Գյուղացիների վճարած ապահովագրական գումարները սուբսիդավորվելու են պետության կողմից. նախարար

Երեկ կառավարության նիստից հետո լրագրողների հետ զրույցում ՀՀ գյուղատնտեսության նախարար Գեղամ Գեւորգյանը ասաց, որ 2019թ.-ի փետրվարից Հայաստանի գյուղացիական տնտեսությունները հնարավորություն կունենան օգտվել գյուղատնտեսական ապահովագրության համակարգից` ՆԱՌՄԱՆ-ից, որը «նույն ԱՊՊԱ-ն է գյուղատնտեսության ոլորտում»:

Նախարարը նշեց, որ ապահովագրության նոր համակարգը պիլոտային ծրագրով կներդրվի առայժմ միայն 2-3 մարզերում եւ միայն 1-2 բուսատեսակների ցանքատարածքների նկատմամբ։ «Առաջին փուլում կապահովագրվեն ծիրանը, խաղողը, այն մշակաբույսերը, որոնք ամենաշատն են վնասվում կարկտահարությունից, ցրտահարությունից»,- ասաց Գեւորգյանը։

Ծրագրի առաջին մի քանի տարիներին գյուղացիների վճարած ապահովագրական գումարները սուբսիդավորվելու են պետության կողմից։ Նախարարի խոսքով՝ գումարի 60-65 տոկոսը կսուբսիդավորվի պետական բյուջեից։ Գյուղացին մոտավոր հաշվարկով կվճարի 30-35 հազար դրամ։

Ծրագիրը կազմվել է 1.5 տարի առաջ KFW գերմանական բանկի համաֆինանսավորմամբ։ «Մենք 5 տարվա գումար ենք նախատեսել, որպեսզի հավաստիացնենք մեր գործընկերներին, որ ծրագիրը լինելու է շարունակական, պետությունը 1 տարով չի սահմանափակվելու»,- նշեց Գեւորգյանը։

Ծրագրի միայն փորձնական ներդրման համար պետական բյուջեից հատկացվելու է շուրջ 360 մլն դրամ։ Նախապես հայտարարվում էր, որ ապահովագրական այս ծրագիրը կմեկնարկի արդեն այս տարեվերջին։ Նախարարի պաշտոնակատարն ուշացումը վտանգավոր չի համարում` հիշեցնելով, որ գյուղատնտեսական աշխատանքները մեկնարկելու են միայն փետրվարից հետո։

Նշենք, որ երեկ կառավարության նիստում գյուղնախարարը հայտարարել էր, որ 2018թ.-ի ընթացքում բնական աղետներից գյուղատնտեսությունը 9.8 մլրդ դրամի վնաս է կրել։ 2017թ.-ին վնասը շուրջ 12 մլրդ դրամ է հաշվարկվել, 2016-ին` 32 մլրդ։

Տպել
5286 դիտում

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ

ԱԺ խմբակցությունները, կառավարությունն ու ԲԴԽ-ն Կոռուպցիայի կանխարգելման հանձնաժողովի անդամների թեկնածուներ են առաջադրել

Այն, ինչ չհաջողվեց թշնամիներին, հայ շինարարը մալի ու բետոնի մի հարվածով արեց. Դադիվանքի մասին ահազանգ և մասնագետի կարծիք

Վարչապետի գլխավորած պատվիրակությունը ժամանել է Փարիզ

Այսօր կարեւոր է արտագաղթը կանգնեցնելն ու այն զրոյական վիճակի բերելը. Արտակ Մարկոսյան

ԻՊ-ն ստանձնել է Ղամիշլիում հայ հոգևորականների սպանության պատասխանատվությունը

Մխիթարյանը չի եկել՝ ՀՀ ֆուտբոլի հավաքականի կողքին լինելու, որ շարունակի վերականգնումը. Corriere dello Sport

Նախագահ Արմեն Սարգսյանի հրամանագրով գնդապետ Արմեն Հարությունյանին շնորհվել է գեներալ-մայորի զինվորական կոչում