Զինվորների բնակարանի վարձերի եւ զինգրքույկների շուրջ բարձրացած աղմուկը՝ կառավարության նիստում

Կառավարությունն այսօրվա նիստում հաստատեց պայմանագրային զինծառայողին ծառայության վայրում ծառայողական բնակարանով չապահովելու դեպքում այլ բնակելի տարածություն վարձակալելու դիմաց դրամական փոխհատուցում հաստատելու կարգը։

Ըստ որոշման՝ Երեւան քաղաքում մինչեւ 4 անձից բաղկացած շահառու ընտանիքին հատկացվելու է 65 000 դրամ, իսկ 4 եւ ավելի անձից բաղկացած շահառու ընտանիքին՝ 85 000 դրամ։ Այլ քաղաքներում մինչեւ 4 անձից բաղկացած շահառու ընտանիքին՝ 38 000 դրամ, իսկ 4 եւ ավելի անձից բաղկացած շահառու ընտանիքին՝ 50 000 դրամ։ Այլ բնակավայրերում՝ մինչեւ 4 անձից բաղկացած շահառու ընտանիքին՝ 20 000 դրամ, իսկ 4 եւ ավելի անձից բաղկացած շահառու ընտանիքին՝ 25 000 դրամ:

Նախագիծը ներկայացրեց պաշտպանության նախարարի տեղակալ Գաբրիել Բալայանը։ Որոշումը տարածվելու է պաշտպանության նախարարության համակարգում, ազգային անվտանգության ծառայությունում, ոստիկանությունում, քրեակատարողական ծառայությունում զինվորական (քրեակատարողական) ծառայության մեջ գտնվող անձանց, պաշտպանության նախարարության համակարգում, ոստիկանությունում, քրեակատարողական ծառայությունում քաղաքացիական ծառայության պաշտոններ զբաղեցնող կամ քաղաքացիական ծառայության կադրերի ռեզերվում գրանցված անձանց վրա:

Փոխնախարարի խոսքով՝ զգալիորեն ավելացվել են հատկացվող միջոցները՝ գրեթե 1.3-ի չափով։ Վարչապետ Նիկոլ Փաշինյանը հետաքրքրվեց, թե որքան գումար է հատկացվելու այդ ծախսի համար մեկ տարվա կտրվածքով, փոխնախարարն արձագանքեց՝ նախկինում ծախսվել է 2 միլիարդ 307 միլիոն 42 հազար դրամ, նախատեսվում է 915 միլիոն 810 հազար դրամով ավելացում, ընդհանուր գումարը՝ 3 միլիարդ 222 միլիոն 852 հազար։ Նիկոլ Փաշինյանը հետաքրքրվեց՝ հնարավոր չէ՞ այդ գումարը դառնա որպես հիպոթեքային վարկի սպասարկման գումար։ Գաբրիել Բալայանն արձագանքեց՝ այդ հարցը իրենց մոտ եւս քննարկվել է։ «Կա արդյո՞ք մեխանիզմ, որ միգուցե ինչ-որ գումար հավելելով՝ իրենք բնակարանը գնեն եւ մենք այս գումարով օգնենք, որ վարկը փակեն»,- ասաց Փաշինյանը։

Գաբրիել Բալայանն ասաց, որ հետազոտություն են արել եւ պարզել, որ երիտասարդ սպաները ցանկանում են հիպոթեքով բնակարան ձեռք բերել, սակայն ավելի երկարատեւ ծառայության անցնող սպաները «ցանկություն չունեն վարկի տակ մնալու»։ Նիկոլ Փաշինյանը հանձնարարեց քննարկել այդ հարցը ԿԲ-ի հետ համատեղ եւ հասկանալ հնարավոր մեխանիզմները։ Փաշինյանը նաեւ ասաց, որ հանդիպել է ապրիլյան պատերազմի մասնակիցներին, որոնք դժգոհել են, որ իրենց զինգրքույկներում որեւէ նշում չկա մարտական գործողություններին մասնակցության մասին։

Գաբրիել Բալայանն ասաց, որ նախկինում վարչապետի խորհրդական Նիկոլայ Բաղդասարյանն էր այդ հարցով զբաղվում, նախարարությունում հանդիպում է եղել այդ հարցով։ «Այդ ժամանակ շրջանառության մեջ էր դրված կառավարության որոշման նախագիծը, որը նոյեմբերի 8-ին ընդունվեց, այդ որոշմամբ սահմանում ենք զինգրքույկի լրացման ձեւն ու կարգը։ Գործող ձեւի մեջ կա նման բաժին՝ մարտական գործողություններին մասնակցել է ինքնապաշտպանական ուժերի կազմում, ինչպես գիտեք ինքնապաշտպանական ուժերը գործում էին մինչ կանոնավոր բանակի ստեղծումը։ Որոշ զինկոմներ գրքույկներում դրել էին կնիքներ, հետո նախորդ տարիներին ջնջվեցին, էլի բողոքի ակցիաներ եղան, հիմա որ կարգը սահմանվել է, նախարարին վերապահվել է իրավասություն՝ կարգը եւ ձեւը սահմանելը լրացնելը»,- ասաց փոխնախարարը։

Բալայանի խոսքով՝ ապրիլյան պատերազմի մասնակիցների զինգրքույկներում չի կարող նշվել մարտական գործողությունների մասնակից, քանի որ այն ենթադրում է առնվազն 3 ամիս մարտական գործողություններին մասնակցություն։ Բալայանը չգաղտնազերծեց այլ տեղեկություններ, միայն նշեց, որ վերջիններիս զինգրքույկում կարող է նշվել մարտական հերթապահության կամ մարտերին մասնակցության մասին տեղեկություն։ Նիկոլ Փաշինյանը հետաքրքրվեց՝ ի՞նչ է իրենից ենթադրում մարտական գործողություն տերմինը զինգրքույկում ամրագրելը, Գաբրիել Բալայանն արձագանքեց՝ մարտերի բռնվել, սակայն չի կարող ավելին ասել։

Բալայանի խոսքով՝ մարտական հերթապահություն իրականացրած կամ մարտերին մասնակցած նախկին զինծայառողները սոցիալական որոշ երաշխիքներ են ստանում, օրինակ՝ ուսման վարձի 30% զեղչ, իսկ մարտական գործողություններին մասնակցությունը ավելի լայն սոցիալական երաշխիքներ է տալիս։ Վարչապետի օգնական Նաիրի Սարգսյանն արձագանքեց, որ ապրիլյան պատերազմի մասնակիցների խնդիրն ավելի շատ բարոյական է, նրանք ցանկանում են, որ զինգրքույկներում նշվի իրենց մարտական հերթապահության մասին։ «Ապրիլյան պատերազմի ժամանակ մենք էլ ենք հերթապահել, բայց ես չեմ համարում, որ պատերազմի մասնակից ենք»,- ասաց Նիկոլ Փաշինյանը։

Գաբրիել Բալայանը վստահեցրեց, որ մինչ հաջորդ ամսվա հինգը կլինեն նոր զինգրքույկները, որում նշումների բաժին կլինի, այնտեղ էլ կնշվի մարտական հերթապահության մասնակցության օրերի մասին տեղեկություն։

Տպել
1122 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը