ՀՀԿ-ականները հայտարարում են, որ ընտրությունները 22 թվականին պետք է լինեն, սա ոչ կառուցողական է. Փաշինյան

Քիչ առաջ ավարտվեց վարչապետ Նիկոլ Փաշինյանի եւ ՀՀ խմբակցության ղեկավար Վահրամ Բաղդասարյանի հանդիպումը: Նիկոլ Փաշինյանը լրագրողների հետ զրույցում ասաց, որ սա առաջին շփումն էր արտահերթ խորհրդարանական ընտրությունների թեմայով: «Մենք մտքեր փոխանակեցինք հարցի վերաբերյալ եւ պայմանավորվեցինք, որ բանակցային գործընթաց սկսվի: Մենք կարծում ենք, որ հնարավորինս արագ պետք է տեղի ունենան ընտրություններ, երկու-երեք ամսվա ընթացքում»,-ասաց նա:

Վարչապետը նշեց, որ ինքը հայտնում է իրենց դիրքորոշումը, իսկ ՀՀԿ-ն կհայտնի իր դիրքորոշումը: «Մի փաստարկ կա, որ մամուլում եւս շրջանառվում է, թե խորհրդարանում կարող է նույն արդյունքը լինի, ինչպես ավագանու ընտրություններին եւ 80 տոկոս ձայն հավաքեն եւ նույն պատկերը կարող է լինել: Այդպիսի բան չի կարող լինել, քանի որ Սամանադրությամբ մեկ երրորդը պետք է լինի ընդդիմադիր, այսինքն, ինչ արդյունք էլ գրանցվի, ապագա խորհրդարանաում ընդդիմության ներկայացվածությանը պակաս չի լինի, քան այսօր է, բայց փոխարենը կունենա մեծամասնություն եւ կկարողանա զբաղվել երկրի օրակարգի հարցերով»,-ասաց նա եւ նշեց, որ կունենան լեգիտիմ իշխանություն եւ լեգիտիմ փոքրամասնություն: «Եթե նույնիսկ երկրորդ քաղաքական ուժը հինգ տոկոս հավաքի, բոնուսով լինելու է ԱԺ մեկ երրորդի չափով եւ ունենալու է երաշխիքներ: Այսօր գրոծող կարգավորումները երաշխավորում են, որ ԱԺ մեկ երրորդը պետք է ընդդիմադիր լինի, դա նշանակում է՝ 31 հոգի ընդդիմադիր լինի»,-ասաց նա:

Նիկոլ Փաշինյանն ասաց, որ այս պահին Հանրապետականները, ըստ էության, հրապարակային հայտարարում են, որ խորհրդարանական ընտրությունները 2022 թվականին պետք է տեղի ունենան եւ ըստ նրա՝ դա ոչ կառուցողական մոտեցում է:

«Այս պահին հանրապետականներն, ըստ էության, մեծ հաշվով հրապարակային հայտարարում են, որ խորհրդարանական ընտրությունները պետք է 2022 թվականին տեղի ունենան, եւ ես ասում եմ, որ դա ոչ կառուցողական դիրքորոշում է, որովհետեւ քաղաքական պրոցեսների արդյունքում բնականորեն ամեն ինչ հանգել է նրան, որ այսօր ՀՀ քաղաքացիների համար թիվ մեկ օրակարգային հարցը խորհրդարանական արտահերթ ընտրություններն են: Մինչեւ դա չլուծվի, ոչ մի ուրիշ հարց երկրում չի լուծվելու, որովհետեւ բոլորը շունչները պահած սպասում են արտահերթ խորհրդարանական ընտրություններին, եւ եթե որեւէ քաղաքական ուժ դիմադրում է այս պրոցեսին, նշանակում է, որ ցանկանում է ժողովուրդը շունչը պահած շարունակի մնա»,- ասաց վարչապետը:

Նիկոլ Փաշինյանը նշեց, որ հանդիպումից գոհ ու դժգոհի խնդիր չկա: Վարչապետն ասաց, որ բոլոր խմբակցությունների ղեկավարների հետ հանդիպելու է եւ ըստ անհրաժեշտության արտախորհրդարանական ուժերի հետ եւս կհանդիպեն:

«Երկու տարբերակ կա, մեկն այն է, որ Սահմանադրական փոփոխություններ ենք ընդունում, մյուսը այն է, որ համաձայնություն ենք ստորագրում, որ այսինչ օրը վարչապետը հրաժարական է տալիս, քաղաքական ուժերը երկու անգամ վարչապետի թեկնածու չեն առաջադրում եւ տեղի են ունենում արտահերթ խորհրդարանական ընտրություններ»,-ասաց նա եւ նշեց, որ երկու տարբերակներն էլ իրենց առավելությունները եւ ռիսկերը ունեն: Նա ասաց, որ հիմա հնարավոր չէ իրենց հետ կայացրած որեւէ պայմանավորվածություն խախտել, քանի որ վստահությունը ժողովուրդն է:

Տպել
7503 դիտում

Հանկարծամահ է եղել հայտնի լուսանկարիչ Գերման Ավագյանը

Հրդեհ Արարատի մարզի Սիփանիկ գյուղում

Իսրայելը Գոլանի բարձունքներից հրթիռներ է արձակել Դամասկոսի ուղղությամբ

Լարսը բաց է բոլոր տեսակի տրանսպորտային միջոցների համար. կուտակված մոտ 1000 բեռնատար կա

Վիրահայոց թեմը հրավիրում է հարիսա ուտելու

Դովեղ գյուղում այրվել է խոտածածկ տարածք եւ խաղողի այգի

Լեռնային Ղարաբաղը չի կարող զիջել իր անվտանգությունը. վարչապետը հրապարակել է «Մյունխենյան սկզբունքներ»-ը

Ինչո՞ւ քաղաքական ուժերը խուսափեցին «Ոչ»-ի պատասխանատվությունից

Կորոնավիրուսի կասկածանքով Ադրբեջանում 2 երիտասարդի են հոսպիտալացրել

ՀՀ տարածքում շարունակվում են փակ և դժվարանցանելի մնալ ավտոճանապարհներ

Արագածոտնում 9 դպրոցականների վիճաբանությունն ավարտվել է դանակահարությամբ. 16-ամյա տղան հիվանդանոցում է

ԵԽ-ն կարգապահական տույժի է ենթարկել Թուրքիայի դրոշը պատռած հույն պատգամավորին

Վանաձորում թալանել են տեղի հայտնի անհատ ձեռներեցի բնակարանը՝ տանելով 20 000 դոլարի ոսկյա զարդեր և խոշոր գումար

Սարի թաղ տանող ճանապարհի սկզբնամասում տեղի էր ունեցել քարաթափում

Զոհրաբ Մնացականյանը հանդիպել է Ղազախստանի ԱԳ նախարար Մուխտար Թլեուբերդիի հետ

Արմեն Սարգսյանը շնորհավորական ուղերձ է հղել Լիտվայի նախագահին՝ Անկախության օրվա կապակցությամբ

ԱԳ նախարար Զոհրաբ Մնացականյանը հանդիպել է Կիպրոսի ԱԳ նախարար Նիկոս Խրիստոդուլիդեսի հետ

Առաջիկա օրերին կտաքանա 5-7 աստիճանով, որոշ շրջաններում ձյուն կտեղա

Զոհրաբ Մնացականյանի հանդիպումը Մալթայի արտաքին գործերի և եվրոպական հարցերով նախարար Էվարիստ Բարտոլոյի հետ

Բանակն ու օրենքի առջեւ բոլորի հավասարության սկզբունքը