Աշխարհը չէր հասկանում, թե ինչ է նշանակում պրոֆեսիոնալ նվագախումբ, որը երիտասարդական է, բայց մենք համոզեցինք. Սմբատյան

Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանի հոկտեմբերի 16-ին կայացած հանդիպումը լրագրողների հետ՝ նոր ձեւաչափով էր։ Հանդիպումը նվիրված էր Խաչատրյանի 6-րդ միջազգային փառատոնին, ինչպես նաեւ՝ նվագախմբի նոր համերգաշրջանին:

BURO-ում տեղի ունեցած հանդիպման ընթացքում Սերգեյ Սմբատյանը ներկայացրեց պրեզենտացիա, որը վերաբերվում է իրենց` արդեն իսկ որպես սիմֆոնիկ նվագախումբ: Վերջինս ամփոփեց Հայաստանի պետական սիմֆոնիկ նվագախմբի 12-րդ համերգաշրջանը, եւ որոշ փակագծեր բացեց՝ 13-րդի հետ կապված: 

Հայտնեց, որ Խաչատրյանի միջազգային փառատոնը կմեկնարկի հոկտեմբերի 18-ին «Խաչատրյանը եւ ջազը» համերգային ծրագրով, փառատոնը կհյուրընկալի մեծանուն մենակատարների՝ դաշնակահար Բորիս Բերեզովսկուն, թավջութակահար Ալեքսանդր Ռամին, ջութակահար Դանիել Ռոնին եւ այլոց, որոնք կներկայացնեն Արամ Խաչատրյանի ստեղծագործությունները։ Խաչատրյանական 6-րդ Փառատոնի շրջանակներում սիմֆոնիկ նվագախումբը հանդես կգա հետաքրքիր նախագծով՝ «Խաչատրյան նոն-ստոպ», որի ընթացքում կներկայացվի Խաչատրյանի կինոերաժշտությունը։  

Խոսելով նոր եւ կրեատիվ ձեւաչափով հանդիպման մասին՝ գեղարվեստական ղեկավարն ասաց, որ ամեն ինչ նվագախմբի թիմով են որոշել. «Նպատակը այն չէր, որ օրիգինալ երեւանք, այլ այն, որ բովանդակային խորությամբ եւ լուծումներով կարողանանք մարդկանց ցույց տալ, որ արվեստը, դասական երաժշտությունը եւս կարող է լինել շատ հաջողակ»:

Սերգեյ Սմբատյանի բնորոշմամբ՝ այսօր իրենք փորձում են ապացուցել եւ գործնականորեն ու կատարած աշխատանքով ցույց տալ գրանցած հաջողությունները: Նա մեկնաբանեց նաեւ իրենց նվագախմբի անվան եւ կարգավիճակի փոփոխության հարցը, ասաց, որ աշխարհը չի հասկանում, թե ինչ է նշանակում բացարձակ պրոֆեսիոնալ նվագախումբ, որը երիտասարդական է, եւ իրենք իրենց ու պետությանը համոզեցին, որ ժամանակն է դառնալ Սիմֆոնիկ նվագախումբ:

Վերջինս հայտնեց, որ նվագախումբը բազմաթիվ գրավիչ առաջարկներ ունի: «Կարծում եմ, որ այս միջավայրը, պրեզենտացիան արտասովոր երեւույթ չէ, բայց մենք փորձում ենք որակ փոխել, մոտեցում փոխել, որպեսզի մարդիկ տեսնեն, որ դասական երաժշտությունը, նվագախումբը, արժեքները կարող են ուժեղ լինել, քանի որ մարդն իր բնազդային սկզբունքներով ձգտում է հաջողության: Մենք սիրում ենք խոսել խնդիրներից ու դժվարություններից, ես դա խնդիր եմ համարում, բայց հարկավոր է այդ խնդրի կողքը դնել հաջողություն եւ ցույց տալ նաեւ այն»,-ասաց Սերգեյ Սմբատյանը:

ՀԺ-ի դիտարկմանը, թե ինչու են փորձում ապացուցել, որ դասական երաժշտությունը եւս կարող է հաջողության հասնել, եւ արդյոք այսօր էլ ունենք դա ապացուցելու խնդիրը, Սմբատյանն ասաց. «Իհարկե՝ ունենք, մենք խոսում ենք հաջողությունների մասին, որպես երեւույթ, որը եկել է, կամ մի տեղից ընկել, բայց ես հավատում եմ, որ հաջողության հասնելու համար կա շատ հստակ քայլերի հերթականություն, որը պարզապես պետք է պահել: Այո, կա խնդիր, որը մենք փորձելու ենք միասին կարգավորել»:

Դիրիժորը նշեց, որ 2019թ. փետրվար-մարտ ամիսներին կանցկացվի Հայ կոմպոզիտորական արվեստի 10-րդ հոբելյանական փառատոնը։ Այս համերգաշրջանի ընթացքում Սիմֆոնիկ նվագախումբը նախատեսում է ավելի քան 25 համերգ: Նվագախումբը հյուրախաղերի տարբեր հրավերներ է ստանում:

«Այժմ «լայֆ» գաղափարը շատ մոդայիկ է, բայց պետք է հասկանանք, որ նվագախումբը պետք է պատրաստ լինի, որ բոլոր համերգները գնան ուղիղ հեռարձակմամբ, դա անհամեմատ ավելի մեծ պատասխանատվություն է, նույնիսկ, եթե նման նոր ձեւաչափով հանդես գանք»,-խոսելով համերգային փառատոնի ուղիղ հեռարձակման մասին՝ ասաց Սմբատյանը:

Վերջինս հայտնեց, որ 2019-ին նվագախումբը հանդես կգա Տիգրան Մանսուրյանի հոբելյանին նվիրված համերգներով. «Մաեստրոյի 80-ամյակը մենք յուրահատուկ կնշենք»:

Ամփոփիչ պրեզենտացիայի ընթացքում ներկայացվեց, որ անցած համերգաշրջանում են անցկացվել Խաչատրյանի 5-րդ միջազգային, Հայ կոմպոզիտորական արվեստի 9-րդ, մերօրյա լեգենդ Քշիշտոֆ Պենդերեցկու 85-ամյակին նվիրված հոբելյանական, «Արմենիա» միջազգային փառատոնները։ Մալթայի միջազգային երաժշտական փառատոնը եւս կայացել է Սիմֆոնիկ նվագախմբի ելույթներով։

Նվագախմբին ունկնդրել է 23931 հանդիսատես, 10252-ը՝ արտասահմանում, 1 միլիոն 624 հազար առցանց դիտում՝ առցանց հեռարձակված 26 համերգների ընթացքում։

Նվագախմբի կազմում ակտիվ գործունեություն են ծավալում 5 անսամբլները։ Հայկական երաժշտական շտեմարանը կհարստացնեն Սիմֆոնիկ նվագախմբի 158 աուդիո եւ 140 վիդեո ձայնագրությունները։ Նախորդ համերգաշրջանի ընթացքում կոլեկտիվի հետ ելույթ է ունեցել 18 երկիր ներկայացնող 47 արտիստ՝ անվանի երաժիշտներ, որոնց կատարումները զարդարում են աշխարհի լավագույն բեմերը։

Տպել
1216 դիտում

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը