Գագիկ Ծառուկյանը պնդում է՝ 2015-ից հետո ՀՀԿ-ի հետ չեն համագործակցել. ԲՀԿ-ՀՀԿ համագործակցության վերջին եռամյակի քրոնիկոնը

ԲՀԿ առաջնորդ, «Ծառուկյան» խմբակցության ղեկավար Գագիկ Ծառուկյանը, որը տարիներ շարունակ համագործակցել է հանրապետականների հետ, նախօրեին իրեն պատկանող «Կենտորն» հ/ը եթերում հայտարարեց, որ ինքը 2015 թվականից ի վեր չի համագործակցել ՀՀԿ-ի հետ եւ հիմա էլ չի միացել հակահեղափոխությանը.

«2015 թվականին իմ տեղը ո՞վ կարար դիմանար, դրանից հետո ի՞նչ համագործակցություն»,- մասնավորապես, ասել է Ծառուկյանը: 2015 թվականը հիշատակելով՝ նա նկատի ունի իր հասցեին Սերժ Սարգսյանի արած այն սկանդալային հայտարարությունը, որտեղ վերջինս ասում է, թե «Գագիկ Ծառուկյան քաղաքական դերակատարը մեր երկրի համար դարձել է չարիք»:

ԲՀԿ-ՀՀԿ՝ մինչեւ 2015 թվականը եղած համագործակցություններին, Մարտի մեկի արյունալի դեպքերից հետո Հանրապետականի հետ կազմած կոալիցիային չենք անդրադառնում, բայց Գագիկ Ծառուկյանը հանրապետականների հետ համագործակցել է նաեւ 2015-ից հետո:

Այսպիսով՝ Սերժ Սարգսյանի հայտնի հայտարարությունից հետո Ծառուկյանը լքեց քաղաքականությունը՝ ասելով, որ այլեւս չի վերադառնալու: Բայց քաղաքականությունից հեռանալու այդ շրջանը կարճ տեւեց՝ մոտ երկու տարի:

Այս ամենից հետո՝ 2015 թվականի սեպտեմբերին 15-ին ԲՀԿ-ն որոշեց կողմ քվեարկել Սերժ Սարգսյանի կողմից առաջարկված Սահմանադրական փոփոխությունների նախագծին՝ հայտարարելով, որ դեմ լինելու կամ չսատարելու որևէ փաստարկ չկա: Սահմանադրական այդ փոփոխությունների միջոցով Սերժ Սարգսյանը երրորդ անգամ՝ թեկուզ վեց օրով, ստանձնեց երկրի ղեկավարի պաշտոնը, եւ Հայաստանն անցավ խորհրդարանական կառավարման:

Արդեն 2017 թվականի փետրվարին՝ խորհրդարանական ընտրությունների նախաշեմին, երբ Սերժ Սարգսյանը հայտարարեց, թե չի ողջունում Գագիկ Ծառուկյանի՝ քաղաքականություն վերադառնալը, Ծառուկյանը լրագրողի հարցին ի պատասխան արձագանքեց. «Նախագահը մեր երկրի նախագահն է, դա իր մոտեցումն է, իր որոշումն է»: Ապա Ազգային ժողովի ընտրություններին Գագիկ Ծառուկյանը մասնակցեց «Ծառուկյան» դաշինքով եւ հավաքեց այնքան քվե, որ խորհրդարանում դարձավ երկրորդ ուժը: Այս մասնակցության նպատակը օր օրի թափ ու վարկանիշ հավաքող Նիկոլ Փաշինյանի հիմնադրած «Քաղաքացիական պայմանագիր» կուսակցությունից մեծ թվով ձայներ տանել էր:

Խորհրդարանական ընտրություններին հաջորդեցին Երեւանի ավագանու ընտրությունները: Սակայն այս անգամ, ի զարմանս շատերի, «Ծառուկյան» դաշինքի առաջնորդը հայտարարեց, որ իրենք չեն մասնակցի Երևանի ավագանու ընտրություններին: Գագիկ Ծառուկյանը պատճառաբանեց, թե ԱԺ ընտրություններից անմիջապես հետո, այդ կարճ ժամանակահատվածում իրենք չեն կարողացել երեւանցիների դատին ներկայացնելու հիմնավոր ու պատշաճ ծրագիր կազմել:

Սակայն Երեւանի ավագանու ընտրություններին չմասնակցելու պատճառը, ըստ էության, ոչ թե ծրագրի բացակայությունն էր, այլ ՀՀԿ-ի քաղաքապետի թեկնածու Տարոն Մարգարյանի համար մրցակից չհանդիսանալն ու նրան բարձր տոկոսներ հավաքելու հնարավորություն տալն էր, եւ ԲՀԿ-ն նախընտրեց դաշտը թողնել ՀՀԿ-ին:

Սրան հաջորդեց ԲՀԿ-ՀՀԿ համագործակցության հաջորդ դրվագը: Բացի այն, որ ԲՀԿ-ն կողմ եղավ Սերժ Սարգսյանին վարչապետի պաշտոնում առաջադրելուն, այլեւ ԱԺ հատուկ նիստի ընթացքում «Ծառուկյան» խմբակցության մի շարք պատգամավորներ կողմ քվեարկեցին Սերժ Սարգսյանի ընտրությանը:

Այս երկու քաղաքական ուժերի վերջին համագործակցությունը եղավ այն, որ «Ծառուկյան» խմբակցության պատգամավորները կողմ քվեարկեցին նաեւ ԱԺ կանոնակարգ օրենքում փոփոխություններ անելու մասին օրենքի աղմկահարույց նախագծին, որով, ըստ էության, կանխվում էր Նիկոլ Փաշինյանի հրաժարականի ճանապարհով Ազգային ժողովի շուտափույթ արձակումը:

Փաստացի ստացվում է, որ թեեւ այս համագործակցությունները թղթի վրա չեն գրվել, այնուամենայնիվ, շարունակաբար եղել են:

Տպագրվել է «Հայկական ժամանակ» օրաթերթի հոկտեմբերի 6-ի համարում:

Տպել
4645 դիտում

ՀՀ ոստիկանությունը մեկ օրում բացահայտել է հանցագործության 63 դեպք

Թուրքիայում Հայաստանի քաղաքացի է բերման ենթարկվել

Սեւանում 13 եւ 14 տարեկան տղաները նավակով հեռացել են ափից. օգնել են փրկարարները (տեսանյութ)

Սուրեն Պապիկյանն ընդունել է «Վեոլիա» ընկերության Կենտրոնական և Արևելյան Եվրոպայի երկրների գծով գործադիր փոխնախագահին

Հուլիսի 21-ին Գանձայում կայացել է Տերյանական պոեզիայի հերթական տոնը

Աֆղանստանի կառավարությունն ԱՄՆ նախագահ Դոնալդ Թրամփից բացատրություն է պահանջում

ԱՄՆ Կոնգրեսի Սենատը հաստատել է Մարկ Էսպերի թեկնածությունը Պենտագոնի ղեկավարի պաշտոնում

Մահացել է հայոց Ցեղասպանության ճանաչման պայքարի ջատագով Ռոբերտ Մորգենթաուն

Ջավախքում 32-րդ անգամ տոնեցին աշուղ Ջիվանուն նվիրված տոնը

Խաբարովսկի երկրամասում մանկական վրանային ճամբարում բռնկված հրդեհի հետեւանքով զոհերի թիվը հասել է 4-ի

Արտաշատի էլ. ցանցի աշխատակիցները խնդիրներ են ստեղծել ինձ համար՝ պարբերաբար կեղծելով հաշվիչի թվերը. բաց նամակ վարչապետին

Կարկտի վնասը շիրակցուն կփոխհատուցի Հայկական Կարմիր խաչի ընկերությունը. 960 ընտանիք է ցանկում

Բորիս Ջոնսոնը գերազանց վարչապետ կլինի. Դոնալդ Թրամփ

Նոր աղբամանների առաջին խմբաքանակը արդեն Երեւանում է (տեսանյութ)

25 տարի է՝ սպասում եմ արդարադատությանը. Մանվել Գրիգորյանի եղբորորդու գործով Մհեր Պողոսյանի որդին իրավահաջորդ ճանաչվեց

Շառլ Ազնավուրի անունով Երևանի մշակույթի պետական քոլեջն անվանակոչելու հարցն աչքաթող չի արվել. ԿԳՄՍՆ պարզաբանումը

Ուրախ լուր լոռեցիների համար. Վանաձոր բ/կ-ում բացվել է ինվազիվ սրտաբանական բաժանմունք (լուսանկարներ)

«Արարատ-Արմենիան» չիրացրեց մի շարք պահեր. հաղթեց ընդամենը 2։0

Սեւանա լճի վերականգնման համալիր ծրագրի առաջարկ՝ ուղղված վարչապետին

ԵՊԲՀ գիտնականները խոշոր դրամաշնորհ են շահել