Նախկին տնօրենը վերադառնում է ԱՄՆ-ից, նոր ժ/պ-ի հետ ծանոթանալու ցանկություն է հայտնել

Հունվարի 9-ին Խորեոգրաֆիայի պետական թատրոնի դռները նորանշանակ տնօրեն Լիլիթ Փալանջյանի առջեւ բացվեցին միայն ԱԻՆ-ի աշխատակիցների միջամտությունից հետո: Լիլիթ Փալանջյանը կփոխարինի թատրոնի նախկին տնօրեն Գայանե Կարապետյանին: Նա ժամանակավոր պաշտոնակատարի դերը կկատարի այնքան ժամանակ, քանի դեռ մրցույթ չի իրականացվել:

Ավելի վաղ ՀԺ-ն հայտնել էր, որ տարիներ շարունակ ակտիվությամբ աչքի չընկնող այս թատրոնում լարված իրավիճակ է եւ տնօրենի պայքար: Երբ մշակույթի փոխնախարար Նազենի Ղարիբյանը ցանկանում էր նորանշանակ տնօրենի ժ/պ-ին ներկայացնել թատրոնի անձնակազմին, ոչ մի կերպ չէին կարողանում ո՛չ բանալի, ո՛չ կնիք ստանալ:

Լիլիթ Փալանջյանը մեր զրույցում հայտնեց, որ երեկ 22 հոգանոց անձնակազմից իրեն են ներկայացել միայն 6-ը. «Իրենք ներկայացան որպես դերասաններ, բայց ես չունեմ անվանական հաստիքացուցակ, քանի որ վարչական մասից ոչ ոք չի ներակայացել եւ ինձ ոչինչ չի ասել: Դերասաններն իրենց մոտ չունեին որեւէ տեսակի պայմանագիր: Ներկայացան որպես դերասան, իսկ թե ինչքանով է դա համապատասխանում իրականությանը, ոչ մի ձեւով չեմ կարող ասել»:

Նորանշանակ ժ/պ-ի խոսքով՝ անգամ տեղյակ չէ, թե այդ դերասանները որեւէ պայմանագիր ունե՞ն, թե՝ ո՛չ: Սակայն ներկաները դրական վերաբերմունք են ցուցաբերել եւ պատրաստակամություն հայտնել վերջինիս հետ աշխատելու:

Լիլիթ Փալանջյանն ասաց, որ այդ ընթացքում, ներկա դերասաններից մեկի միջոցով հեռախոսազրույց է ունեցել նախկին տնօրեն Գայանե Կարապետյանի հետ: Նախկին տնօրենը զանգահարել եւ ծանոթանալու ցանկություն է հայտնել. «Մենք viber -ի միջոցով ծանոթացանք իրար հետ: Հեռախոսազրույցում Գայանե Կարապետյանը հայտնել է, որ վերադառնում է ԱՄՆ-ից:

«Դեռ ոչինչ չենք անում: Ես ոչինչ չունեմ, ոչ մի փաստաթուղթ: Դեռեւս միակ խնդիրը դա է, իսկ այն մարդիկ, որոնց հետ ծանոթացա, ոչ մի խնդիր չի առաջանա, թերեւս գուցե խնդիրներ լինեն վարչական կազմի հետ»,-ասաց Լիլիթ Փալանջյանը:

Դերասանները հայտնել են, որ իրենց մոտ ոչ աշխատանքային օրեր են, սակայն տնօրենի պաշտոնակատարն այլ բան է փաստում, հրամանով նման բան չկա:

Հիշեցնենք, որ փոխնախարար Նազենի Ղարիբյանը ՀԺ-ի հետ զրույցում հայտնել էր, որ Խորեոգրաֆիայի թատրոնը բազում խնդիրներ ունի, եւ այն փակման վտանգի առաջ է կանգնած: «Մենք որոշեցինք ոչ թե թատրոնը միանգամից փակել, այլ տալ եւս մեկ հնարավորություն եւ փորձել հասկանալ՝ արդյո՞ք կարելի է այն վերակենդանացնել: Որոշեցինք, որ ամեն դեպքում նույն տնօրենի պաշտոնավարումը, թեկուզ ժամանակավոր՝ նպատակահարմար չէ»,-ավելի վաղ ասել էր փոխնախարարը:

Տպել
1657 դիտում

Վրաստանի նախագահը համաներում է շնորհել հետախուզման մեջ գտնվող անձի. նախարար

Ներդրումային քաղաքականություն և խթանում. քննարկում Միջազգային ֆինանսական կորպորացիայի ներկայացուցիչների հետ

Զոհրաբ Մնացականյանը Լատվիայի նախագահի ուշադրությունը հրավիրել է Հայաստանում ընթացող բարեփոխումների վրա

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ

Արդարադատության փոխնախարարներն ընդունել են Վենետիկի հանձնաժողովի փորձագիտական խմբի պատվիրակությանը

Երեւանի 73 համարի երթուղին այլեւս չի սպասարկվում, քաղաքացիները ստիպված են երկու տրանսպորտային միջոցից օգտվել

Հավատացնում եմ, որ դեռ շատ եմ հաղթելու, դուք էլ շատ եք ուրախանալու. Արթուր Ալեքսանյան

Հայաստանում առաջին անգամ հետիոտնային անցումներում տեղադրվել են երեխաների տեսքով ֆիգուրներ

Երեւանում Niva-ն մխրճվել է հայտնի երգիչ Գրիգոր Աղախանյանի կայանած Range Rover-ի մեջ

Վթար Սևան-Մարտունի-Գետափ ավտոճանապարհին. կա 2 տուժած

Գրանցվել է խոտածածկ տարածքներում բռնկված 25 հրդեհ` ընդգրկելով մոտ 45 հա տարածք

Թուրքիայում կրկին քուրդ քաղաքապետ է ձերբակալվել

Աշտարակի ոստիկանները ապօրինի ծառահատման դեպք են բացահայտել (տեսանյութ)

Վանաձորցի քրեական հեղինակություն է բերման ենթարկվել․ նա հետախուզվում էր սպանության փորձի մեղադրանքով

Երևանի Աջափնյակ վարչական շրջանի ղեկավարի տեղակալ Արամ Մանուկյանն ազատման դիմում է ներկայացրել

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել