Կառավարությունն ԸՕ-ի մերժված նախագիծը 3-րդ անգամ խորհրդարան չի բերի

Հոկտեմբերի 29-ին խորհրդարանում երկրորդ անգամ տապալվեց «Ընտրական օրենսգիրք սահմանադրական օրենքում» լրացումներ ու փոփոխություններ կատարելու նախագիծը: Այս օրենքը սահմանադրական է, ուստի՝ դրա ընդունման համար անհրաժեշտ էր 63 պատգամավորի կողմ քվե: Սակայն քվեարկությանը մասնակցեց 64 պատգամավոր, որից 62-ը միայն կողմ եղան, իսկ երկուսը՝ դեմ: Օրինագիծը չընդունվեց ընդամենը մեկ ձայնի պատճառով: Դեմ քվեարկեցին Աժ փոխնախագահ Արփինե Հովհաննիսյանը եւ Արմեն Աշոտյանը:

Ազգային ժողովի արտահերթ նիստից, որը հրավիրվել էր պատգամավորների առաջարկությամբ, բացակայողների գերակշիռ մասը «Հանրապետական» խմբակցությունից էին: Բացակայում էին նաեւ պատգամավորներ, որոնք փաստաթուղթ էին ստորագրել, որ կողմ են, որպեսզի դեկտեմբերին տեղի ունենան ԱԺ արտահերթ ընտրություններ: Երկու բացակա կար նաեւ «Դաշնակցություն» խմբակցությունից՝ Ռոմիկ Մանուկյանը եւ Անդրանիկ Կարապետյանը: «Հայկական ժամանակ»-ը քվեարկությունից հետո մինչեւ աշխատանքային օրվա ավարտը փորձեց կապ հաստատել այս պատգամավորների հետ, բայց նրանք մեր զանգերին չպատասխանեցին:

ՀՅԴ խմբակցության ղեկավար Արմեն Ռուստամյանը ՀԺ-ի հետ զրույցում անդրադառնալով իրենց բացականերին եւ պատասխանելով հարցին, թե՝ սա սաբոտա՞ժ չէր, ասաց. «Քանի որ դրած է դեկտեմբեր ամիսը եւ ամեն ինչ հարմարեցվում է դրան, այսպիսի բաներ պետք է տեղի ունենան: Հիմնական պատճառը թողած` ուրիշ տեղեր են ման գալիս: Ի՞նչ սաբոտաժ, եթե մեր 7 հոգուց 5 հոգին կողմ է քվեարկել: Եթե սա սաբոտաժ է համարվում, որ հարյուր տոկոսանոց մասնակցություն չկա, ուրեմն բոլոր այն օրենքները, որտեղ 105 հոգով չեն քվեարկել, սաբոտաժ է եղել: Ակնհայտ է չէ՞, որ սաբոտաժի մեղադրանքը օդից վերցրած է»,- շեշտեց նա:

Ռուստամյանը նշեց, որ եթե իրենց երկու պատգամավորներ չեն եկել, ուրեմն անձնական պատճառներ ունեն, իրենց պետք է հարցնել: Նա միեւնույն ժամանակ նշեց, որ չի կարողացել նրանց հետ կապ հաստատել, իրենք կբացատրեն, թե ինչ խնդիրներ կան, սակայն նրանցից մեկը նախորդ անգամ քվեարկել է: Ի դեպ, նշենք, որ ՀՅԴ-ից բացակա պատգամավորներից մեկը՝ Անդրանիկ Կարապետյանը, բավական մտերիմ հարաբերություններ ունի ԱԺ փոխնախագահ Արփինե Հովհաննիսյանի հետ: Չի բացառվում, որ այս փաստը եւս ինչ-որ դերակատարություն է ունեցել, որ Կարապետյանը չի ներկայացել արտահերթ նիստին:

Ի դեպ, մի քանի օր առաջ ԵԼՔ-ի պատգամավոր Հրաչյա Հակոբյանը «Առավոտ» օրաթերթի հետ զրույցում պատասխանելով հարցին՝ ըստ Ձեզ, կարո՞ղ ենք ասել, որ ՀՀԿ-ի հետ միասին ՀՅԴ-ն մասնակցում է սաբոտաժի, ասել էր. «Ախր այն, որ ինչ-որ բան իրենք միասին են անում, դա ակնհայտ է, բայց թե ինչ են անում՝ ես չգիտեմ: Իսկ այն, որ նրանք միասին ինչ-որ բան անում են՝ դա ակնհայտ է»: 

«Ընտրական օրենսգիրք սահմանադրական օրենքում» լրացումներ ու փոփոխություններ կատարելու նախագծի քվեարկության արդյունքները չի բացառվում, որ նախկին կոալիցիոն գործընկերներ ՀՀԿ-ի եւ ՀՅԴ-ի «ինչ-որ մի բան անելու» հետեւանքն էր: Ամեն դեպքում, այս խմբակցությունների ղեկավարները հերքել էին միմյանց հետ «ինչ-որ մի բան անելը»:

Աչքից չվրիպեց նաեւ այն, որ ստորագրահավաքին միացած 18 պատգամավորից երեքը՝ Հակոբ Բեգլարյանը, Արայիկ Գրիգորյանը եւ Հարություն Կարապողոսյանը, բացակայում էին: Նրանց հետ եւս կապ հաստատել չհաջողվեց, որպեսզի հասկանայինք, թե ինչու չէին եկել արտահերթ նիստին: Սրանից թեեւ կարող ենք հետեւություն անել, որ այս պատգամավորներն այդ ստորագրված փաստաթղթով կաշկանդված չեն եւ, ըստ էության, նրանց հետ պետք է յուրաքանչյուր քաղաքական գործընթացից առաջ բանակցել, ինչը կառավարության՝ ի դեմս Արարատ Միրզոյանի մոտ չի ստացվում:

ԸՕ-ի նախագծի քննարկման եւ քվեարկության ժամանակ սպասելիքներն արդարացրեց «Բարգավաճ Հայաստան» կուսակցությունը: «Ծառուկյան» խմբակցությունն ամբողջ կազմով կողմ քվեարկեց այս նախագծին՝ Գագիկ Ծառուկյանի գլխավորությամբ: Այսպիսով՝ արտահերթ խորհրդարանական ընտրությունները տեղի կունենան գործող Ընտրական օրենսգրքով: Սակայն նշենք, որ կառավարությունը կամ 27 պատգամավոր ստորագրությամբ եւս մեկ անգամ կարող են արտահերթ նիստ հրավիրել, եւ քննարկել ու ընդունել նախագիծը: «Հայկական ժամանակ»-ը տեղեկացավ, որ կառավարությունն այլեւս նման ցանկություն չունի, քանի որ երկու օրից Ազգային ժողովն արձակվում է իրավունքի ուժով՝ երկու անգամ վարչապետ չընտրելու արդյունքում: Մինչեւ ԱԺ-ի 7-րդ գումարումն այս խորհրդարանը պահպանելու է իր լիազորությունը, բայց կառավարությունում ճիշտ չեն համարում լուծարված ԱԺ-ի միջոցով փոփոխությունների հաստատումը:

Երեկվա քվեարկությունից հետո ՀՀԿ-ական Արմեն Աշոտյանը հայտարարեց, թե խորհրդարանը կառավարության պատանդը չէ: «Խորհրդարանն այստեղ չէ, որ սպասարկի բացառապես Նիկոլ Փաշինյանի միահեծան քաղաքականությունը: Այս խորհրդարանով շատ հպարտ եմ, որ հոկտեմբերի 2-ին՝ ԸՕ-ի նախորդ քվեարկության ժամանակ, ինչպես նաեւ այս քվեարկության ժամանակ ապացուցեց, որ ԱԺ-ն կառավարության պատանդը չէ: Եվ որպեսզի քաղաքական գործընթացները ՀՀ-ում լինեն արդյունավետ, պիտի լինեն սահմանադրական, դրանք պետք է լինեն ներառական՝ քաղաքական երկխոսության վրա խարսխված»:

ԵԼՔ-ից Ալեն Սիմոնյանն էլ ասաց, որ ԸՕ-ի նախագծի չընդունվելը քաղաքական ճգնաժամի պատճառ է: «ՀՀ-ում քաղաքական ճգնաժամ է: Դրա հարմար ենք ասում, որ պառլամենտն օր առաջ պետք է ցրվի, եւ նոր ընտրություններ տեղի ունենան, որոնք կարտացոլեն իրականությունը»: Ալեն Սիմոնյանը կարծում է՝ անիմաստ է եւս մեկ անգամ ԸՕ փոփոխությունների փաթեթը բերել օրակարգ, քանի որ ժամանակային առումով խնդիր կառաջանա:

Տպել
1966 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան