Ջավախքում երիտասարդ է սպանվել. համագյուղացիներն այրել են սպանողի տներն ու մեքենաները (տեսանյութ)

Դեկտեմբերի 3-ին Ջավախքի Փոկա գյուղում սպանություն է կատարվել: Նինոծմինդայի մունիցիպալիտետի հայաբնակ Փոկա գյուղի կենտրոնում համագյուղացու հրազենային կրակոցից սպանվել է 1985 թվականին ծնված Խաժակ Թորոսյանը:

Վրաստանի ներքին գործերի նախարարությունը ձերբակալել է 1986 թվականին ծնված Գալուստ Մկրտչյանին՝ հրազենով մարդասպանություն կատարելու մեղադրանքով: Ձերբակալված Գալուստ Մկրտչյանն ընդունել է մեղադրանքը:

Սպանությունը Փոկայում տեղի է ունեցել վրեժխնդրության հողի վրա, այս մասին հայտնում է Վրաստանի ներքին գործերի նախարարությունը, գյուղացիները եւս դա չեն ժխտում: Սպանություն կատարողը եւ սպանվածը Փոկա գյուղից են, գրեթե հասակակիցներ:

Սպանված Խաժակ Թորոսյանը ամուսնացած չէր, ծնողների միակ արու զավակն էր: Ձերբակալված Գալուստ Մկրտչյանը ամուսնացած է եւ ընտանիք ունի:

Դեկտեմբերի 3-ի, լույս 4-ի գիշերը համագյուղացիները՝ մասնավորապես մահացածի հարազատները վրեժխնդիր են եղել Գալուստ Մկրտչյանից: Նրանք այրել են Մկրտչյանների 2 առանձնատունն ու 4 ավտոմեքենաները։

Մեր տեղեկություններով՝ վերջիններս անգամ ցանկացել են Գալուստ Մկրտչյանի 6 ամսական երեխային տան մեջ այրել: Սակայն դա նրանց չի հաջողվել, քանի որ կատարվածից անմիջապես հետո Գալուստ Մկրտչյանի ընտանիքը տեղափոխվել է. նրանց գտնվելու վայրը հայտնի չէ:

«Գալուստը Մկրտչյան Լեւոնի որդին է, գյուղում նրան «Բուչուլ Լեւոն» են ասում, մեծահարուստ մարդիկ են, լավ ունեցվածքի տեր, սակայն ինչ ունեին-չունեին գյուղացիներն այրել են, երեւի միայն փաստաթուղթ ու գումար են հասցրել տանել իրենց հետ»,-պատմեց գյուղացիներից մեկը, որը չցանկացավ, որ իր անունը նշվի:

Մեր տեղեկություններով՝ երիտասարդների միջեւ մոտ մեկ տարի առաջ է ընդհարում առաջացել: Գալուստ Մկրտչյանը բազմիցս մատնանշել է Խաժակ Թորոսյանի սոցիալապես անապահով լինելն ու ծաղրել նրան, գումարի դիմաց որոշակի աշխատանքներ առաջարկել, փորձել նվաստացնել: Պարբերաբար կրկնվող փոքր միջադեպերից հետո սպանված Խաժակ Թորոսյանը փորձել է «համարժեք պատասխան» տալ՝ դաժան ծեծի է ենթարկել վերջինիս եւ ավելի դաժան ձեւով նվաստացրել նրան:

Դրանից հետո Գալուստ Մկրտչյանը սկսել է վերջինիս նկատմամբ հետապնդումներ իրականացրել եւ պարբերաբար սպառնացել, թե միեւնույն է՝ վաղ, թե ուշ կսպանի իրեն: «Խոստացել էր՝ իրականացրեց, 5 անգամ կրակելով՝ դաժանորեն սպանեց տղային»,- պատմեց համագյուղացիներից մեկը: Վերջինս նկատեց, որ սպանվողը գյուղում աչքի էր ընկնում որպես կարգապահ եւ շնորհքով տղա, վատ բանի ընդունակ չէր:

Դեպքի առիթով ընթանում է քննություն: Հարուցվել է քրեական գործ՝ Վրաստանի ՔՕ-ի 108-րդ հոդվածով՝ «Կանխամտածված սպանություն», որը պատժվում է 7-15 տարի ազատազրկմամբ:

Ստորեւ ներկայացնում ենք Մկրտչյանների այրվող տներից մեկի տեսանյութը:

Տեսանյութը՝  nor.ge

Տպել
7905 դիտում

«Ռեալը» խոշոր հաշվով պարտվեց ՊՍԺ-ին, «Ատլետիկոն» «Յուվեին» թույլ չտվեց հաղթել (տեսանյութ)

Անկախության օրվա կապակցությամբ փոխվում են Երևան-Գյումրի-Երևան էլեկտրագնացքների՝ սեպտեմբերի 21-ի չվացուցակները

Էրեբունու համայնքային ոստիկանները բացահայտեցին հացատանը կատարված գողությունը (տեսանյութ)

Վթար Գյումրի քաղաքում. տուժածի վիճակը գնահատվել է միջին ծանրության

1 օրում բացահայտվել է հանցագործության 80 դեպք, որոնցից 4-ը՝ նախկինում կատարված

Էլեկտրաէներգիայի անջատումներ՝ Երևանում և 7 մարզում

Ակնկալում ենք ավելի շատ լատվիական ներդրումներ Հայաստանում. Զոհրաբ Մնացականյան

Խոշոր հրդեհ և պայթյուն Ստամբուլի գործարաններից մեկում. կան տուժածներ (տեսանյութ)

ՀՀ ԱԳ նախարարը հանդիպել է Լատվիայի Սաեյմայի խոսնակի և Լատվիա - Հայաստան բարեկամական խմբի անդամների հետ

Որոշ կոռուպցիոներներ մտածել են, թե ԱԱԾ-ում խառն են, և իրենք կարող են այս ընթացքում մութ գործերը կարգավորել. վարչապետ

Շղթայական ավտովթար Երևանում. բախվել են BMW-ն, Honda-ն և Opel-ը. կա վիրավոր

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին