Արա Սաղաթելյանը մասնակցել է ԱԳ երկրների խորհրդարանների գլխավոր քարտուղարների աշխատանքային հանդիպմանը

Սեպտեմբերի 24-25-ին Թբիլիսիում տեղի է ունեցել Արեւելյան գործընկերության երկրների խորհրդարանների գլխավոր քարտուղարների աշխատանքային հանդիպումը, որին ներկա է եղել ՀՀ ԱԺ աշխատակազմի ղեկավար-գլխավոր քարտուղար Արա Սաղաթելյանը:

Ինչպես հայտնում են ԱԺ-ի մամուլի ծառայությունից, հանդիպմանը մասնակցել են Արեւելյան գործընկերության անդամ երկրների՝ Մոլդովայի, Վրաստանի, Ուկրաինայի, Ադրբեջանի եւ Բելառուսի խորհրդարանների, ինչպես նաեւ Գերմանիայի Բունդեսթագի ներկայացուցիչներ:

Քննարկվել են անդամ երկրների խորհրդարանների աշխատակազմերի միջեւ համագործակցության ընդլայնմանը, փորձի փոխանակմանը, մասնագիտական կարողությունների զարգացմանը միտված նախաձեռնություններին, տարածաշրջանային եւ միջազգային հարթակներում խորհրդարանական համագործակցության առաջմղմանը, համատեղ ծրագրերի իրականացմանը վերաբերող հարցեր:

Ողջույնի խոսքով հանդես է եկել Վրաստանի խորհրդարանի նախագահ Իրակլի Կոբախիձեն՝ նշելով, որ հանդիպումը լավագույն հնարավորություն է Արեւելյան գործընկերության երկրների խորհրդարանների գլխավոր քարտուղարների համար՝ մտքերի փոխանակման, կապերի ամրապնդման եւ փորձի փոխանակման տեսանկյունից: Նրա համոզմամբ՝ այն իր նպաստը կբերի ժողովրդավարական գործընթացների զարգացմանը: Իրակլի Կոբախիձեն ներկայացրել է նաեւ «Բաց կառավարման գործընկերություն» (OGP) նախաձեռնության շրջանակում իրականացվող աշխատանքները, տեղեկացրել, որ կա արդյունավետ համագործակցություն Գերմանիայի միջազգային համագործակցության ընկերակցության (GIZ) ու Գերմանիայի Բունդեսթագի հետ: Վրաստանի խորհրդարանի ղեկավարն անդրադարձել է նաեւ խորհրդարանի կարողությունների զարգացմանն ուղղված նախաձեռնություններին՝ այդ ուղղությամբ բարեկամ երկրների խորհրդարանների հետ արդյունավետ համագործակցելու պատրաստակամություն հայտնելով:

Վրաստանի խորհրդարանի գլխավոր քարտուղար Գիվի Միկանաձեն, ողջունելով հյուրերին, վստահություն է հայտնել, որ աշխատանքային նման ձեւաչափը կնպաստի անդամ պետությունների խորհրդարանների համագործակցության խթանմանը:

Գերմանիայի Դաշնային Հանրապետության Բունդեսթագի գլխավոր քարտուղարի տեղակալ Ուլրիխ Շյոլերը նշել է, որ իրենք աջակցում են տարածաշրջանի երկրներում մի շարք ծրագրերի իրականացմանը: Նա կարեւորել է քաղաքական երկխոսությունն անդամ երկրների խորհրդարանների գլխավոր քարտուղարների միջեւ՝ համոզմունք հայտնելով, որ հանդիպումն իր հերթին կհանգեցնի տարածաշրջանային համագործակցության ամրապնդմանը:

Վրաստանում Գերմանիայի դեսպանության Հարավային Կովկասի համագործակցության զարգացման բաժնի ղեկավար Դանիել Հաասն անդրադարձել է հանրային կառավարման ոլորտում իրականացվող բարեփոխումներին, ազգային օրենսդրությունների ներդաշնակեցման գործընթացներին՝ այս հարցում Արեւելյան գործընկերության մի շարք երկրների շարքում վկայակոչելով նաեւ Հայաստանի օրինակը:

Ելույթ է ունեցել նաեւ ՀՀ ԱԺ աշխատակազմի ղեկավար-գլխավոր քարտուղար Արա Սաղաթելյանը՝ անդրադառնալով Արեւելյան գործընկերության երկրների խորհրդարանների աշխատակազմերի երկարատեւ համագործակցության հնարավորություններին, մեր երկրի խորհրդարանի աշխատակազմի կարողությունների զարգացմանն ուղղված նախաձեռնություններին:

Հանդիպման ավարտին ստորագրվել է փոխըմբռնման հուշագիր, որը հաստատում է կողմերի՝ համագործակցելու ու փորձի փոխանակման ցանց ստեղծելու պատրաստակամությունը: Որոշվել են նաեւ հաջորդ հանդիպումների ձեւաչափերը, տեղը, քննարկվող թեմաները:

Տպել
1390 դիտում

ՀՀ պաշտպանության նախարարը հանդիպել է ՀԱՊԿ գլխավոր քարտուղարին

Հերիք է, այդ մարդիկ պետք է թողնեն գնան ու զբաղվեն ուրիշ գործով, կարող են ընդդիմադիր գործունեություն ծավալել. Փաշինյան

Պողոս Պողոսյանի սպանության գործով դատապարտված Աղամալ Հարությունյանը դատարանում է. քննվում է գործի վերաբացման հարցը

2020-ի հունվարի 1-ից նախատեսված մաքսատուրքերի բարձրացումը կհետաձգվի մեկ տարով՝ բացառությամբ ավտոմեքենաների

Երևանի Բուզանդի փողոցում գտնվող պետական սեփականության գույքը գնահատվել և օտարվել է հանցավոր խախտումներով. դատախազություն

Ատելության խոսքը խոսքի ազատություն չէ․ ԱԺ հանձնաժողովը քննարկում է բռնության կոչերը քրեականացնելու նախագիծը

Լոռու մարզում մարտի 2-ից 3-ը 24-ժամյա ջրանջատում է սպասվում

Կառավարությունն արգելեց փայտանյութի արտահանումը ԵԱՏՄ սահմաններից դուրս

Մենք 42 միլիարդ դրամ վերադարձրել ենք բիզնես, եւ բիզնեսից ազդակներ են գալիս, թե «որտե՞ղ եք ուզում մեզ գցել». վարչապետ

Արգելափակումից դուրս են բերվել ավտոմեքենաներ Գեղարքունիքում ու Կոտայքում

ՁԻԱՀ-ի կանխարգելման կենտրոնի աշխատակիցները բողոքի ցույց են անում կառավարության դիմաց. դեմ են միավորմանը

Վարչապետը հավաստիացրեց, որ եթե ինչ-որ անհանգստացնող տեղեկություն լինի կորոնավիրուսի վերաբերյալ, այն կհանրայնացվի

Կառավարությունը արտոնություն տվեց կրակայրիչներ արտադրող ընկերությանը. կստեղծվի 15 նոր աշխատատեղ

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանն ազատվեց զբաղեցրած պաշտոնից

ՏՄՊՊՀ նախագահ Գեղամ Գևորգյանը մեկնել է Մոսկվա

2019-ի 4-րդ եռամսյակում 205 սիրիահայի անձնագիր է տրվել եւ տուրք չի գանձվել

Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն

Մեկնարկել է ՀՀ կառավարության հերթական նիստը. օրակարգում ներառված է 36 հարց

Կրակային պատրաստության գործնական պարապմունք է անցկացվել 4-րդ զորամիավորման զորամասերից մեկում