Երևան
11 °C
searchclose
today
menuclose
Երևան
11 °C
Սույն թվականի հունվար ամսին 70-ամյա Գայանե Մարտիրոսյանին վրաերթի ենթարկած եւ փախուստի դիմած Մարտին Իսահակյանը չի ցանկանում փոխհատուցել տիկնոջը պատճառած վնասները: Գայանե Մարտիրոսյանը հունվար ամսից մինչեւ ամառ՝ ստացած բազմաթիվ կոտրվածքներով գտնվել է անկողնային վիճակում:
Վերջինս ՀԺ-ին պատմեց, որ իր շան հետ քայլելիս է եղել, երբ տաքսու վարորդ, ոմն Մարտին Իսահակյանը վրաերթի է ենթարկել իրենց եւ առանց օգնություն ցուցաբերելու լքել դեպքի վայրը: Մարմնական վնասվածքներ ստացած Գայանե Մարտիրոսյանին պատահական անցորդներից մեկն է օգնություն ցուցաբերել, ապա շտապօգնություն կանչել: Հարուցվել է քրեական գործ, Մարտին Իսահակյանը հայտնաբերվել է, սակայն նա հրաժարվում է որեւէ փոխհատուցում տալ:
Որպես վկա հանդես եկող Գայանե Մարտիրոսյանին օգնություն ցուցաբերած քաղաքացին դատարանում հայտնել է, որ մեքենայի վարորդը, տեսնելով ընկած կնոջը, նստատեղից մի փոքր վերեւ է բարձրացել, ապա արագ քշել ու հեռացել: Նշված հասցեում տեսախցիկները եւս ֆիքսել են, որ տիկինը վրաերթի է ենթարկվել:
Գայանե Մարտիրոսյանի գործը մինչ օրս քննվում է, քաղհայցով դատական նիստը կայանալու է նոյեմբերի մեկին, սակայն առ այսօր պատասխանող Մարտին Իսահակյանը ոչ մի ձեւով չի պատրաստվում փոխհատուցել վերջինիս պատճառած վնասները:
Գայանե Մարտիրոսյանի գործը քննվել է Երեւանի քննչական վարչության Ճանապարհատրանսպորտային պատահարները քննող հատուկ բաժնում՝ Գագիկ Պողոսյանի նախագահությամբ: Գայանե Մարտիրոսյանի փաստաբան Ինեսա Պետրոսյանը ՀԺ-ի հետ զրույցում ասաց, որ իրավապահ մարմինների կողմից իրականացվող աշխատանքները նախորդ փուլում շատ թերի են կատարվել. «Նույնիսկ փորձագիտական եզրակացությունն են սխալ տվել, քրեական գործ չի հարուցվել: Մեր բողոքներից հետո է հարուցվել»:
Փաստաբանի խոսքով՝ տեսախցիկներով ապացուցվում է Մարտին Իսահակյանի մեղավորությունը: «Տուժողը որոշակի խնդիրներ է առաջ քաշել, որ դատաքննությանը այնքան էլ չի վստահում, որովհետեւ այնպիսի իրավիճակ էր ստեղծվել, որ դատավորը, կարծես թե, պաշտպանության տակ էր վերցրել վնաս պատճառած Մարտին Իսահակյանին»:
Գայանե Մարտիրոսյանը մեզ հայտնում է, որ մոտ 6 հազար դոլարի չափով գումար է ծախսել, որպեսզի կարողանա բուժել վթարի հետեւանքով առաջացած առողջական խնդիրները, սակայն ծախսերի մի մասի կտրոնները չի պահել, ուստի, չի կարողանում ապացուցել:
Վերջինիս փաստաբանի խոսքով եւս՝ այնպիսի ծախսեր են կատարվել տնային պայմաններում, որ դրանց վերաբերյալ դժվար է փաստաթուղթ ներկայացնել: «Այն, որ բոլոր ծախսերը կատարվել են եւ արդյունքում տիկին Մարտիրոսյանը կարողացել է ոտքի կանգնել, դա փաստ է: Փաստաթղթեր էլ կան, որ Գայանե Մարտիրոսյանը հետագա բուժման կարիք եւս ունի, որի համար մոտավորապես մեկ միլիոնից ավելի գումար է անհրաժեշտ»,- ասաց Ինեսա Պետրոսյանը:
Փաստաբան Պետրոսյանը նշեց, որ Մարտին Իսահակյանը ամեն կերպ հրաժարվում է պատասխանատվությունից, նշում, որ գումար չունի, անգամ չի ընդունում, որ իր պատճառով է Գայանե Մարտիրոսյանը առողջական խնդիրների առաջ կանգնել. «60-ն անց մարդ է, երեւի մտածում է, որ դժվար թե իրեն կալանքի տակ վերցնեն: Ասեմ՝ բավականին հանգիստ է»:
Գայանե Մարտիրոսյանին վրաերթի ենթարկած Մարտին Իսահակյանը ՀԺ-ի հետ զրույցում ասաց, որ չի նկատել, թե տիկինն ինչպես է «հայտնվել» եւ կպել իր մեքենային: «Եթե նկատած լինեի՝ կկանգնեի, կտանեի, կամ օգնություն ցույց կտայի: Ձյուն սառույց էր, մառախուղ, չեմ նկատել: Չգիտեմ, թե այդ կինն ինչպես է հայտնվել իմ մեքենայի դեմը, բայց մեքենայիս վրա անգամ մի խազ չկա: Նա անգամ ասում է, թե աղջկա նախկին ամուսինն է ինձ պատվիրել, որ իրեն գցեմ մեքենայիս տակ ու մեռցնեմ: Եթե մեռցնելու լինեի՝ մեքենայով տաս անգամ հետ ու առաջ կանեի, իրա վրա կկանգնեի, որ մեռներ»,-ասաց Մարտին Իսահակյանը:
Մեր դիտարկմանը, թե տեսախցիկները ֆիքսել են, որ խփել է տիկնոջը, վերջինս եւս մեկ անգամ նշեց, որ չի նկատել, ավելացրեց նաեւ, որ տեսախցիկների նկարածի վրա էլ է կասկածում:
«Շտապօգնության մեքենան է նրան տարել, բայց ստուգել են, ոչինչ չեն հայտնաբերել: Դեպքից 10 օր անց նա գնացել է այլ հիվանդանոց, ինչ-որ հիվանդություններ են պարզել: Ի ծնե հիվանդությունները մի քանի հարյուր դոլարով բուժել է, հիմա ինձնից 3 միլիոն գումար է ուզում: Իր պատճառով ես շաքար ձեռք բերեցի, ոտքի վրա էլ ինֆարկտ տարա: Աֆերիստ շանտաժի նոր ձեւ են գտել՝ գումար աշխատելու: Էդ ինքն է բողոքում, բա որ ե՞ս բողոքեմ»,- վրդովված ասաց Մարտին Իսահակյանը:
Դատաքննության ժամանակ Մարտին Իսահակյանը հայտնել է, թե վթարի օրը միայն շանն է նկատել, տիկնոջը չի տեսել: ՀԺ-ի հետ զրույցում էլ ասաց, որ շուն է տեսել, շրջանցել, անցել, որ հանկարծ չվնասի: Մարտին Իսահակյանը հրաժարվում է որեւէ գումար տալ, ասում է, որ եթե իրեն դատ է հասնում, ապա թող դատապարտեն, քանի որ գումար չունի: Նաեւ հայտնում է, որ տուժող Գայանե Մարտիրոսյանը սպառնացել է իրեն եւ գումար պահանջել:
«Ինձ ասում է՝ այ ալկագոլիկ, նառկաման, եթե չեկար, չներկայացար եւ 15 հազար դոլար չտվեցիր, ես քեզ նստացնել կտամ, բանտում էլ կհանձնարարենք կսպանեն: ԴԱՀԿ-ից էլ եկել են, բայց ես ոչինչ չունեմ, տուն չունեմ իրենց համար ծախելու, էն տունը, որտեղ որ ապրում եմ, քրոջս տունն է»,- ասաց նա:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
