Անցկացվում է ապրիլյան պատերազմի հերոս Արմենակ Ուրֆանյանին նվիրված թաեքվոնդոյի առաջին հուշամրցաշարը

Հայաստանի ռազմական թաեքվոնդոյի ֆեդերացիան անց է կացնում Քառօրյա պատերազմում հերոսաբար զոհված հրամանատար, կապիտան Արմենակ Ուրֆանյանի անվան անդրանիկ հուշամրցաշարը: Այն տեղի է ունենում այսօր՝ փետրվարի 22-ին, «Միկա» մարզահամալիրում: Ուրֆանյանը զբաղվել է թաեքվոնդոյով: Մասնակցել է Հայաստանի, ինչպես նաեւ ակումբային առաջնությունների, ունեցել է բազմաթիվ հաղթանակներ, ստացել է մեդալներ, պատվոգրեր, գովասանագրեր: Նրա մայրը՝ Համեստ Ներսիսյանը (գլխավոր լուսանկարում), վստահ է, որ նման միջոցառումները դաստիարակչական մեծ նշանակություն ունեն մատաղ սերնդի համար:

«Մեր մանուկ սերունդը դպրոցական տարիքից պետք է կրթվի, որովհետեւ, բացի մարդ լինելուց, նրանք նաեւ զինվորներ են եւ պարտավոր են լինել նաեւ մարզված: Դա շատ կարեւոր է: Երբ Արմենակ Ուրֆանյանը գնում էր մրցումների, միշտ վստահորեն տատին ասում էր՝ մեխը խփիր պատին, մինչեւ հետ գամ: Այսինքն՝ վստահ էր, որ միշտ հաղթողի դերում է, եւ նույնիսկ թշնամու առջեւ նա իրոք վստահ էր, որ հաղթելու է: Ես կարծում եմ՝ ի դեմս նրա՝ մեր սերունդը կրթվում է ե՛ւ ռազմահայրենասիրական առումով, ե՛ւ որպես մարդ»,- ասաց նա:

Ուրֆանյանի մարզչը

Ուրֆանյանի մարզիչը՝ Հովհաննես Հարությունյանը, հիշում է նրան որպես ինքնավստահ մարզիկ: Նշում է, որ շատ էր սիրում մարզվել: Նաեւ ընդգծում է, որ մրցումներից առաջ, անկախ նրանից, թե ով էր մրցակիցը, միշտ վստահ էր, որ հաղթողն ինքն է լինելու:

«Ի ծնե քաջ տղա է եղել: Մրցումների ժամանակ նրան ասում էի՝ քո հակառակորդը շատ ուժեղ է: Ուսերը թափ էր տալիս, ասում էր՝ ես ավելի ուժեղ եմ, ես եկել եմ՝ հաղթելու, ու միշտ հաղթում էր: Շատ էր սիրում մարզվել եւ փորձում էր պայքարի մեջ միշտ հաղթող լինել: Օժտված էր մարդկային բոլոր հատկանիշներով: Հատկանիշները վառ օրինակն են նրա սխրագործության: Բոլորս սրտի կսկիծով ենք հիշատակում, բայց նաեւ հպարտությամբ, որ ունեցել ենք նմանատիպ մարդ»,- ասաց նա:

Վրեժ Խաչիկյան

Հուշամրցաշարն անց է կացվում Հայաստանի ազգային օլիմպիական կոմիտեի նախագահ Գագիկ Ծառուկյանի աջակցությամբ: Այն առաջինն է, սակայն, ինչպես նշում է ՀՀ Ռազմական թաեքվոնդոյի ֆեդերացիայի նախագահ Վրեժ Խաչիկյանը, շարունակական է լինելու: Նա շեշտում է, որ սա ուսուցողական է եւ հայրենասիրության դաս է երեխաների համար:  

«Մեզ համար մեծ պատիվ է, որ այսօրվա մրցաշարը նաեւ ռազմահայրենասիրական բաց դաս կհանդիսանա սպորտային մատաղ սերնդի համար: Մեզ համար շատ կարեւոր է այսպիսի միջոցառումներով ցույց տալ, որ հայրենիքի համար զոհած կյանքը յուրաքանչյուր անձի հավիտենական ապրելու սկիզբն է: Այսօրվա միջոցառումով ամեն հայ քաղաքացու՝ Արմենակ Ուրֆանյանի անունը տեսնելը, լսելը, բարձր գնահատելը, նաեւ նրա՝ թաեքվոնդոիստ լինելը գնահատելը, կնպաստի, որ մեր երեխաները նմանվեն, եւ իրենց հայրենասիրությունը դրսեւորեն ոչ միայն սպորտի, այլեւ զինորական ասպարեզում»,- ասաց նա:

Խաչիկյանն ավելացրեց, որ միջոցառման բացմանը ներկա են Քառօրյա պատերազմում զոհված տղաների ծնողներ, Արցախյան եւ Քառօրյա պատերազմի մասնակիցներ: Մրցումները տեւելու են 1 օր՝ միայն այսօր: Մասնակցում են 7-26 տարեկան շուրջ 300 թաեքվոնդոիստներ՝ տղաներ ու աղջիկներ: Նրանցից 35-ն Արցախի հանրապետությունից են:

Լուսանկարները՝ «Հայկական ժամանակ»-ի

Տպել
888 դիտում

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին

Կյանքից հեռացել է կոմպոզիտոր, ՀՀ արվեստի վաստակավոր գործիչ Յուրի Հարությունյանը

ՎՏԲ-Հայաստան Բանկն արագացրել է ապառիկ վարկեր ձևակերպելու գործընթացքը

Խոսրովի անտառի մոտակայքում հրդեհ կա. ՀՀ շրջակա միջավայրի փոխնախարար

Հեռուստացույց, անվադողեր, բժշկական թափոններ. աղբամանները դրանց համար չեն, ուրեմն ինչ անել