Քաղաքացիները ցանկանում են արտարժույթի առքուվաճառքով զբաղվել, սակայն խանգարող հանգամանք կա. դիմում են ՀՀ վարչապետին

«Հայկական ժամանակ» օրաթերթին իրենց խնդիրն են ներկայացրել մի շարք քաղաքացիներ, որոնք ցանկանում են զբաղվել արտարժույթի առուվաճառքով, սակայն ՀՀ կենտրոնական բանկի սահմանած նորմերը նրանց նման հնարավորություն չեն տալիս:

Նախկինում կենտրոնական բանկի կողմից ցանկացած անձի` առանց խտրականության եւ առանց տարածքային սահմանափակման, տրամադրվում էր թույլտվություն (լիցենզիա) նշված գործունեությամբ զբաղվելու համար: Սակայն հիմա լիցենզիան տրամադրվում է առնվազն 600 ք/մ տարածքում խանութ աշխատեցնող իրավաբանական անձին, 2000 ք/մ տարածքում առեւտրի կենտրոնի ծառայություն իրականացնող իրավաբանական անձին, կամ 1000 ք/մ տարածքում հյուրանոցային ծառայություն իրականացնող իրավաբանական անձին:

Քաղաքացիները պնդում են, որ վարկային ընկերությունները, որոնք փոքր տարածքներում մասնաճյուղեր ունեն, կարողանում են արտարժույթի առքուվաճառքի գործունեություն իրականացնել, իսկ իրենք, իրենց վարձակալած տարածքներում չեն կարողանում:

Քաղաքացիների խոսքով՝ Կենտրոնական բանկի վարած քաղաքականության պատճառով, արտարժույթի առքուվաճառքով զբաղվելու թույլտվություն տրվում է միայն խոշոր ընկերություններին, որոնք ունեն վերոնշյալ չափերի տարածքներ կամ վարկային ընկերությունները: Մեզ դիմած քաղաքացիները լիահույս են, որ ՀՀ վարչապետը Կենտրոնական բանկին կդիմի, որպեսզի ուսումնասիրվի խնդիրը եւ հնարավորություն տրվի նաեւ իրենց, որպես անհատ ձեռներեց, արտարժույթի առուվաճառքի լիցենզիա ստանալ՝ առանց տարածքային չափերի սահմանափակման: 

Նրանք նշեցին նաեւ, որ նախկինում առանց որեւէ սահմանափակումների տրամադրված լիցենզիաներով մինչ օրս փոքր տարածքներում գործող արտարժույթի առքուվաճառքի կետեր կան:

Նույնաբովանդակ նամակով քաղաքացիները դիմել էին նաեւ ՀՀ վարչապետ Նիկոլ Փաշինյանին, սակայն դիմումների բաժինը այն հասցեագրել էր ՀՀ կենտրոնական բանկին: Կենտրոնական բանկի տված պատասխանը քաղաքացիներին չի բավարարել, քանի որ այնտեղ լուծման տարբերակներ չեն եղել:

Ստորեւ ներկայացնում ենք նաեւ ԿԲ-ի պատասխանը.

«ՀՀ Ազգային ժողովի կողմից ընդունված «Արժութային կարգավորման եւ արժութային վերահսկողության» մասին ՀՀ օրենքի 7-րդ հոդվածի 2-րդ կետի 2-րդ պարբերության համաձայն` խանութում արտարժույթի առուվաճառքի լիցենզիա կարող է ստանալ միայն տվյալ խանութում առուվաճառք իրականացնող իրավաբանական անձը, առեւտրի կենտրոնում` միայն առեւտրի իրականացման կազմակերպիչը, իսկ հյուրանոցում` հյուրանոցային ծառայություններ մատուցող իրավաբանական անձը:

Բացի այդ, համաձայն «Հայաստանի Հանրապետության կենտրոնական բանկի մասին» ՀՀ օրենքի 49-րդ հոդվածի ՀՀ կենտրոնական բանկին է վերապահված սահմանելու արժութային գործառնությունների իրականացման կարգն ու պայմանները, ընդունելու արժութային գործառնությունները կարգավորող որոշումներ եւ կանոններ, հսկելու եւ կարգավորելու արժութային գործառնություններ իրականացնող դիլերների-բրոքերների, ներառյալ բանկերի գործունեությունը:

Ուստի, հաշվի առնելով վերոգրյալը` ՀՀ կենտրոնական բանկը Հայաստանի Հանրապետությունում ֆինանսական կայունության ապահովման նպատակներից ելնելով` սահմանափակումներ է նախատեսել նաեւ արտարժույթի առուվաճառք իրականացնող փոխանակման կետերի տարածքների վերաբերյալ եւ կարծում ենք, որ այս պահին նշված սահմանափակումները եւս ապահովում են այդ կայունությունը:

Ինչ վերաբերվում է մինչ օրս աշխատող փոքր տարածքներով փոխանակման կետերին, հայտնում ենք ձեզ, որ համաձայն թե նախկին եւ թե ներկայիս գործող «Նորմատիվ իրավական ակտերի մասին» ՀՀ օրենքի` անձի իրավական վիճակը վատթարացնող օրենքները եւ այլ իրավական ակտերը հետադարձ ուժ չունեն, ուստի եւ այդ փոխանակման կետերը գործում են»,- ասված է ԿԲ-ի պատասխանում:

Մեզ դիմած քաղաքացիները հույս ունեն, որ հարցի վերաբերյալ նույնաբովանդակ պատասխաններ տրվելու փոխարեն ՀՀ վարչապետ Նիկոլ Փաշինյանը կհանձնարարի ուսումնասիրել խնդիրը եւ համապատասխան ընթացք կտրվի, քանի որ դա թե՛ պետությանը, թե՛ իրենց օգուտ կբերի միայն:

Դիմողներ`

Աշոտ Մանուկյան

Էդուարդ Սանամյան

Արմեն Յուզբաշյան

Երեմ Հակոբյան

Դավիթ Սահակյան

Տիգրան Սարգսյան

Ռոմիկ Հարությունյան

Արամայիս Պետրոսյան

Հարություն Պետրոսյան

Խոսրով Եղիկյան

Դավիթ Բաղդասարյան

Արմեն Հայրապետյան

Կառլեն Մելքոնյան

Գոհար Պողոսյան

Հռիփսիմե Ղազարյան

Անահիտ Միքայելյան

Սամվել Պողոսյան

Կարեն Քեշիշյան

Կարեն Սուլթանյան

Գագիկ Բաղրամյան

Արտյոմ Ադամյան

Վարդան Վարդանյան

Նունե Ավետիսյան

Ստեփան Վարդանյան

Տպել
1636 դիտում

Վրաստանում 2020-ին աշխատավարձերն ու թոշակները կավելանան

Պուտինը պատրաստվում է տարեվերջյան մամուլի ասուլիսին. հանդիպումը տեւելու է 3 ժամից ավելի

Բորիս Ջոնսոնի տպավորիչ հաղթանակը. եթե արդյունքները հաստատվեն, Մեծ Բրիտանիան դուրս կգա ԵՄ կազմից

Մարմնի 90 տոկոս այրվածքներով բուժօգնության է տեղափոխվել մի տղամարդ

Արամուսում, Գեղաշենում և Վերին Պտղնիում զրոյից կառուցվում են նոր մանկապարտեզների շենքեր

Հայերն ԱՄՆ-ին պետք չեն, 1915-ի դեպքերը՝ նույնպես. Թուրքիայում շարունակում են կոշտ արձագանքել ԱՄՆ-ի Սենատի որոշմանը

ՀՀ ՔՏՀԱ տեսչական մարմինը խախտումներ է արձանագրել Կոտայքի մարզի մի շարք համայնքներում

Արտաշատի պետական դրամատիկական թատրոնը նոր դահլիճ ունի

Պարգևատրվել են ոստիկանները (տեսանյութ, լուսանկարներ)

Բարձր եմ գնահատում Սենատի որոշումը և ձեզ ու ամերիկացի ժողովրդին եմ փոխանցում հայ ժողովրդի երախտագիտությունը․ նախագահ

Դպրոցականի դանակահարության հերթական դեպքն է տեղի ունեցել. տուժածը տեղափոխվել է հիվանդանոց

ԵԱՏՄ անդամ երկրների համար կձևավորվի գազի ընդհանուր շուկա. Տիգրան Սարգսյան

Վանաձոր-Ալավերդի-Բագրատաշեն ավտոճանապարհը փակ է բեռնատարների համար

Այս օրը պատմական է ոչ միայն հայերի, այլեւ Թուրքիայի ժողովրդի համար. թուրք պատմաբան-ցեղասպանագետ

Ժամը 20:45-ի դրությամբ ՀՀ տարածքում կան դժվարանցանելի ավտոճանապարհներ. ԱԻՆ

Աթենքում կայացել է ՍԾՏՀԿ անդամ պետությունների ԱԳ նախարարների խորհրդի 41-րդ հանդիպումը

Ռուբեն Ռուբինյանն ընդունել է Հայաստանում Չինաստանի դեսպանին

Քննարկվել է Ադրբեջանի կողմից հրադադարի ռեժիմի կոպիտ խախտման դեպքը. ԱՀ ԱԳՆ նախարար Մ. Մայիլյանը հանդիպել է Ա. Կասպշիկին

Երբ մարդ 16 տարի ֆուտբոլում է, ազդեցություն կարող է ունենալ. Մելիքբեկյանը՝ Ռուբեն Հայրապետյանի եւ այլ թեմաների մասին

Կամավոր հանձնել են «Մակարովի» նմանվող ատրճանակ, «Կալաշնիկով» ինքնաձիգ, պայթուցիչներով երկու նռնակ (տեսանյութ)