Փաստարկները օդից բերված չէին, պետք է փորձենք տարբերակներ գտնել. գյուղնախարար

Վրաստանի կառավարության որոշմամբ՝ սեպտեմբերի 15-ից պետք է արգելվեր ցամաքային ճանապարհով ցորենի ներկրումը Հայաստան։ Վրացական կողմը, սակայն Հայաստանի համար որոշակի զիջման գնաց, եւ ժամկետը երկարացրեց մինչեւ հոկտեմբերի 1-ը: ՀՀ գյուղատնտեսության նախարար Արթուր Խաչատրյանը ՀԺ-ին տեղեկացրել էր, որ սեպտեմբերի 18-19-ին լինելու է Վրաստանում եւ բանակցություններ է ունենալու նաեւ այդ հարցի շուրջ: Սեպտեմբերի 19-ին Վրաստանի ֆինանսների նախարար Իվանե Մաճավարիանիի որոշմամբ՝ ավտոտրանսպորտային միջոցներով ցորենի եւ ալյուրի ներմուծման-արտահանման արգելքի որոշման ուժի մեջ մտնելու ժամկետը երկարաձգվել էր մինչեւ այս տարվա վերջը։ Իսկ դրա հաջորդ օրը` սեպտեմբերի 20-ին, որոշում է կայացվել այդ ժամկետը երկարաձգել մինչեւ 2019 թվականի հոկտեմբեր: 

«Ի թիվս այլ խնդիրների, մենք հույս հայտնեցինք, որ հաշվի կառնեն ռիսկերը, որոնք կարող են առաջանալ, եթե այդ որոշումը ուժի մեջ մտնի»,- այս մասին մեր զրույցում ասաց ՀՀ գյուղատնտեսության նախարար Արթուր Խաչատրյանը:

- Պարոն Խաչատրյան, սեպտեմբերի 20-ին տեղեկություն տարածվեց, որ Վրաստանը մեկ տարով երկարաձգել է ցորենի եւ ալյուրի ներմուծման եւ արտահանման արգելքի որոշման ուժի մեջ մտնելու ժամկետը: Ինչպե՞ս փոխվեց որոշումը:

- Մեր այցի նպատակը, իհարկե, այլ է եղել, բայց քննարկվել է նաեւ այս խնդիրը եւ մենք ներկայացրել ենք, թե ինչ ռիսկերով է այդ որոշումը հղի, ինչ հետեւանքներ կարող է ունենալ ՀՀ գյուղատնտեսության վրա եւ ակնկալել ենք բարեկամական երկրից` բարեկամական քայլ:

Իհարկե, այս քայլի հետեւում կոնկրետ Վրաստանի ֆինանսների նախարարությունն էր, իսկ մեր մոտից հիմնականում բանակցում էր տրանսպորտի նախարարությունը: Ստեղծվել էր միջգերատեսչական հանձնաժողով, որտեղ նաեւ մենք մեր ներկայացուցիչն ունեինք, բայց քանի որ այցով գտնվում էինք Վրաստանում, հանդիպում ունեցանք նախարարի եւ սննդի անվտանգության ղեկավարի հետ եւ ի թիվս այլ խնդիրների՝ մենք հույս հայտնեցինք, որ հաշվի կառնեն ռիսկերը, որոնք կարող են առաջանալ, եթե այդ որոշումը մտնի ուժի մեջ:

- Հնարավո՞ր է արգելքը առհասարակ չեղարկվի, թե 1 տարում պետք է հայկական կողմը տարբերակներ գտնի:

- Վստահ եմ, որ պետք է փորձենք տարբերակներ գտնել, որովհետեւ փաստարկները, որ վրացական կողմը ներկայացնում է, օդից բերված փաստարկներ չեն եւ իրականում մտահոգվելու տեղ ունեն: Այնպես որ, պետք է փորձենք այդ տրված ժամանակից օգտվել եւ տարբերակներ գտնել:

Տպել
7943 դիտում

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Յուրի Ջորկաեֆը հոկտեմբերի 6-ից 9-ը որպես ՖԻՖԱ-ի հիմնադրամի տնօրեն կայցելի Հայաստան. վարչապետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան

ԵՄ-ն շարունակելու է լայն աջակցության ցուցաբերել Հայաստանին. Եվրոպական հանձնաժողովի ներկայացուցիչը՝ Տ. Ավինյանին

Հայ ծանրորդները վաղվանից սկսում են պայքարն աշխարհի առաջնությունում

Երրորդմասցի Լյովիկի եւ նրա ընկերների սպանության գործով Գաստիկի, Ծըգլի եւ Տլեի պատիժը խստացվեց. 18-ից դարձավ 21

Ես հիմա ո՞ւմ գնամ-խնդրեմ՝ երաշխավորի․ դատարանը Սեյրան Օհանյանին թույլատրեց բուժման նպատակով բացակայել երկրից

ԱԱԾ տնօրենը հայտարարություն է արել իր հրամանատարի դեմ, այդ պահին նա դեռ ԱԱԾ ղեկավարն էր. Արտակ Գալստյան