ԱԺ-ում վստահելի իրավիճակ չունենք, այսօրվանից խորհրդարանական ուժերի հետ աշխատանքային քննարկումներ կունենամ. վարչապետ

Սահմանամերձ Երասխ, Վահան, Ճամբարակ, Խաչիկ, Խնձորուտ, Նոր Բազմաբերդ, Ոսկեվան, Ներքին Կարմիր աղբյուր, Վազաշեն, Չինարի, Մովսես, Պառավաքար, Բարեկամավան, Կոթի, Բաղավան, Վերին Կարմիրաղբյուր, Կողբ, Արծվաբերդ, Ծաղկավան, Այգեձոր, Այգեպար, Այգեհովիտ եւ այլ համայնքների բնակիչներն աշնանացան ցանքատարածությունների համար կստանան 60 հազար դրամ օգնություն՝ 1 հեկտարի համար: Այս մասին այսօր ֆեյսբուքյան ուղիղ եթերի ժամանակ ասաց վարչապետ Նիկոլ Փաշինյանը:

«Այն գյուղացիները, ովքեր կիրականացնեն աշնանացան, խոսքը ցորենի, գարու եւ կերային մշակաբույսերի աշնանացանի մասին է, այս մշակաբույսերի 1 հա իրականացրած ցանքի համար կստանան 60 000 դրամ սուբսիդիա՝ որպես աջակցություն: Ընդ որում, 1-7 հա կատարված ցանքի մասին է խոսքը: Համայնքների հողատարածքներից կիրականացնեն աշնանացան, 1 հա համար կստանան աջակցություն»,- ասաց նա՝ հավելելով. «Սա մեր քաղաքականության շրջանակներում է, երբ ասում ենք, որ պետք է քաջալերենք աշխատանքը ՀՀ-ում»:

Նիկոլ Փաշինյանի խոսքով՝ նախատեսվում են բարեփոխումներ նաեւ այլ ոլորտներում, ծրագրում են կրճատել ծառայողական մեքենաների թիվը, բարձրացնել պետական կառավարման արդյունավետությունը, բարեփոխումներ անել ոստիկանության, պետավտոտեսչության եւ այլ ոլորտներում:

«Մենք քայլ-քայլ, շատ կոնկրետ պետք է առաջ գնանք: Մեր նպատակը պետք է լինի Հայաստանի Հանրապետությունը արդյունաբերական երկիր դարձնելը եւ պետական կառավարման մակարդակը բարձրացնելը»,- ասաց նա:

Ըստ վարչապետի՝ Հեղափոխությունն արեցին ոչ թե քաղաքական առաջնորդները, այլ արեց ժողովուրդը: «Մեր դերակատարումն այն էր, որ ստեղծեցինք դաշտ՝ այդ հեղափոխությունն անելու: Նույնը մենք ցանկանում ենք անել տնտեսության մեջ: Մենք պետք է ստեղծենք բոլորի համար հավասար պայմաններ, որ իրենց հնարավորությունների, իրենց տաղանդի շրջանակներում իրականացնեն իրենց ծրագրերը»,- ասաց նա՝ նշելով, որ այս համատեքստում է կարեւորում արտահերթ խորհրդարանական ընտրությունների անցկացումը:

«Ես այսօրվանից խորհրդարանական ուժերի հետ աշխատանքային քննարկումներ կունենամ, հետո կանցնեմ պաշտոնականի, չնայած դրանց մեջ տարբերություն չկա, որովհետեւ գիտենք, թե ինչի մասին է լինելու: Քննարկելու ենք, թե ինչպես, ինչ կարգով շուտափույթ դիմենք խորհրդարանական ընտրությունների: Ես հույս ունեմ, որ քաղաքական ուժերի հետ կարող ենք համաձայնության գալ եւ քաղաքացիներին դիմելու անհրաժեշտություն չի լինի: Վերջին ամիսները ցույց տվեցին, որ խորհրդարանում վստահելի իրավիճակ չունենք»:

Տպել
2585 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան