Նույնիսկ, եթե այդ ծրագիրը լինի 12 հատոր, միշտ էլ կարելի է գտնել մի հատ նյուանս, որի մասին չի գրվել. վարչապետ

Ինչ վերաբերվում է հարկերը 4 անգամ ավելանալուն, այս փուլում մենք որոշեցինք հարկային օրենսգրքի այդ վիճահարույց հատվածը հանել փոփոխություններից: Այս մասին այսօր ԱԺ-ում կառավարության ծրագիրը ներկայացնելիս ասաց ՀՀ վարչապետ Նիկոլ Փաշինյանը՝ պատասխանելով ԱԺ «Բարգավաճ Հայաստան» խմբակցության պատգամավոր Արտյոմ Ծառուկյանի այն հարցին, թե ինչո՞ւ է հենց իրավաբանական, հաշվապահական եւ խորհրդատվական ծառայություններ մատուցող ոլորտներում 4-ից 6 անգամ բարձրանում հարկային բեռը:

«Պատճառն այն է, որ այսօր ՊԵԿ-ը չունի դրա ծրագրային ապահովումը, որպեսզի կարողանա այդ հարկային վարչարարությունը իրականացնել: Այսինքն, մենք անիմաստ կկռվենք մեր սիրելի հայրենակիցների դեմ, բայց այսպես, թե այնպես լծակ չենք ունենա այդ օրենքի կիրառումը իրենց նկատմամբ ապահովելու: Որովհետեւ կստացվի, որ օրենքում գրեցինք, որ իրենք այսքան հարկ պիտի վճարեն, բայց իրենք կվճարեն այնքան, որքան մինչեւ հիմա կամ ավելի քիչ»,- ասաց վարչապետը:

Ծառուկյանը հետաքրքրվեց նաեւ, թե ինչո՞ւ են Հարկային օրենսգրքի մեջ փոխում այն դրույթը, որի համաձայն տվյալ տարվա հարկային փոփոխությունները ուժի մեջ էին մտնում հաջորդ տարվա հունվարից, ինչպես նաեւ հետաքրքրվեց, թե Փաշինյանի վարչապետության օրոք ստվերի դեմ պայքարի մասով ինչ արդյունքներ ունենք եւ ինչ չափով ենք ստվերը վերացրել:

«Ժամկետների հետ կապված խնդիրը իհարկե շատ էական է, որովհետեւ մենք ի սկզբանե պլանավորում էինք Հարկային օրենսգրքի փոփոխությունները իրականացնել աշնանը, բայց աշնանը, դուք գիտեք՝ ինչ քաղաքական փոփոխություններ տեղի ունեցան եւ մանավանդ Ընտրական օրենսգրքի հետ կապված պատմությունը, որից հետո` խորհրդարանական ընտրություններ եւ հիմա 7-րդ գումարման խորհրդարանը նոր պետք է զբաղվի այդ Հարկային օրենսգրքով: Հիմա դա իսկապես թեմա է, որը էլի խորհրդարանում պետք է քննարկենք: Իհարկե, կան թեթեւացնող դրույթներ, որ մենք միանշանակ համոզված ենք, որ հենց օրենքն ուժի մեջ մտնելու պահից պետք է սկսեն գործել: Բայց կան նաեւ դրույթներ, որոնց հետ կապված մենք 2 սցենար կունենանք, մեկը որ տարվա կեսից են այդ փոփոխությունները մտնում ուժի մեջ, մյուսը, որ այնուամենայնիվ 2019 թվականի հունվարի 1-ից»,- պատասխանեց վարչապետը՝ հավելելով, այդ հարցը դեռ պետք է առավել մանրամասն քննարկել. «Նաեւ պետք է հասկանանք, թե ՊԵԿ-ի ծրագրային ապահովումը ինչքանով է ի վիճակի սահմանված կարգում այս փոփոխությունները պատշաճ ձեւով կիրառել»,- նշեց նա:

Ստվերի հետ կապված Նիկոլ Փաշինյանն ասաց, որ միայն անցած տարի հեղափոխությունից հետո մի քանի ամսվա ընթացքում 30 հազար աշխատատեղ ստվերից եկավ լեգալ դաշտ եւ այդ պրոցեսը շարունակվում է:

Արձագանքելով վարչապետի պատասխանին՝ Ծառուկյանն ասաց, որ կառավարության ծրագրի մեջ առհասարակ միջպետական ներքին բեռնափոխադրումների, տուրիզմի մասով, միջազգային ուղեւորափոխադրումների մասով դրույթներ չկան. «Ուզում էի իմանալ՝ ինչո՞ւ եւ առհասարակ տեսլականը ձեր»:

Ի պատասխան վարչապետն ասաց.

«Հիմա ինչ ծրագիր էլ գրենք, նույնիսկ, եթե այդ ծրագիրը լինի 12 հատոր, միշտ էլ կարելի է գտնել մի հատ նյուանս, որի մասին չի գրվել եւ չեմ կարծում, թե այդպես է պետք մոտենալ: Հարկային օրենսգրքում բեռնափոխադրումների հետ կապված վիճահարույց մեխանիզմներ կան եւ բեռնափոխադրողների հետ շփումների ընթացքում կարծես թե եկել ենք մի հայտարարի, որը բեռնափոխադրումների ոլորտը կխթանի:

Իսկ համահարթ 23 տոկոս եկամտահարկի սահմանումով հույս ունենք, որ ստվերային աշխատատեղերի սպիտակեցման պրոցեսը կշարունակվի: Որովհետեւ բոլորս գիտենք, որ ոչ միայն պետական սեկտորում, այլ նաեւ մասնավոր սեկտորում կա համակարգ, երբ աշխատավարձի մի մասը ձեւակերպվում է, մյուսը ծրարով է տրվում: Եւ հիմա մենք այս շահութահարկի եւ եկամտահարկի համահարթեցումը նաեւ այդ նպատակով ենք անում: Որովհետեւ, երբ եկամտահարկն ավելի բարձր է, քան շահութահարկը, մարդիկ նախընտրում են դա որպես շահույթ հանել հիմնարկից եւ ծրարով տալ աշխատողին: Հիմա, երբ մենք դա հավասարեցնենք` եկամտահարկը իջեցնելով, հույս ունենք, որ դրա էֆեկտներից մեկը կլինի ստվերային աշխատատեղերի սպիտակեցումը»:

Տպել
702 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան