Հ. Գրիգորյանն օգտվում է քաղաքապետարանի որոշ աշխատակիցների հանցավոր հովանավորչությունից. բաց նամակ Հայկ Մարությանին

ԵՐԵՎԱՆԻ ՔԱՂԱՔԱՊԵՏ ՊԱՐՈՆ

ՀԱՅԿ ՄԱՐՈՒԹՅԱՆԻՆ

Հասցե, ՀՀ, Երևան, Արգիշտի 1

 

Դիմող`

ՀՈՎՀԱՆՆԵՍ ՏՈՆՈՅԱՆԻՑ

Հեռախոս՝ 091-40-00-85

Հասցե՝ Երևան, Խանջյան 15, բն. 43

 21.01.2019թ.

 Դ Ի Մ ՈՒ Մ

Հարգելի պարոն Մարության

Երևան քաղաքի Վարդանանց փողոցի 24 շենքի 1-ին հարկում գտնվող թիվ 3 բնակարանը սեփականության իրավունքով պատկանում է կնոջս` Մարիամ Հակոբյանին:

Դեռևս 2018թ. դեկտեմբերի 14-ին Մարիամ Հակոբյանը գրավոր դիմել է Ձեզ, հայտնելով, որ բնակարանի ներքևի` նկուղային հարկում գտնվող թիվ 39 շինության սեփականատերը Մարգարիտա Ամիրբեկյանն է, որը Երևանի քաղաքապետի կողմից տրված` 08.08.2011թ. ճարտարապետահատակագծային առաջադրանքի, սեպտեմբերի 6-ին համաձայնեցված հ. 01/18-05/1-Ա-4336-694 նախագծի և սեպտեմբերի 6-ին տրված N 01/18 Ա-4337 շինարարության թույլտվության հիման վրա սկսել է իրականացնել շինարարական աշխատանքներ և տեղադրել է անձրևածածկ:

Տարածքի փաստացի սեփականատերը, իրականում Հրաչյա Գրիգորյանն է:

Տեղեկանալով շինարարական աշխատանքների և անձրևածածկի մասին շենքի հարևաններով անմիջապես բողոքով դիմել ենք Երևանի քաղաքապետին, որն էլ իր 26.10.2012թ. N 7051-Ա որոշմամբ անվավեր է ճանաչել Երևանի քաղաքապետի կողմից տրված` 08.08.2011թ. ճարտարապետահատակագծային առաջադրանքը, սեպտեմբերի 6-ին համաձայնեցված հ. 01/18-05/1-Ա-4336-694 նախագիծն ու սեպտեմբերի 6-ին տրված N 01/18 Ա-4337 շինարարության թույլտվությունը:

Որոշման հիմքում դրվել է այն, որ խախտվել են մեր և շենքի մյուս սեփականատերերի իրավունքները: Մարգարիտա Ամիրբեկյանը Երևանի քաղաքապետի 26.10.2012թ. N 7051-Ա որոշումը հայցադիմումով վիճարկել է ՀՀ վարչական դատարանում: Գործին տրվել է թիվ ՎԴ/7272/05/12 համարը: ՀՀ վարչական վերաքննիչ դատարանի 22.04.2014թ. որոշմամբ հայցը մերժվել է:

Տարածքը, սակայն, նախկին` մինչ մեր իրավունքի խախտումը եղած վիճակի չի բերվել, ինչով մեր իրավունքները շարունակում են խախտված մնալ, մասնավորապես թեև թիվ 3 բնակարանի սեփականատերն եմ, սակայն մինչ օրս չեմ կարողանում այն վերանորոգել և բնակության համար պիտանի դարձնել: Դիմումում նշվել է նաև, որ օրերս անմիջապես մեր բնակարանի պատուհանի առջև գովազդային պաստառ է փակցվել` ծածկելով պատուհանները:

Դիմումով խնդրվել է` միջոցներ ձեռնարկել և պարտավորեցնել Մարգարիտա Ամիրբեկյանին`

  1. Վարդանանց 24 շենքի թիվ 39 շինության, շենքի և հարակից մայթի տարածքն ամբողջությամբ բերել նախկին տեսքի,
  2. վերացնել (ապամոնտաժել) անձրևածածկն ու գովազդային պաստառը,
  3. քննարկել Մարգարիտա Ամիրբեկյանին պատասխանատվության ենթարկելու հարցը:

Քաղաքապետարանից ստացվել է Երևանի քաղաքապետարանի աշխատակազմի քաղաքաշինության և հողի վերահսկողության վարչության պետ Ռ. Դարբինյանի 20.12.2018թ. պատասխանը, որում որևէ անդրադարձ չկա 5-6 մետր երկարությամբ ու մոտ 70 սմ բարձրությամբ գովազդային պաստառի և ապօրինի տեղադրված անձրևածածկի մասին դիմումի խնդրանքին:

Իմ տեղեկություններով գովազգային պաստառ տեղադրելու համար պետք է համապատասխան որոշում կայացվի, ինչպես նաև համայնքի բյուջե գումար վճարվի: Քանի որ իմ համաձայնությունը չի եղել, վստահ եմ, որ նման որոշում առկա չէ և վճարումներ չեն կատարվում: Ավելին, նկատի ունենալով այն, որ գովազդային պաստառը ապօրինի տեղադրելու համար վարչական վարույթ չի հարուցվել և մեղավոր անձը պատասխանատվության չի կանչվել, ենթադրում եմ, որ Հրաչյա Գրիգորյանը նաև քաղաքապետարանի պաշտոնյաների հովանավորչությունից է օգտվում:

Անձրևածածկի հետ կապված պատասխանում որևէ բան նշված չէ, այն դեպքում, երբ այն իմ բնակարանի հատվածում, պատուհանների անմիջապես տակ, շենքի սեփականատերերի ընդհանուր սեփականությունը հանդիսացող պատին է փակցվել ապօրինի, առանց շենքի սեփականատերերի ժողովի որոշման: Այդ ապօրինությունը ոչ միայն մեզ է խանգարում, այլ նաև շենքի տեսքը փչացնում է, քանի որ անձևածածկը տեղադրվել է փողոցի կողմից, ուստի անհրաժեշտ է, որպեսզի քաղաքապետարանը միջոցներ ձեռնարկի, այդ ապօրինությունը վերացնելու համար:

Դիմումում հստակ նշվել էր, որ շինարարությունն իրականացվել է Երևանի քաղաքապետի Երևանի քաղաքապետի կողմից տրված` 08.08.2011թ. ճարտարապետահատակագծային առաջադրանքը, սեպտեմբերի 6-ին համաձայնեցված հ. 01/18-05/1-Ա-4336-694 նախագիծն ու սեպտեմբերի 6-ին տրված N 01/18 Ա-4337 շինարարության թույլտվության հիման վրա և քանի որ այդ փաստաթղթերը Երևանի քաղաքապետի 26.10.2012թ. N 7051-Ա որոշմամբ անվավեր են ճանաչվել, խնդրվել էր Վարդանանց 24 շենքի թիվ 39 շինության, շենքի և հարակից մայթի տարածքն ամբողջությամբ բերել նախկին տեսքի:

Սրա հետ կապված պատասխանում նշվել է, որ անհրաժեշտ է շենքի համասեփականատերերով ժողով անել և որոշում կայացնել:

Բանը նրանում է, որ Երևանի քաղաքապետի որոշման հիման վրա է շինարարությունը սկսվել, այնուհետև քաղաքապետի որոշումը վերացվել է, ինչի հիման վրա էլ խնդրվել է, որպեսզի քաղաքապետարանը պարտավորեցնի Մարգարիտա Ամիրբեկյանին (փաստացի Հրաչյա Գրիգորյանին) շենքի և հարակից մայթի տարածքը բերել նախկին տեսքի: Այս առումով տարակուսանք է առաջացնում քաղաքապետարանի պատասխանն այն մասին, որ շենքի համասեփականատերերով ժողով արեք: 

Հարգելի պարոն Մարության

Նկատի ունենալով վերը նշվածը և այն մտավախությունը, որ Հրաչյա Գրիգորյանը ամենայն հավանականությամբ քաղաքապետարանի որոշ աշխատակիցների հանցավոր հովանավորչությունից է օգտվում, խնդրում եմ`

  1. Սույն դիմումը վերցնել Ձեր անձնական հսկողության տակ,
  2. Միջոցներ ձեռնարկել, որպեսզի Վարդանանց 24 շենքի թիվ 39 շինության, շենքի և հարակից մայթի տարածքն ամբողջությամբ բերվի նախկին տեսքի,
  3. Վերացնել (ապամոնտաժել) անձրևածածկն ու գովազդային պաստառը, ինչպես նաև պատասխանատվության ենթարկել ապօրինի գովազդ և անձրևածածկ տեղադրելու համար: 

 Հարգանքով՝  Հովհաննես Տոնոյան 

Տպել
2083 դիտում

HBO-ն ցանկանում է նկարահանել «Ընկերները» սերիալի շարունակությունը

Որեւէ մեկին չի ճնշելու եւ համարում է ժամապայքար. ԵՊՀ ռեկտորի պաշտոնակատարը՝ դասադուլի եւ գործադուլի մասին

«Նևրոզների կլինիկա» ՓԲԸ-ն չի սպասարկի պետպատվերի շրջանակում, քանի որ հայտնի չէ ծառայության արդյունավետությունը. Թորոսյան

Սեւանում լողալը լավ բան է, բայց ոչ փետրվար ամսին․ վարչապետը՝ հայ-թուրքական հարաբերությունների հնարավոր կարգավորման մասին

Ստորագրվել է փոխըմբռնման հուշագիր ՏԿԵ նախարարության և «Հայկական Կարիտաս»-ի միջև

ՀՀ մինչեւ 19 տարեկան ֆուտբոլիստները պարտվեցին Թուրքիային. 4:1

Էրիկ Վարդանյանի տեղափոխության համար «Փյունիկ»-ը 150 հազար եվրո ավելի է ստացել, քան ֆուտբոլիստի արժեքն է

«Դիլիջան ազգային պարկ» ՊՈԱԿ-ի տարածքում հրդեհ է բռնկվել. ԱԻՆ

ԲՀԿ-ական Վարդան Ղուկասյանը սպառնացել է «Իմ քայլ»-ի պատգամավորին. վարչապետը խոստանում է փռել ասֆալտին

Նախարար Արայիկ Հարությունյանը մասնակցել է ՅՈՒՆԵՍԿO-ի Գլխավոր կոնֆերանսի 40-րդ նստաշրջանին

Մենք ուզում ենք հասկանալ՝ Մադրիդյան սկզբունքները մեզ ի՞նչ հնարավոր տեղեր կարող են հասցնել. վարչապետ

Հնարավոր է՝ առաջիկայում Հայաստանը երկու լաստանավ ունենա. գնդակը գործընկերների դաշտում է, սպասում ենք պատասխանի. Պապիկյան

Վերջին օրերին կտրուկ ավելացել են հրդեհների թիվը. ԱԻՆ

Երեխային վրաերթի ենթարկելու գործով հարցաքննվել են Դավիթ Սանասարյանը եւ երեխայի մայրը

ԵՊՀ դասախոսների մի մասը նախազգուշական գործադուլ է արել․ թե որն է լինելու նախազգուշացման հաջոդ քայլը, չգիտեն

Հայտնի է՝ ով կքննի Քոչարյանի աջակիցներից մեկի կողմից քաղաքացուն ծանր վնաս պատճառելու գործը

Հայաստանում անցկացվել է դեռահասների առողջության մասնագետների հավաք

Ի հեճուկս ահազանգերի՝ բանակցային գործընթացը ոչ միայն փակուղի չի մտել, այլեւ մեր պատկերացումները լավ ընկալում են ստացել

Մասիսի թիվ 1 մանկապարտեզում հայտնաբերվել է «Զինվորի բաժին. վաճառքի ենթակա չէ» մակնշմամբ թթվասեր

ԵՊՀ ուսանողական խորհուրդը հանդիպման է հրավիրում ԿԳՄՍ նախարար Արայիկ Հարությունյանին