Մի կողմից «Women's Club»-ը քննադատում են, մյուս կողմից պրոդյուսերն ասում է՝ այն սիրված է

«Women's Club» նախագծի անդամները նորմալ են վերաբերվում իրենց ուղղված բացասական կարծիքներին: Այս մասին «Հայկական ժամանակ»-ի հետ զրույցում ասաց պրոդյուսերը՝ Վլադ Սահակյանը: Վերջերս քննադատությունները կրկին սրվել էին: Համացանցում պարբերաբար կարելի էր բացասական գրառումների հանդիպել: Պրոդյուսեր կարծում է, որ դրանք կարող են տարբեր պատճառներ ունենալ. դա կարող է լինել ճաշակի հարց, հնարավոր է նաեւ՝ մարդիկ ունեն սպասելիքներ, որոնք չեն համընկնում հաղորդման նպատակների հետ:

«Քննադատությանը շատ նորմալ ենք վերաբերվում: Ամեն մարդ կարող է իր կարծիքն ունենալ, մանավանդ, երբ խոսքը մի նախագծի մասին է, որում չկա որեւէ պատրադրանք կամ առաքելություն, որը մարդիկ ակնկալում են, բայց չեն ստանում»,- ասաց նա:

Քննադատությունները տարբեր բնույթի են: Դրանք վերաբերում են հումորի որակին, թեմաներին: Հանդիպում են նաեւ բացասական գնահատականներ մասնակից աղջիկների կերպաների վերաբերյալ. դրանք համարում են անհարիր: Ընդհանուր առմամբ, ըստ կարծիքների, հաղորդումն անցանկալի արժեքներ է քարոզում: Պրոդյուսերը նշում է, որ իրենք ամենեւին էլ դաստիարակելու առաջադրանք չունեն:

«Քննադատությունների մեջ կարող են լինել, թե ինչ արժեքներ ենք սերմանում: Նշեմ, որ, քանի որ խոսքը կոմերցիոն հեռուստաընկերության (խմբ. «Շանթ») կոմերցիոն նախագծի մասին է, նման որեւէ առաքելություն չի կարող լինել այդպիսի նախագծերի հիմքում, եւ այս պարագայում մենք գործ ունենք զուտ ճաշակային դաշտի հետ: Այսինքն՝ այստեղ առաջին պլան է մղվում ճաշակը եւ ճաշակների համընկնումը կամ չհամընկնումը: Ով հավանում է, դիտում է, ով՝ ոչ, չի դիտում: (Խմբ. մեր նպատակն է) ստեղծել հաղորդում, որը մարդկանց կպարգեւի լավ տրամադրություն, կունենա բարձր վարկանիշ եւ կապահովի եկամուտ»,- ասաց նա:

Դժգոհողները հաճախ են շեշտում, որ ողջ հաղորդումը կենտրոնացած է սկանդալային Լիլի Մորտոյի վրա: Նշում են, որ կատակները հիմնականում նրա արտաքինի մասին են: Վլադ Սահակյանը մտածում է, որ դա միայն տպավորություն է: Ընդգծում է, որ ժամանակային առումով Լիլի Մորտոյին վերաբերող հատվածները չեն գերազանցում մյուս թեմաներին:

«Մեծ մասը չէ, ուղղակի դա ավելի աչքի է ընկնում: Եթե խրոնոմետրաժ իրականացնեք, ժամանակի վերածեք, կտեսնեք, որ բացարձակ, մեծամասնությունը չէ: Ուղղակի, երբ մարդկանց մոտ ինչ-որ բան տպավորվում է, նրանց թվում է՝ դա մեծամասնությունն է: Իսկ թեմաները բազմազան են: Ուղղակի հումորի այս տեսակը համաձակ է, եւ ինչ-որ չափով նորություն է հայաստանյան հանդիսատեսի համար»,- ասաց նա:

Շատերին դուր չի գալիս այն, որ հաղորդումը կարող են դիտել երեխաներ: Այս մեղադրանքի հետ էլ պրոդյուսերը համամիտ չէ: Նա չի կարծում, որ իրենք մեծ աղդեցություն կարող են թողնել երեխաների վրա: Բացի այդ՝ ըստ նրա՝ եթե անգամ հաղորդումը չլինի, երեխաները նման բովանդակությամբ տարբեր այլ աղբյուրներ կգտնեն:

«Ընդունենք չկա այս հաղորդումը, երեխաների հարցը լուծվե՞ց; Իհարկե ո՛չ: Այսօր ամեն երեխայի ձեռքին կա հեախոս, եւ նրանք երբ ուզեն, կարող են նայել: Եթե ծնողներն այդ հեռախոսների, ինտերնետի հասանելիության հարցը չլուծեն, անհնար է պայքարել դրա դեմ: Եթե լուծեն, պրոբլեմն է վերանում: Ես չեմ ուզում մեզ այնքան գերագնահատել, որ մտածենք, թե մենք լուրջ դերակատարություն ունենք այդտեղ»,- ասաց նա:

Պրոդյուսերը նշում է, որ իրենց դիտում են տարբեր տարիքի մարդիկ՝ երիտասարդներից տարեցներ, ավելի ակտիվ են մինչեւ 35-40 տարեկանները: Ըստ նրա՝ իրենց մասին դրական կարծիքներն ու շնոհակալություններն ավելի շատ են, քան քննադատությունը: Ասում է, որ իրենք համացանցից մեկնաբանությունները չեն ջնջում (կարող են հեռացնել միայն բացառիկ դեպքերում, եթե դրանք ոչ պատշաճ բառապաշար պարունակեն): Հետեւաբար, նրա խոսքով, համացանցի գրառումներից էլ կարելի է տեսնել, որ նրանք սիրված են: Գոհ են նաեւ լայքերի ու դիսլայքերի քանակից:  

«Ցանկացած քննաադատություն ընդունելի է, եւ մենք նույնիսկ շնորհակալ ենք քննադատողների իրենց կարծիքների համար: Եթե անցկացնենք այնպիսի ցուցանիշների համեմատական, ինչպիսիք են լայքերը եւ դիսլայքերը, մեր դիսլայքների քանակը չի անցնում 5-7%-ը՝ լայքերի համեմատությամբ, եւ դա բավականին օբյեկտիվ ցուցանիշ է: Եթե խոսենք դրական քոմենթներից, շնորհակալություններից, մեր հարցազրույցի 90%-ը կգրավի դա: Կան բազմաթիվ քոմենթներ, որ հատուկ սպասում են, թե երբ է լինելու»,- ասաց նա՝ ավելացնելով, որ դրական արձագանքների ցուցանիշներն իրենց համար ավելի քան հուսադրող են:

Քննադատությունների հետ մեկտեղ համացանցում «Women's Club»-ի դիտումները բավական բարձր են: Նրանք 21 թողարկում ունեն, որոնք հարյուրհազարավոր դիտումներ ունեն յութուբում: Ամենաքիչը շուրջ 117 հազար է, իսկ ամենաշատը շուրջ 630 հազար:

Տպել
2985 դիտում

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին