Գյումրեցի զինվոր Գեւորգ Հարոյանի ընտանիքը բացառում է ինքնասպանությունը, ասում են տղային ծեծել, հետո սպանել են

Հոկտեմբերի 2-ին ՀՀ Զինվորական քննչական վարչության տարածած հաղորդագրության համաձայն` հոկտեմբերի 1-ին, ժամը 10:50-ի սահմաններում, Արցախի N զորամասի պարտադիր ժամկետային զինծառայող, շարքային Գևորգ Սուրենի Հարոյանը, վաշտի զինանոցում ինքն իրեն կրծքավանդակի շրջանում հասցրել է հրազենային վիրավորում, տեղափոխվել զինվորական հոսպիտալ, որտեղ նույն օրը՝ ժամը 15:05-ի սահմաններում, գրանցվել է նրա կենսաբանական մահը: Դեպքի առթիվ առաջին կայազորային քննչական բաժնում՝ ՀՀ քրեական օրենսգրքի 110-րդ հոդվածի 1-ին մասով հարուցվել է քրեական գործ, կատարվում է նախաքննություն: Սա պաշտոնական հաղորդագրությունն է, որում տեղ գտած ձեւակերպման, մասնավորապես՝ ինքն իրեն վնասվածք հասցնելու հետ գյումրեցի զինվորի ծնողները համաձայն չեն: Նրանց պնդմամբ` զինվոր Գեւորգ Հարոյանին նախ դաժանաբար ծեծել, հետո՝ սպանել են: Մայրն ասում է` Մարտունիում դատախազությունից ասել են` կրակոցն եղել է 2 մետրից: «Այդ դեպքում ինչպե՞ս կարող էր տղան 2 մետրից կրակել ինքն իրեն եւ մահացու վիրավորում ստանար»,-հարցնում է Արմինե Հարոյանը:Գեւորգ Հարոյանի հորեղբայրը՝ Հարություն Հարոյանը, ՀԺ-ի հետ զրույցում պատմեց, որ անձամբ է ներկա եղել տղայի դիահերձմանը, ուստի պնդում է, որ տղան ինքնավնասում կամ ինքնասպանություն չէր կարող գործել: «Գեւորգը ծառայում էր Մարտունի 2-ում, 13-րդ վաշտում: Դա զորմասին հատուկ վաշտ չի եղել, գազանանոց է եղել էդ 13-րդ վաշտը: Ինձ ասել են՝ հենց զորամասի մեջ է եղել դեպքը: Ինքը ընդամենը 2 ամիս է ծառայել, 2 ամսվա զինծառայողն իմ իմանալով զենքի հետ չպետք է գործ ունենար: Դեպքը կատարվել է օրը ցերեկով, ինչպե՞ս կարող է զորամասում դեպքը կատարվի ու վկաներ չլինեն, եթե ինքն է կրակել, ո՞վ է թույլ տվել, որ զենքին մոտենա: Ես դին տեսել եմ, հեռավորությունից է կրակած, ինքնասպան լինողը զենքը կկպցնի իր մարմնին, կրակելիս 4 կողմը կլոր պետք է այրվի, չէ՞: Իսկ ես տեսել եմ մի փոքր անցք, տակը մի թեթեւ այրվածք»:Գեւորգի մայրը՝ Արմինե Հարոյանը, եւս պնդում է, որ իր որդին ինքնասպան չի եղել: Դեպքից մեկ օր առաջ է որդուն տեսել, տղան էր զանգել, խնդրել, որ մայրն այցելի:  Լուսանկարում մահացած գյումրեցի զինվոր Գեւորգ Հարոյանի մայրն է՝ Արմինե Հարոյանը

«Ես պետք է ամսի 4-ին գնայի, (նկատի ունի հոկտեմբերի 4-ը), ասեցի՝ Գեւորգ ջան, ամսի 4-ին, 5-ին աշխատավարձ կստանամ, կգամ էլի, ասեց՝ մամա ջան, արի էլի, մամա ջան: Ըտենց որ ասեց, էլ աչքիս հեչ բան չերեւաց, գիշերվա 11-ին տաքսի եմ պատվիրել, զանգել եղբորս: Ասի՝ գալիս եմ Մասիս, տաքսի բռնի, որ գնանք Գեւորի մոտ: Առավոտ 8-ին հասանք ու գնացի վաշտ: Գեւորս եկավ՝ մի հին շոր հագը, առանց մայկի, աչքի վերեւը կապտած, ինքն էլ ճնշված ահավոր: Ասեցի՝ Գեւորգ ջան, սապոկներդ գողացել են, հասկացանք, բա շորդ ի՞նչ եղավ: Ասում ա՝ շորս էլ են գողացել»,-պատմեց տիկին Արմինեն:

«Եկավ ոնց որ որբ լիներ, նիհարած, աս՝ի Գեւորգ ջան, էդ ի՞չ ա պատահալ: Ասավ՝ էստեղ բանտ է՝ բաց երկնքի տակ: Շատ տխուր էր խոխաս, ասում եմ՝ Գեւոր ջան, յանի էդքան բանեցնու՞մ են, որ նիհարել ես, ասավ՝ բա ի՞նչ են անում, ինչ ասում են, անում ենք»,-ՀԺ-ին պատմեց Գեւորգի տատիկը՝ Նինա Բեգլարյանը:

Լուսանկարում մահացած գյումրեցի զինվոր Գեւորգ Հարոյանի տատն է՝ Նինա Բեգլարյանը

Տղային տատիկի հետ թողել, գնացել, զինվորական նոր հագուստ է գնել եւ անհրաժեշտ այլ պարագաներ, վերադարձել վաշտ: Հագուստը փոխելու պահին մայրը տղայի գլխին եւս սպի է նկատել:

«Ասեցի՝ Գեւորգ ջան, աչքդ հասկացանք, ասում ես ընկել ես, բա գլխինդ ի՞նչ է: Ասեց՝ դե խրամատների մեջ ենք մտնում, ընկել եմ: Ասեցի՝ Գեւոր ջան, մի սուտ ասա, աչքիդ կապտուկը ծեծի բան է, խրամատի բան չի: Բայց բան չասեց: Մենակ ասաց, թե մամա ջան ես ոչ մի բանից չեմ բողոքում, սնունդը լավ է, բայց ինձ տարեք էս վաշտից: Ասեց՝ մամ ջան, ըսոնց հախից մենակ գեներալը կարող է գալ: Ղարաբաղի գեներալը՝ Կարապետյան Սամվելը»:

Հետո եկել, Գեւորգին կանչել են: Արմինեն ասում է՝ եկողի ազգանունը Միրզոյան էր: «Ասեց՝ կես ժամ ենք ժամանակ տվել Գեւորգին»: Տիկին Արմինեն էլ խնդրել է, որ մի քիչ ավել տեսակցություն թույլ տան, քանի որ Գյումրիից է հասել Մարտունի:

«Դե, ասաց, թող մինչեւ իրիկուն մնա: Ասի՝ ինձ պետք չէ մինչեւ 8-ը, մինչեւ 1 անց կես, որ ետ դառնանք Ստեփանակերտ: Երբ որ եկան ասին՝ Գեւորգ բա խի՞ չես գալիս, երեխաս ոնց որ սարսափեր, ասաց՝ պարոն Միրզոյան գալիս եմ, գալիս»,-հիշեց Գեւորգի մայրը:

Գեւորգը երբեք ծառայությունից չի բողոքել, սակայն մեկի անունն այնուամենայնիվ տվել է: Ասել է, որ զինվորներին եւ հատկապես իրեն նսեմացնում է: Այս մասին Գեւորգի տատը բարձրաձայնեց:

«Լեննականցի Լուկաշ, անունը տվեց, չգիտեմ անունն է, թե կլիչկա է, ասեց՝ լեննականցի Լուկաշ: Նսեմացնում ա, հաց ուտելիս հանգիստ չէր թողնում: 80 հոգու միջին, նստի, վեր կաց, նստի, վեր կաց, իրանց հենց անմիջապես աֆիցերն էր, իրանց վերահսկող աֆիցերը, լեննականցի Լուկաշ անունով: Ասում ա՝ տատի, հլը մի թիքա հաց չեմ դրել բերանս, ասում ա՝ վեր կաց, մինչեւ կանգնում եմ, թե բա՝ նստի: էդ սվոլոչը էնքան չարչարել ա, երեխայի ներվերը կերել ա, դե ինքն էլ երեւի տղաներին ասել ա, իրանց միջին էլ խաբար բերող տանող ա իլել Լուկաշին, նա էլ գնացել դրան մի բան ասել ա, ծեծել են երեխային երեւի, որովհետեւ ցարապինա կար, աչքն էլ կապուտ էր: Մենք կիրակի գնացինք Գեւորգին տեսանք, սեպտեմբերի 30-ին, իրան խփեցին հոկտեմբերի 1-ին»,-ասաց Նինա տատը:

Ստեփանակերտցի տատը եւս պնդում է, որ թոռանը սպանել են, ասում է՝ գնդակը մարմնի մեջ է մնացած եղել, հիվանդանոցում են հեռացրել: «Ես կյանք տեսած մեծ կնիկ եմ, ես ամեն ինչ եմ տեսել, Բաբայան Սամվելի ժամանակ  կրակել են մեր հարեւանի փեսու ճակատիցը, գլխի հետեւից դուրս ա եկել: Իսկ Գեւորգին ավտոմատով կրակել են, թոքի արանքով թեք ա գնացել, էդ պուլյան դուրս չի եկել: Բժիշկներն ուզել են վզից բան դնեն, շնչառությունն ապահովեն, չի ստացվել: Բայց ստեղ ականջին սկոպկա կա, ականջն էլ ուռած է (ցույց է տալիս ականջի հետեւի հատվածը): Սկոպկան դրել են, որ էդ ճեղքվածքը փակեն: Ծեծել են, նոր են սպանել»,-պնդեց տիկին Նինան:Գեւորգի հորեղբայրը մեր հետ զրույցում ասաց, որ Մարտունիում իր բազմաթիվ հարցերը մնացել են անպատասխան: Հիմա սպասում են դատական կարգով նշանակված հետաքննությունների վերջնական արդյունքներին եւ եզրակացություններին: Բացառելով ինքնասպանությունը կամ ինքնավնասումը, Հարոյանները պահանջում են գործի բացահայտում:

«Ինքնասպանությունը բացառված է, բայց ինչպես ընդունված է եղել մեր երկրում, միշտ նման հարցերը սահմանափակվել են ինքնասպանության վարկածն առաջ տանելով: Գեւորգն ինքնասպան չի եղել եւ համապատասխան մարմինները չփորձեն նմանատիպ վարկածներով, արագ տեմպերով այս հարցը եզրափակեն: Մենք սպասում ենք եզրակացության արդյունքներին, դրանից հետո նոր մեր հետագա գործողությունների մասին կմտածենք»,-ասաց Հարություն Հարոյանը:

Տպել
12690 դիտում

Արարատի մարզի Նոյակերտի տարածքում ապօրինի որսի դեպք է հայտնաբերվել. որսացել են 4 հատ լոր

«Ռեալը» խոշոր հաշվով պարտվեց ՊՍԺ-ին, «Ատլետիկոն» «Յուվեին» թույլ չտվեց հաղթել (տեսանյութ)

Անկախության օրվա կապակցությամբ փոխվում են Երևան-Գյումրի-Երևան էլեկտրագնացքների՝ սեպտեմբերի 21-ի չվացուցակները

Էրեբունու համայնքային ոստիկանները բացահայտեցին հացատանը կատարված գողությունը (տեսանյութ)

Վթար Գյումրի քաղաքում. տուժածի վիճակը գնահատվել է միջին ծանրության

1 օրում բացահայտվել է հանցագործության 80 դեպք, որոնցից 4-ը՝ նախկինում կատարված

Էլեկտրաէներգիայի անջատումներ՝ Երևանում և 7 մարզում

Ակնկալում ենք ավելի շատ լատվիական ներդրումներ Հայաստանում. Զոհրաբ Մնացականյան

Խոշոր հրդեհ և պայթյուն Ստամբուլի գործարաններից մեկում. կան տուժածներ (տեսանյութ)

ՀՀ ԱԳ նախարարը հանդիպել է Լատվիայի Սաեյմայի խոսնակի և Լատվիա - Հայաստան բարեկամական խմբի անդամների հետ

Որոշ կոռուպցիոներներ մտածել են, թե ԱԱԾ-ում խառն են, և իրենք կարող են այս ընթացքում մութ գործերը կարգավորել. վարչապետ

Շղթայական ավտովթար Երևանում. բախվել են BMW-ն, Honda-ն և Opel-ը. կա վիրավոր

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը