Ստաս Միխայլովի ներկայացուցիչն ընդգծում է, որ համերգը չեղարկված է, իսկ կազմակերպիչը՝ հերքում

Ստաս Միխայլովի երեւանյան համերգի շուրջ տարածված հակասական հայտարարությունները շարունակվում են: Նախորդ շաբաթվա վերջին երգչի թիմը տեղեկություն տարածեց, ըստ որի, Երեւանում ապրիլի 2-ին նախատեսված համերգը չեղյալ է հայտարարվել, քանի որ կազմակերպիչ «К-Концерт» ընկերությունը չի կատարել համաձայնագրի կետերը: Նաեւ նշվել էր, որ տոմսերը կարելի է վերադարձնել այն վաճառակետեր, որտեղ դրանք վաճառվել են, ու հետ ստանալ գումարը: «К-Концерт»-ի տնօրեն Եվգենի Անսիֆերովը, սակայն, «Հայկական ժամանակ»-ի հետ զրույցում նշեց, որ իրենք պաշտոնական ծանուցում չեն ստացել չեղարկման մասին ու պարզաբանման համար դիմել են երգչի գրասենյակին:

«Մենք՝ որպես կազմակերպություն, որը պաշտոնական համաձայնագիր է կնքել համերգի կազմակերպման համար, պաշտոնական ոչ մի ծանուցում, որ ինչ-ինչ պատճառներով համերգը տեղի չի ունենալու, չենք ստացել: Այսօր պաշտոնական հարցում ենք ուղարկել Ստաս Միխայլովի գրասենյակ՝ հարցնելով՝ ինչու, ինչ հիմքով է նման տեղեկատվություն տարածվել: Սպասում ենք պատասխանի: Ոչինչ մեկնաբանել չեմ կարող, քանի որ ինքս եմ լրատվամիջոցներից իմացել, թե իբր միջոցառումը տեղի չի ունենալու»,- ասաց նա:

Անսիֆերովը ընդգծեց, որ տեղեկատվությունն իրենց համար անակնկալ է եղել: Նաեւ ասաց, որ կազմակերպչական աշխատանքները դեռ շարունակվում են: Նշեց, որ իրենք դեռեւս անում են այն, ինչով զբաղված էին նաեւ մինչեւ հայտարարությունը:

«Տոմսերը վաճառվում են, գովազդը շարունակվում է: Մենք մեր կողմից շարունակում ենք անել այն, ինչ անում էինք: Կրկնում եմ՝ ոչ մի պաշտոնական տեղեկություն չենք ստացել»,- ասաց նա:

Միխայլովի թիմից հակառակն են ասում: «Հայկական ժամանակ»-ի հետ զրույցում երգչի տնօրենը՝ Տաբրիզ Շախիդին, ընգծեց, որ համերգի չեղարկման մասին լրատվամիջոցներում հայտնված տեղեկատվությունը ճիշտ է ու որ կազմակերպիչներն այդ մասիննախապես իմացել են:

«Բոլոր լրատվամիջոցներն արդեն գրել են իմ պաշտոնական հայտարարությունը: Նրանք (խմբ. նկատի ունի կազմակերպիչներին) մեզանից ծանուցում են ստացել հայտարարությունից 2 օր առաջ, սա մեկ: Եվ տոմսարկղերն էլ այդ օրվանից դադարել են տոմսերի վաճառքը»,- ասաց նա:

Միխայլովի երեւանյան համերգի գովազդները սկսել էին մի քանի ամիս առաջ: Այն ներառված էր երգչի՝ Ես եւ Դու» խորագիրը կրող համերգային շրջագայության մեջ: Պետք է տեղի ունենար Կարեն Դեմիրճյանի անվան մարզահամերգային համալիրում: Տոմսերն արժեին 5-60 հազար դրամ: Կազմակերպիչները նշում էին, որ նա պատրաստվում է 20 երգ կատարել՝ սիրված եւ ճանաչում վայելող հիթեր, ինչպես նաեւ նոր գործեր: Շրջագայության ընթացքում նա պետք է հանդես գա ինչպես Ռուսաստանի տարբեր քաղաքներում, այնպես էլ Եվրոպայում՝ Պրահայում, Ցյուրիխում, Ֆրանկֆուրտում, Բեռլինում, Լոնդոնում, Միլանում եւ այլն:

Տպել
1064 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան