհրդարանի նախագահ Աշոտ Ղուլյանի հետ

Գեորգի Կուտոյանի հոգեհանգիստը տեղի կունենա վաղը՝ հունվարի 19-ին, ժամը 17:50-ին

Սոթք-Քարվաճառ ավտոճանապարհը դժվարանցանելի է, Հարթաշեն-Տաշիրը՝ փակ

Վարչապետը ծանոթացել է CARD հիմնադրամի գործունեությանը և հանձնարարական տվել Էկոնոմիկայի փոխնախարարին

Խոսքի ազատության ու պետական շահերի նուրբ սահմանագիծը

Արսեն Թորոսյանը հանդիպել է «Հոսփիթլ Մենեջմենթ» ծրագրի մասնակիցների հետ

Կառավարությունն ամեն ինչ կանի Գեորգի Կուտոյանի մահվան հանգամանքները լիարժեք բացահայտելու համար

ՀՀ եւ ԱՀ միջխորհրդարանական հատուկ նիստում Բաքվի հայկական ջարդերը դատապարտող համատեղ հայտարարություն է ընդունվել

ՀՀ գլխավոր դատախազությունը կապահովի Գեորգի Կուտոյանի մահվան բոլոր պատճառների ու հանգամանքների բացահայտումը

ՀՀ Քննչական կոմիտեն նոր մանրամասներ է հրապարակել Գեորգի Կուտոյանի մահվան դեպքի հետ կապված

«Մամուլի շենքի»-ի հրդեհը մարված է. տարհանվել է 50 քաղաքացի

Ամփոփվել են ԶՈՒ ՌՔԿՊ զորքերում իրականացված աշխատանքները