Ովքեր եւ ինչու են գաղտնալսել վարչապետին ու ԱԱԾ տնօրենին. պարզաբանում է Ն. Փաշինյանը (տեսանյութ)

«Չնայած քիչ անց՝ մոտավորապես 2 ժամից Հանրայինի եթերում հանդիպելու ենք, քանի որ տեղի է ունենալու աննախադեպ բանավեճ՝ խորհրդարանական ընտրություններին մասնակցող քաղաքական ուժերի առաջին համարների մասնակցությամբ, բայց ես հիմա ուղիղ եթեր եմ մտել՝ արձագանքելու այսպես կոչված «գաղտնալսման երկրորդ սերիային», որը տեղադրված է նաեւ իմ ֆեյսբուքյան էջում»:

Այսպես իր ֆեյսբուքյան էջում ուղիղ եթերը սկսեց ՀՀ վարչապետի պաշտոնակատար Նիկոլ Փաշինյանը: Հիշեցնենք, որ իր եւ ԱԱԾ տնօրեն Արթուր Վանեցյանի մասնակցությամբ հեռախոսազրույցների գաղտնալսում էր հրապարակվել ավելի վաղ: Ն. Փաշինյանը ներկայացրեց որոշակի պարզաբանումներ.

«Ուզում եմ պարզ մի հարց հնչեցնել՝ ինչու՞, ինչու՞ է արվում այդ ամենը, որովհետեւ կոռումպացված համակարգը տեսնում է, որ օղակը սեղմվում է, կոռումպացված համակարգը տեսնում է, որ այն, ինչ մենք խոստացել էինք, քայլ առ քայլ իրականություն է դառնալու խորհրդարանական ընտրություններից անմիջապես հետո, եւ որեւէ մեկը չի պլստալու:

Բոլոր կոռումպացվածներին մենք հատ-հատ կանչելու ենք պատասխանատվության՝ ժողովրդի անունից եւ ժողովրդի մանդատով, որովհետեւ ըստ էության այս գաղտնալսումները հրապարակվում են՝ փրկության օղակ լինելու իրենց կոռումպացված համակարգի համար: Ես նախկինում էլ ասել եմ, եւ հիմա էլ շարունակում եմ պնդել, որ սա ըստ էության, հայտարարված պատերազմ է Հայաստանի պետականության, Հայաստանի Հանրապետության նկատմամբ եւ այս պատերազմը հրահրողներին սպասվում է ջախջախիչ պարտություն:

Նախորդ անգամ Երեւանի ավագանու ընտրություններ էին եւ ես կոչ արեցի այն ժամանակ միանալ Դավիթաշենում տեղի ունեցող հանրահավաքին, հիմա այսօր կոչս ուրիշ է. այս հակապետական գործունեությանն արձագանքելու համար անհրաժեշտ է անկախ եղանակային պայմաններից, նույնիսկ եթե բուք ու բորան լինի, դեկտեմբերի 9-ին անպայման գնալ ընտրական տեղամասեր եւ քվեարկել «Իմ քայլը» դաշինքի օգտին՝ վերցնելով համար 4 քվեաթերթիկը:

Ուզում եմ հիշեցնել, որ սա վարչապետի ընտրություններ է առաջին հերթին եւ ես հույս ունեմ ՀՀ քաղաքացիներից ստանալ շատ ուժեղ մանդատ՝ վերադարձնելու ժողովրդից կոպեկ-կոպեկ գողացածը եւ ջախջախիչ հարված հասցնելու սանձազերծված այս պատերազմին:

Ես համոզված եմ, որ ամեն ինչ այդպես էլ կլինի, որովհետեւ այս քարոզարշավի ընթացքում մենք շփվել ենք քաղաքացիների հետ, ես տեսել եմ ժողովրդի դուխն ու կամքը:

Ես չգիտեմ, արժի՞ անդրադառնալ այս գաղտնալսման բովանդակությանը, քանի որ սրան անդրադարձել եմ սեպտեմբերի 12-ին ԱԺ-ի ամբիոնից իմ ելույթում, որը տեղադրել եմ իմ էջում:

Այս խոսակցությունների մասին իմ ելույթում կրկնակի ավելի շատ տեղեկատվություն կա, քան այս գաղտնալսման մեջ: Այս գաղտնալսումը մոնտաժված է, այնտեղ կան դրվագներ, որոնց մասին ես իմ ելույթում պատմում եմ: Դա ուղղակի կտրտված ու հանված է:

Մասնավորապես, հանված են այն դրվագները, երբ ԱԱԾ տնօրենն ասում է՝ դատավորը վախեցած է, ես էլ ասում եմ՝ ինչ է նշանակում դատավորը վախեցած է: Դուք Ազգային անվտանգության ծառայություն եք եւ պարտավոր եք ապահովել դատավորների անվտանգությունը եւ անկախությունը: Եթե չեք կարողանում պաշտպանել, ուրեմն սխալ եք աշխատում:

Ուզում եմ եւս մեկ անգամ հայտարարել, որ ե՛ւ ԱԱԾ պետի, ե՛ւ ՀՔԾ գործողությունները, դրանց բովանդակությամբ բացահայտվող գործողությունները միանշանակ տեղավորվում են նրանց պաշտոնեական գործառույթների շրջանակներում: Այլ բան, որ երբ հեռախոսով խոսում են՝ այդ մարդիկ չեն ասում, ենթադրենք, Քրեական դատավարության օրենսգրքի ենթադրենք 64 հոդվածի 4-րդ կետի համաձայն մենք կմիջնորդենք, որ այս բանը այսպես տեղի ունենա:

Այն, ինչ կա այդ գաղտնալսման մեջ, դուք ինձնից լսել եք սեպտեմբերի 12-ին ԱԺ ամբիոնից:

Որեւէ կասկած չկա, որ սա հակահեղափոխության հերթական դրսեւորում է եւ կասկած չկա, որ հակահեղափոխությանը, կոռումպացված համակարգին սպասվում է ջախջախիչ պարտություն, իսկ կոռուպցիոներներին սպասվում են քրեական գործեր, այո՛, կլինեն կալանավորումներ, կլինեն դատավճիռներ: Նրանք իրենց թալանածը պետք է վերադարձնեն ժողովրդին:

Ես կոչ եմ անում առաջիկա ընտրություններին քվեարկել նաեւ հանուն դրա, քվեարկել իմ օգտին որպես վարչապետի թեկնածու եւ դրանով պատվիրակել, որ բոլոր կոռումպացվածներին բերենք դատարան եւ նրանց թալանած փողերը կբերենք բյուջե՝ ծառայեցնելով Հայաստանի բարեկեցությանը, նրա ժողովրդին, Արցախի Հանրապետությանը եւ ընդհանրապես ազգային երազանքների իրականացմանը»,-ասաց Ն. Փաշինյանը:

Տպել
2847 դիտում

Ռուսաստանն այսօր էլ դեմ է ՆԱՏՕ-ին Վրաստանի անդամակցությանը․ Գախարիա

Տեղի են ունեցել նորակոչիկ զինծառայողների երդման հանդիսավոր արարողություններ. ՊՆ

Բռնակոթի 53-ամյա բնակչի տնից 2 կիլոգրամ 200 գրամից ավելի քաշով կանեփ եւ մարիխուանա է հայտնաբերվել

Պայմանագրեր, համաձայնություններ, առեւտուր, ղարաբաղյան հակամարտություն. Էրդողանն Ադրբեջանում է

Երեխայի վթարի գործով փորձաքննությունն ապացուցեց իմ անմեղությունը. Դավիթ Սանասարյան

205 մլն 560 հազար դրամ. «Քաղաքացիական պայմանագիր» կուսակցության դրամահավաքն ավարտվեց

Այսօր Անդրանիկ Զորավարի 155-ամյակն է

Լարսը փակ է. ռուսական կողմում կա կուտակված 483 բեռնատար

Ապօրինություն Վայոց ձորի մարզում․ ոստիկանները կոռուպցիոն բնույթի հանցագործություն են բացահայտել (տեսանյութ)

Շիրակի մարզետարանը «Մի բան անենք» նախաձեռնության շրջանակներում այս ձմեռ մոտ 450 ընտանիքի ապահովել է վառելափայտով

Իրանի առողջապահության փոխնախարարը վարակվել է կորոնավիրուսով

Եղվարդի խճուղում բախվել են «Lexus GX460» եւ «Mitsubishi Grand» մակնիշների ավտոմեքենաները

Մասիս քաղաքում տեսախցիկներ են տեղադրվել

«Այո» քարոզչական կողմի տարբերանշանի մրցույթում հաղթեց «Garun Agency» կազմակերպությունը. մրցանակը՝ 3 մլն դրամ է

14 հորթ, 34 գառ, 30 գոճի. անասնապահության համար աջակցություն ստացած տնտեսություններում կենդանիների քանակի աճ կա

Այս քաղաքական թիմը կկտրի սեփական ձեռքերը, բայց մի քվեաթերթիկի ընտրակեղծիք թույլ չի տա. վարչապետ

5-րդ զորամիավորման զորամասի պահպանության գոտու մարտական հենակետերում անակնկալ ստուգումներ են անցկացվել

ԱԻՆ փ/ծ խորհրդակցության ժամանակ հանձնարարվել է հետևել Տավուշի մարզի ՔՊ հենակետի հրշեջ փրկարարների ուսուցանմանը

Կանադայի նորանշանակ դեսպան Էլիսոն ԼըՔլերն իր հավատարմագրերն է հանձնել ԱԳ նախարարի տեղակալին

2020 թվականի ապրիլի 5-ին ՀՀ քաղաքացին կանգնած է կարեւոր որոշում ընդունելու առաջ. Սուրեն Պապիկյան