ԵԱՏՄ-ում կարևոր է գազային եւ նավթային միասնական շուկայի ստեղծումը. Նիկոլ Փաշինյան (տեսանյութ)

Սանկտ Պետերբուրգում կայանալիք ԵԱՏՄ գագաթնաժողովի նախաշեմին Вести-ին տված հարցազրույցում ՀՀ վարչապետի պաշտոնակատար Նիկոլ Փաշինյանը հայտարարել է, որ ԵԱՏՄ անդամ բոլոր երկրների համար այժմ ակնհայտ է, որ գլխավոր խնդիրն այն խոչընդոտների հաղթահարումն է, որոնք առկա են համատեղ առեւտրի ու ինտեգրման ոլորտներում: 

«Նախորդ նիստերից մեկի ժամանակ հայտարարվեց, որ ԵԱՏՄ-ում մոտ 100 խոչընդոտ կա՝ օրենսդրական, գործնական եւ այլն: Եվ այժմ կարեւոր է վերացնել այդ խոչընդոտները: Մեր կառավարության համար գլխավոր առաջնահերթությունը լիարժեք հասանելիությունն ապահովելն է, որը նախատեսված է ԵԱՏՄ պայմանագրով»,- ասել է Փաշինյանը:

Փաշինյանն անդրադարձել է նաեւ կազմակերպության փաստաթղթերում Հայաստանի կողմից կատարված փոփոխություններին. «Իհարկե, մշտապես պետք է փոփոխություններ կատարվեն, ինչ-որ բան պետք է փոփոխվի, զարգանա: ԵԱՏՄ-ի համատեքստում կարեւոր է գազային եւ նավթային միասնական շուկայի ստեղծումը, որը նախատեսված է պայմանագրով: Հայաստանի համար դա կարեւոր է, քանի որ մեր տնտեսությունը կախում ունի ռուսական գազի մատակարարումներից»:

Նա խոսել է նաեւ Հայաստանի նոր կառավարության անելիքների մասին՝ նշելով, որ իրենց առջեւ խնդիր են դրել Հայաստանն ագրարային-հումքային երկրից արտադրական, տեխնոլոգիական երկրի վերածելը: 

«Եվ այդ օրակարգով հանդիպում եմ քաղաքացիների, ընտրողների հետ: Եվ դա համարում ենք աղքատությունը հաղթահարելու ճանապարհը, քանի որ, ցավոք, այժմ աղքատությունն ու գործազրկությունը Հայաստանում բարձր տոկոս են կազմում: Վստահ ենք՝ կլուծենք այդ հարցը միայն աշխատանքի շնորհիվ: Ինչ վերաբերում է միջազգային օրակարգին՝ բազմիցս ասել եմ, որ Հայաստանի ներքին քաղաքականությունում կտրուկ փոփոխություններ չեն լինի: Եվ, իհարկե, հետաքրքրված ենք Ռուսաստանի Դաշնության հետ դաշնակցային համագործակցությամբ ինչպես ԵԱՏՄ-ում, այնպես էլ ՀԱՊԿ-ում: Կարեւոր են նաեւ ԵՄ-ի, ԱՄՆ-ի, մեր հարեւանների՝ Վրաստանի, Իրանի հետ համագործակցությունը, ինչպես նաեւ Չինաստանի եւ Հնդկաստանի հետ հարաբերությունները»,- ասել է նա:

Նա նաեւ խոսել է ՀԱՊԿ-ում ստեղծված իրավիճակի մասին՝ նշելով, որ Հայաստանը փորձում է առավել արդյունավետ դարձնել իր գործունեությունը ՀԱՊԿ-ում: «Մեզ համար կարեւոր է հստակեցնել, թե ինչ պարտավորություններ ունեն միմյանց նկատմամբ ՀԱՊԿ անդամ երկրները»,- ընդգծել է Փաշինյանը:

Խոսելով ՀԱՊԿ նոր գլխավոր քարտուղարի հարցի մասին, ՀՀ վարչապետի պաշտոնակատարն ասել է. «Գլխավոր քարտուղարի հարցն ամենակարեւորը չէ, նույնիսկ կասեմ՝ ոչ կարեւոր: Առավել կարեւոր է կազմակերպության էությունը: Եվ մեր նպատակը կազմակերպության հեղինակության բարձրացումն է ոչ միայն քաղաքական, այլ նաեւ ռազմական-ռազմավարական առումով»: 

Մանրամասները՝ տեսանյութում:

Տպել
680 դիտում

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)

Չեմպիոնների լիգան վերադառնում է. սկսվում է 2019-20 մրցաշրջանը

Վարչապետը Լոռու մարզի Ջրաշեն համայնքում մասնակցել է 4 ընտանիքի բնակարանամուտին

Հայկական Ռոնալդուն. Մխիթարյանը գրավել է «Ռոմայի» երկրպագուների սրտերը

Մեկնարկել է ԱԳ նախարարի պաշտոնական այցը Լիտվա. հանդիպում Լիտվայի ԱԳ նախարարի հետ

Իսակովի պողոտայի մոտ 25-ամյա երիտասարդի են դանակահարել

ԱԺ «Իմ քայլը» խմբակցությունը փակ նիստ է անցկացնում

Իրանի Իսլամական Հանրապետության նախագահին հոկտեմբերի 1-ին սպասում ենք Երեւանում․ Փաշինյան

ՍԴ երկու անդամների հատուկ կարծիքի հրապարակումն ակնհայտ է դարձնում, որ ՍԴ-ն կայացրել է ապօրինի որոշում․ վարչապետ

Ադրբեջանական բանակը լայնածավալ զորավարժություններ է անցկացնում

Արթուր Ալեքսանյանը հրաժարվել է աշխարհի առաջնության եզրափակչին մասնակցելուց

Սեպտեմբերի 24-ից հոկտեմբերի 5-ը կանցկացվի աննախադեպ ծավալի ու բնույթի զորավարժություն. ՊՆ (տեսանյութ)

Գալիս եմ եզրակացության, որ Սաշիկը էդ ընտանիքի ամենաանմեղ դեմքն ա. Նիկոլ Փաշինյան

Վրաստանի նախագահի որդին աշխատանքի է անցել Էմանուել Մակրոնի վարչակազմում