Սարգիս Ստեփանյանի ղեկավարած ՀԿ-ին ավագանին տարածք նվիրաբերեց. այնտեղ կհիմնվի մարզասրահ

Երեւանի քաղաքապետարանում այսօր հրավիրված է ավագանու արտահերթ նիստ, որի ընթացքում որոշվեց Անդրանիկի 40/3 հասցեում գտնվող գրեթե 290 քմ մակերեսով շինությունը եւ դրա զբաղեցրած գրեթե 340 քմ մակերեսով հողամասը նվիրաբերել «Հայաստանի Հանրապետության սպորտի ֆեդերացիա» հասարակական կազմակերպությանը:

Այս կազմակերպությունը ղեկավարում է հանրության լայն շրջանակներին հայտնի Սարգիս Ստեփանյանը: Նա նախկին զինվորական է, ծառայել է Պաշտպանության նախարարության համակարգում եւ այդ ծառայության ընթացքում կորցրել երկու ոտքը եւ մեկ ձեռքը, բայց չնայած դրան՝ վարում է հասարակական ակտիվ գործունեություն:

Կազմակերպությանը նվիրաբերվող տարածքը նախկին կաթսայատուն է, որը ժամանակին սպասարկել է հարակից շենքերը, բայց չի գործում արդեն երեք տասնամյակ: Շինությունը նախատեսվում է վերածել մարզասրահի՝ հարմարեցված հաշմանդամություն ունեցող անձանց համար: Զինհաշմանդամություն ունեցող անձանց համար մարզասրահի բոլոր ծառայություններից օգտվելը պետք է լինի անվճար:

Ընդունված որոշման համաձայն, շինարարությունը պետք է սկսվի նվիրաբերումից հետո մեկ տարվա ընթացքում, եւ աշխատանքներն ավարտին հասցվեն երկու տարում: Կազմակերպությունը խոստանում է իր եւ դոնոր կազմակերպությունների միջոցով ապահովել առնվազն 80 մլն դրամի ներդրում:

Նիստի օրակարգում ընդգրկված այս հարցը բազմաթիվ մտահոգություններ առաջացրեց ավագանու անդամների շրջանում: Մասնավորապես՝ նրանք առաջ էին քաշում հարցեր այն մասին, որ «Հայաստանի Հանրապետության սպորտի ֆեդերացիա» հասարակական կազմակերպությունը հիմնադրվել է ընդամենը վերջերս, որ ներդրվելիք գումարը անհայտ ծագման է եւ այլն:

Այդուհանդերձ, ավագանու մեծամասնությունը մարզասրահի համար տարածք տրամադրելու մեջ լուրջ խնդիրներ չտեսավ եւ որոշումն ընդունվեց 33 կողմ, 7 դեմ եւ 9 ձեռնպահ ձայներով:

Տպել
955 դիտում

Առավել ընդլայնել հայ-բրիտանական օրակարգը. Զոհրաբ Մնացականյանը հանդիպել է Սայմոն ՄքԴոնալդի հետ

Նոյեմբերյանի ոստիկաններն ապօրինի փայտանյութով բեռնատար են հայտնաբերել (տեսանյութ)

Լուսաձայնային հատուկ միջոցներ, ջրցան մեքենա. զորավարժություն ՀՀ ոստիկանության զորքերում (տեսանյութ)

Առաջիկայում Հայաստան կայցելի սերբական պատվիրակությունը. Արմեն Սարգսյանը հանդիպել է Սերբիայի նախագահին

Ծանրամարտիկ Հակոբ Մկրտչյանն արժանացել է սպորտի վաստակավոր վարպետ կոչման

ԵԱՀԿ դիտարկումն Ակնայից դեպի հարավ-արեւելք ընկած հատվածում նորմալ է անցել

Սիրիայում ազգությամբ հայ հայրն ու դուստրը պայքարում են թուրքական ներխուժման դեմ

Արթուր Ալեքսանյանը կացնով է կտրել իր ծննդյան տորթը (տեսանյութ)

Արդարադատության նախարարությունը ԵՄ-ի հետ հաջողությամբ իրականացնում է լայնամասշտաբ համագործակցություն. փոխնախարար

«Ես ի՞նչ էի անում դրսում, ինչու՞ մինչև հիմա այստեղ չեմ». Նորա Արմանի

Կրկին կոտրել են պատգամավոր Քրիստինե Պողոսյանի մեքենայի ապակիները, այս անգամ ԱԺ-ի տեսախցիկների մոտ (լուսանկար)

«Հյուսիս-Հարավ» ճանապարհի գործով կալանավորվել է ՀՀ տրանսպորտի և կապի նախկին նախարար Գուրգեն Սարգսյանը

Ազատազրկումն իրավաչափ չէ. ՄԻՊ-ը պարզաբանումներ է պահանջել ՀՔԾ-ից Արսեն Բաբայանի գործով

Դաժան սպանություն Երևանում. բնակարանում հայտնաբերվել է 64-ամյա տանտիրուհու՝ դանակի բազմաթիվ հարվածներ ստացած դին

ՀՀ ՊԵԿ-ի ներկայացուցիչները Դուշանբեում քննարկել են մաքսային իրավախախտումների դեմ արդյունավետ պայքարի հնարավորությունը

Օդի մեջ դատարկ-դատարկ հայտարարություններ են. Ծառուկյանը՝ Արման Բաբաջանյանի հաղորդման մասին

Արսեն Բաբայանին ձերբակալելու որոշումը բողոքարկվել է

Հայաստանի և Չինաստանի պաշտպանության նախարարները քննարկել են ռազմատեխնիկական բնագավառում իրականացվող միջոցառումները

Հանրային քննարկման է ներկայացվել Մարդու իրավունքների պաշտպանության ազգային ռազմավարությունը

Հայտնի են «Ոսկե գնդակ»-ի 30 թեկնածուները. գործող մրցանակակիրը չկա