20 տարի անց թարմացվեց Գյումրու «Երեխաների տուն» ՊՈԱԿ-ի խոհանոցային գույքը

21/02/2019 schedule18:48

«Հայաստան» համահայկական հիմնադրամին աջակցելու, ֆինանսական միջոցներ տրամադրելու ցանկություն բարերաներն ինչպես միշտ ունեցել են, այժմ էլ ունեն: Ոչ մի խնդիր չկա այս հարցում: Ունենք հին ու հավատարիմ մշտական գործընկերներ, եւ նրանց շարքերը գնալով համալրվում են,-այսօր Գյումրիում հայտարարեց հիմնադրամի ծրագրերի եւ արտաքին կապերի բաժնի ծրագրերի համակարգող Աննա Մանուկյանը:Հիմնադրամի նոր տնօրենն ու ծրագրերի պատասխանատուները հատուկ առաքելությամբ էին Գյումրու «Երեխաների տան»-ը: Խոհանոցի նոր գույք էին բերել: Սառնարան, գազօջախ, լվացքի մեքենա, մսաղաց եւ այլ անհրաժեշտ պարագաներ էր ուզել հաստատության տնօրենը: Հիմնադրամի պատասխանատուները նախապես եղել են տեղում, կատարել կարիքի գնահատում եւ գտել, որ դրանք իսկապես անհրաժեշտ են:Վերջին անգամ Գյումրու հատուկ պրոֆիլի այս հաստատությունում խոհանոցային գույքը թարմացվել է 20 տարի առաջ: Սարքավորումները ծառայում են մինչ օրս, սակայն մաշված էին արդեն: Հիմնադրամի ծրագրերի բաժնի համակարգող Միլենա Բաբաեւան հույս ունի, որ իրենց նվիրած գույքը կծառայի ոչ թե 20 տարի, այլ ավելի, քանի որ որակյալ սարքավորումներ են գնել:«Հայաստան» համահայկական հիմնադրամը 2012 թվականից սկսած է Գյումրու «Երեխաների տուն»-ը պահում ուշադրութան կենտրոնում: 7 տարում արդեն 7 մեծ ծրագիր է իրականացվել, վերանորոգվել են հաստատության մասնաշենքերը, կառուցվել է հատուկ ֆիզիոթերապեւտիկ փակ լողավազանը, Շվեյցարիայի հայ համայնքի հովանավորությամբ հիմնադրամը հաստատության մեջ կարողացել է ուլտրաձայնային հետազոտության սենյակ կահավորել եւ այլն: Լողավազանն այս պահին փակ է, քանի որ ձմռան ամիսներին չի գործում: Այն կտրված է շենքից, այսինքն երեխաները լողավազան հասնելու համար պետք է դուրս գան բակ, ինչն ուղղակիորեն կվտանգի նրանց առողջությունը:«Բոլորն էլ ռիսկային խմբի երեխաներ են, մենք չենք կարող նրանց ձմռան ամիսներին դուրս բերել, որ տանենք լողավազան, հետո էլ  հետ բերել սենյակներ: Կհիվանդանան, իսկ դա իր մեջ մեծ ու լուրջ վտանգներ է պարունակում: Այլ հարց, եթե ի սկզբանե մշակված ձեռնարկն իրականություն դառնա: Երբ լողավազանը կառուցվեց, նախագիծն այնպիսին էր, որ պետք է փակ միջանցքով այն միանար ընդհանուր մասնաշենքին: Դա նաեւ հնարավորություն կտար ուղիղ կապ ունենալ վերականգնողական սենյակի հետ: Այսինքն, մենք մտածել էինք, որ վերականգնողական կուրսից անմիջապես հետո, երեխան այդ միջանցքով կհասներ լողավազան եւ կվերադառնար իր սենյակ»,-ՀԺ-ի հետ զրույցում ասաց «Գյումրու Երեխաների տուն» ՊՈԱԿ-ի տնօրեն Աննա Գեւորգյանը: Այս հարցը նաեւ հիմնադրամի նոր ղեկավարի հետ քննարկվեց: Հավանաբար առաջիկայում անդրադարձ կլինի: Աննա Գեւորգյանը նաեւ ընդգծեց, որ բոլոր երեխաներն են օգտվում լողավազանից, բայց նրանց մեջ կան առաջատարներ, որոնք մենակ շատ լավ են լողում եւ մասնագիտական կարծիք կա, որ կկարողանան եթե հնարավոր լինի, փոքրիկներին ներկայացնել պարալիմպիկ օլիմպիադայի նաեւ:Ներկա պահին «Գյումրու Երեխաների տուն» ՊՈԱԿ-ում 0-ից 8 տարեկան 125 երեխա է խնամվում: Բոլորը, բացառությամբ հայտնի երկվորյակ տղաներից, առողջական ծանր խնդիրներ ունեցող երեխաներ են: Երեխաներն այս հաստատություն են ընդունվում Հայաստանի տարբեր մարզերից եւ քաղաքներից, քանի որ այն իր գործառույթով միակն է ու եզակին Հայաստանում: Չնայած առողջական ծանր խնդիրներին, երեխաները, որոնց ծնողները հաժարվում են, ներկայացվում են որդեգրման: 2018-ին մեկ երեխա է որդեգրվել, տարվել արտերկիր:

Տպել
764 դիտում

Բրիտանական դատարանը սկսել է Իրանի նկատմամբ ունեցած պարտքի գործով լսումները

«Honda CR-V» մակնիշի ավտոմեքենան հարվածել է պատին. 23-ամյա վարորդը հոսպիտալացվել է

Մխիթար Հայրապետյանը հեռախոսազրույց է ունեցել Լիբանանի երիտասարդության և սպորտի հարցերով նորանշանակ հայ նախարարի հետ

Թբիլիսիում 1,5 տարվա դադարից հետո ԱՄՆ դեսպան է նշանակվել

Երիտասարդի ներքնազգեստի մեջից բյուրեղանման զանգվածների 105 փաթեթ է հայտնաբերվել. ՀՀ ոստիկանություն (տեսանյութ)

Լիբիայի ազգային բանակի հրամանատար Հաֆթարի ուժերը ռմբակոծել են Տրիպոլիի օդանավակայանը

Գագիկ Խաչատրյանի եղբորորդին՝ Կարեն Խաչատրյանը, 20 միլիոն դրամ գրավի դիմաց ազատ կարձակվի

Խնդիրն իր կարեւորությամբ եւ աննախադեպությամբ գտնվում է Խորհրդի եւ իրավապահ մարմինների առաջնային ուշադրության կենտրոնում

2019-ի հունիս-նոյեմբեր ամիսներին Սեւանի թերակղզի են այցելել մոտ 158 հզ. զբոսաշրջիկ

Սուբվենցիոն ծրագրով Վանաձորում ասֆալտապատված 15 փողոցներից առայժմ միայն 1-ն է դրական գնահատակ ստացել

ՀՀ ՊՆ-ն ամփոփել է ՄԱԿ-ի բնակչության հիմնադրամի հետ համագործակցության 2019թ. ծրագիրը

Բացահայտվել են Աշտարակի դպրոցի տնօրենների ապօրինությունները

Հաջորդ Ամանորին կառավարությունը տոնակատարությունների համար ավելի մեծ գումար կհատկացնի

Ձեռք չեն բերվել այնպիսի տվյալներ, որոնք կվկայեին դիտավորությամբ արձակված կրակոցի մասին. Գոռ Աբրահամյան

Մենք բանակցում ենք Ադրբեջանի հետ՝ անկախ նրանից, թե ով է ադրբեջանական կողմում․ ՀՀ արտգործնախարար

ՀՀ եւ Ադրբեջանի արտգործնախարարները հանդիպելու պայմանավորվածություն ունեն. Զոհրաբ Մնացականյան

Գործընկերս նոր տեղեկացրեց, որ հրապարակային կերպով մահվան սպառնալիքներ եմ ստացել. Արեն Մկրտչյան

Մխիթար Հայրապետյանը Բունդեսթագ նամակ է հղել հայազգի սոպրանո Ռուզան Մանթաշյանի հետ տեղի ունեցած միջադեպի կապակցությամբ

2022 թվականի հունվարի 1-ից ՀՀ-ում նախատեսվում է արգելել պոլիէթիլենային պարկերի և տոպրակների վաճառքը

Ժպիտներ՝ քաղցկեղ ունեցող երեխաներին. նրանց այսօր այցելել է «Չիպոլինո»-ն