Խորեոգրաֆիայի նախկին տնօրենը չի հրաժարվում «պարտականություններից», թատրոնի ԺՊ-ին էլ ինտեգրվել չի հաջողվում

Խորեոգրաֆիայի պետական թատրոնում լարվածությունը շարունակվում է, թատրոնի նախկին տնօրեն Գայանե Կարապետյանը դատի է տվել մշակույթի նախարարությանը: «Հայկական ժամանակ»-ի հետ զրույցում Կարապետյանն ասաց, որ մոտակա օրերին պարզ կլինի, թե երբ է դատական առաջին նիստը: Կարապետյանի հետ զրույցից պարզ դարձավ, որ վերջինս չի հրաժարվել տնօրենի իր պարտականություններից:

Այս ընթացքում Խորեոգրաֆիայի թատրոնն էլեկտարկանությունից զրկված է, աշխատողներն աշխատավարձ չեն ստացել, նորանշանակ տնօրենը չի կարողանում աշխատանքի անցնել, դրան գումարած դատական հայցերն ու առավել քան լարված եւ անորոշ մթնոլորտը: Նորանշանակ տնօրեն Լիլիթ Փալանջյանին թատրոնի դերասաններն այդպես էլ չնդունեցին:

«Նազենի Ղարիբյանի բերանին ինչ գալիս է՝ դուրս է տալիս: Օրենքին դեմ գործողություններ է անում, դրա համար փորձում եմ որքան հնարավոր է իր հետ չառնչվեմ, իմ փաստաբաններն են բոլոր հարցերով զբաղվում»,-ասաց Գայանե Կարապետյանը: Նախկին տնօրենը նշեց, որ մինչեւ հիմա հարկայինում փաստացի աշխատանքից ազատված չէ, նորանաշանակ տնօրեն Լիլիթ Փալանջյանն էլ ընդունված չէ:

«Հոսանքն անջատել են, իմ սեփական միջոցներով եմ լույս տարել թատրոն, որպեսզի փորձեր կարողանանք անել: Անկախ ամեն ինչից՝ թատրոնն աշխատում է, դերասանները նորմալ աշխատանքի են գալիս, սակայն նամակ են պատրաստել, որ առ այս պահը աշխատավարձ չեն ստացել: Նազենիի կամայական եւ անպատասխանատու հայտարարությունների պատճառով չեք պատկերացնի, թե ինչ վիճակի մեջ ենք հայտնվել»,-ասաց Գայանե Կարապետյանը:

Կարապետյանի փաստաբան Աշխեն Դաշյանը փոխանցեց, որ դիմել են դատարան ընդդեմ մշակույթի նախարարության: Հայցապահանջը աշխատանքից ազատելու հրամանն անվավեր ճանաչելն է, եւ հարկադիր պարապուրդի դիմաց գումար բռնագանձելու պահանջն է:

«Մեր կողմից դատարան են ներկայացվել այն խախտումները, որոնք թույլ է տվել մշակույթի նախարարությունը: Ազատման հրամանը իրավաչափ չէ, քանի որ Գայանե Կարապետյանն աշխատանքից ազատվել է այն ժամանակահատվածում, երբ գտնվում էր աշխատանքի մեջ եւ աշխատանքային պայմանագիրը ժամկետի մեջ էր: Միանշանակ սա աշխատանքային օրենքի խախտում է: Աշխատանքից ազատման հրաման առ այսօր Գայանե Կարապետյանը չի ստացել»,-ասաց փաստաբան Աշխեն Դաշյանը:

«Հայկական ժամանակ»-ը կապ հաստատեց նորանշանակ տնօրեն Լիլիթ Փալանջյանի հետ, վերջինս ասաց, որ աշխատանքի չի գնում, քանի որ նախկին տնօրենը հրաժարվել է հանձնել թատրոնը եւ հանգիստ հեռանալ: Լիլիթ Փալանջյանից հետաքրքրվեցինք, թե ինչ է պատրաստվում անել, գուցե հրաժարվի տնօրենի պաշտոնից: Վերջինս ասաց, որ իրենք մշակույթի նախարարության միջոցով են քայլեր իրականացնում եւ շուտով դրանց մասին կբարձրաձայնվի:

Հիշեցնենք, որ Խորեոգրաֆիայի պետական թատրոնի դռները նորանշանակ տնօրեն Լիլիթ Փալանջյանի առջեւ բացվեցին միայն ԱԻՆ-ի աշխատակիցների միջամտությունից հետո: Հունվարի 9-ից Լիլիթ Փալանջյանը պետք է փոխարիներ թատրոնի նախկին տնօրեն Գայանե Կարապետյանին: 

Ավելի վաղ ՀԺ-ն հայտնել էր, որ տարիներ շարունակ ակտիվությամբ աչքի չընկնող այս թատրոնում լարված իրավիճակ է եւ տնօրենի պայքար: Երբ մշակույթի փոխնախարար Նազենի Ղարիբյանը ցանկանում էր նորանշանակ տնօրենի ժ/պ-ին ներկայացնել թատրոնի անձնակազմին, ոչ մի կերպ չէին կարողանում ո՛չ բանալի, ո՛չ էլ կնիք ստանալ: Ղարիբյանի խոսքերով՝ հենց դա էլ եղավ մեկ ամիս առաջ իրենց ծայրահեղ քայլերի դրդապատճառը:

Տպել
444 դիտում

Լոս Անջելեսի կառավարիչների խորհուրդն ընդունեց ապրիլի 24-ը Հայոց ցեղասպանության հիշատակի օր սահմանելու հռչակագիրը

20-ամյա դստեր լյարդը փոխպատվաստել են մորը. այսպիսի միջամտություն Հայաստանում իրականացվել է առաջին անգամ

Վարչապետ Փաշինյանն ընդունել է Լիոնի քաղաքապետի առաջին տեղակալ Ժորժ Կեպենեկյանին

ՄԱԿ-ի Գլխավոր ասամբլեայում ՀՀ ներկայացուցիչը անդրադարձավ Հայոց ցեղասպանության հիշատակի օրվա խորհրդին

Ալեքսանյանի դպրոցը հիմնանորոգման կարիք ունի 2005 թվականից. չեմպիոնը մարզվում է խարխուլ դահլիճում

Պաշտոնանկություն՝ վարչապետ Նիկոլ Փաշինյանի որոշմամբ

Հայաստանից հեռանալու ժամանակ Միհրան Պողոսյանի վերաբերյալ ՀՔԾ-ում քրեական գործ չի քննվել. ՀՔԾ

Կփորձենք արդարացնել ԵԱՀԿ գլխավոր քարտուղարի հույսերը. Զախարովան՝ ԼՂ հակամարտության հարցում ՌԴ դերի մասին

2 դատավորներին կարգապահական պատասխանատվության ենթարկելու որոշումները ԲԴԽ-ն կհրապարակի մայիսի 8-ին

Պետական մարմնին գրեթե մեկ ամիս ուղղված տասնյակ հեռախոսազանգեր եւ ոչ մի հստակ պատասխան

Հերթական ապատեղեկատվությունն է. Արցախի ՊԲ-ն արձագանքում է Չիրագլի գյուղը գնդակոծելու մեղադրանքին

Էդուարդ Աղաջանյանը կմեկնի արձակուրդ

Երևանն ու Լիոնը նոր ծրագրեր կիրականացնեն. հանդիպում Ժորժ Կեպենեկյանի հետ

Բազմաթիվ կարեւոր խնդիրներ կան, որոնք մենք փորձում ենք լուծել. Սիփան Փաշինյան

Աննա Հակոբյանը ցավակցական հեռագիր է հղել Տիգրան Ֆարմանյանի մահվան կապակցությամբ

Ռիչարդ Սամել, Սպիվակովա. ինչ հայտնիներ են հրավիրվել Արցախի մասին պատմող ֆիլմում նկարահանվելու

Bloomberg գործակալությունն ասել է՝ ինչու պետք է այցելել ՀՀ. Փաշինյանը տարածել է նյութի հղումը

Հիմնանորոգվող Մ-6 միջպետական ավտոճանապարհի Ալավերդու հատվածում ասֆալտապատման աշխատանքներից ալավերդցիները դժգոհ են

Հայաստանի բուհերի ուսանողների կեսից ավելին օգտվում է ուսման վարձը ամսական տարբերակով վճարելու հնարավորությունից

Ծայրահեղ ատելության խոսք անձամբ Էրդողանի կողմից, աշխարհը պետք է չլռի. Փաշինյանն արձագանքել է Էրդողանին