Մեկ շաբաթում հաշվարկվել է 13 մլն դրամի շրջակա միջավայրին հասցված վնաս. տեսչական մարմին

Բնապահպանության եւ ընդերքի տեսչական մարմնի կողմից իրականացված ստուգումների, շրջայցերի, վարչական վարույթի գործերի քննության ընթացքում, ինչպես նաեւ հաշվետվությունների ընդունման գործընթացում հայտնաբերված խախտումներով արձանագրված թվով 42 իրավախախտման դեպքով հաշվարկվել է 13.190.860 ՀՀ դրամի շրջակա միջավայրին հասցված վնաս, իսկ 13-ի վերաբերյալ նշանակվել է 1.430.000 ՀՀ դրամի վարչական տուգանք:

Մասնավորապես`

Բուսական աշխարհի պահպանության ոլորտ

Արձանագրվել է իրավախախտման 32 դեպք եւ հաշվարկվել` 12.828.860 ՀՀ դրամի շրջակա միջավայրին պատճառած վնաս, իսկ  7-ի վերաբերյալ նշանակվել է 700.000 ՀՀ դրամի վարչական տուգանք, որից՝                   

Լոռի՝ ապօրինի ծառահատման 1 դեպքի (10 քամատապալ հաճարենի, 39 քամատապալ կաղնի, 6 քամատապալ բոխի, 1 բոխի, 1 հաճարենի) վերաբերյալ հաշվարկվել է 2.830.500 ՀՀ դրամի շրջակա միջավայրին հասցված վնաս:

Հայտնաբերված փայտանյութի ապօրինի տեղափոխման 1 դեպքի (7.37 խմ) վերաբերյալ հաշվարկվել է 265.300 ՀՀ դրամի շրջակա միջավայրին հասցված վնաս։

Տավուշ՝ ապօրինի ծառահատման 4 դեպքի (23 բոխի, 5 թեղի) վերաբերյալ հաշվարկվել է 331.500 ՀՀ դրամի շրջակա միջավայրին հասցված վնաս:

Հայտնաբերված փայտանյութի ապօրինի տեղափոխման 13 դեպքի (49.09խմ) վերաբերյալ հաշվարկվել է 1.120.560 ՀՀ դրամի շրջակա միջավայրին հասցված վնաս:

Գեղարքունիք՝ ապօրինի ծառահատման 4 դեպքի (36 թեղի) վերաբերյալ հաշվարկվել է 1.030.000 ՀՀ դրամի շրջակա միջավայրին հասցված վնաս:

Նախկինում հայտնաբերված փայտանյութի ապօրինի տեղափոխման 7 դեպքի վերաբերյալ նշանակվել է 700.000 ՀՀ դրամի վարչական տուգանք:

Երեւան՝ ապօրինի ծառահատման 1 դեպքի (87 հացենի, 140 տարբեր տեսակի ծառ) վերաբերյալ հաշվարկվել է 7.215.000 ՀՀ դրամի շրջակա միջավայրին հասցված վնաս:

Շիրակ՝ ապօրինի ծառահատման 1 դեպքի (2 բալենի) վերաբերյալ հաշվարկվել է 36.000 ՀՀ դրամի շրջակա միջավայրին հասցված վնաս:

Կենդանական աշխարհի պահպանության ոլորտ

Արձանագրվել է ապօրինի որսի 5 դեպք, հաշվարկվել է  39.250 ՀՀ դրամի շրջակա միջավայրին հասցված վնաս, իսկ 2-ի վերաբերյալ նշանակվել է  180.000 ՀՀ դրամի վարչական տուգանք, որից՝

Արմավիր` 2 դեպքի (առգրավվել է 2 հատ կապուտ տեսակի ձուկ) վերաբերյալ նշանակվել է 100.000 ՀՀ դրամի վարչական տուգանք եւ հաշվարկվել է 500 ՀՀ դրամի շրջակա միջավայրին հասցված վնաս:

Երեւան` 1 դեպքի (առգրավվել է 7 կգ., 750 գ. սիգ տեսակի ձուկ) վերաբերյալ հաշվարկվել է 38.750 ՀՀ դրամի շրջակա միջավայրին հասցված վնաս:

Սյունիք` 1 դեպքով առգրավվել է շիկակարմիր տառեղ տեսակի 1 վիրավոր թռչուն, որի խնամքը Սյունիքի տարածքային բաժինը վերցրել է իր հսկողության տակ։

Գեղարքունիք՝ նախկինում հայտնաբերված խոշոր եղջերավոր անասունների ապօրինի արածեցման 1 դեպքի վերաբերյալ նշանակվել է 80.000 ՀՀ դրամի վարչական տուգանք:

Մթնոլորտային օդի եւ ջրերի պահպանության, թափոնների տեղաբաշխման, հողերի օգտագործման եւ պահպանման ոլորտ

Արձանագրված իրավախախտման 4 դեպքերով հաշվարկվել է 322.750 ՀՀ դրամի շրջակա միջավայրին հասցված վնաս, իսկ 3-ի վերաբերյալ նշանակվել է  500.000 ՀՀ դրամի վարչական տուգանք, որից՝

Շիրակ՝ առանց անթափանց ծածկոցի խճի տեղափոխման 1 դեպքի վերաբերյալ նշանակվել է 50.000 ՀՀ դրամի վարչական տուգանք։

Կոտայք՝ առանց ՋԹԱ թույլտվության աշխատելու 1 դեպքով նշանակվել է 300.000 ՀՀ դրամի վարչական տուգանք։

Արարատ՝ ջրային ռեսուրսների պահպանության 1 դեպքով նշանակվել է 150.000 ՀՀ դրամի վարչական տուգանք:   

Վայոց Ձոր՝ ջրային ավազանի աղտոտման 1 դեպքի վերաբերյալ հաշվարկվել է        322.750 ՀՀ դրամի շրջակա միջավայրին հասցված վնաս:

Բնապահպանական եւ բնօգտագործման վճարների եռամսյակային հաշվետվությունները սահմանված ժամկետում չներկայացնելու համար

Արձանագրվել է իրավախախտման 1 դեպք, որի վերաբերյալ կայացվել է վարչական տուգանքի որոշում եւ նշանակվել է 50.000 ՀՀ դրամի վարչական տուգանք, որից՝

Արմավիր՝ 1 տնտեսվարող սուբյեկտ ենթարկվել է  վարչական տուգանքի 50.000 ՀՀ դրամի չափով:

Նշված ժամանակահատվածում պետական բյուջե մուտքագրվել է 2.602.930 ՀՀ դրամ։