Կբարեկարգվի Տավուշի մարզի սահմանամերձ Մովսես գյուղ տանող ճանապարհը. Սուրեն Պապիկյան

Համայնքներում վարչական եւ իրավական վերահսկողության շրջանակներում մի շարք խնդիրներ են ի հայտ եկել, որոնք պարունակել են անգամ քրեական ասպեկտներ: Այս հարցերով մենք դիմել ենք գլխավոր դատախազին: Այս մասին այսօր լրագրողների հետ հանդիպմանը հայտարարեց տարածքային կառավարման եւ զարգացման նախարար Սուրեն Պապիկյանը՝ անդրադառնալով համայնքային խնդիրներին:

Նախարարությունն այս կոնտեքստում առաջնային է համարում այն, որ արտերկրում ապրող պոտենցիալ ներդրողն իմանա համայնքներում առկա հնարավորությունների մասին: Սրա համար նախարարությունը նախաձեռնել է ստեղծել ներդրումների օնլայն հարթակ.

«Կարեւորում ենք համայնքների ունեցած ռեսուրսների եւ մասնավորապես հողերի, դրանց աճուրդի ներկայացնելը եւ մասնակցությունն ավելի ընդգրկուն ֆորմատով հանրային դարձնելը: Այս կոնտեքստում փորձում ենք մշակել հարթակ, որ համայնքները ներկայացնեն օտարման ենթակա գույքը, հողերը, իսկ արտասահմանում գտնվողների համար պարզ լինեն համայնքի հնարավորությունները»,- ասաց նախարարը:

Սուրեն Պապիկյանն ասուլիսի ժամանակ ասաց, որ վարչապետի հրամանով Տարածքային կառավարման և զարգացման նախարարությունում ձևավորված աշխատանքային խումբը տարբեր համայնքների բնակիչների կողմից մայիս-սեպտեմբեր ամիսներին ստացել է 1500 դիմում, որոնց 30 տոկոսն արդեն լուծվել է: Նախարարի խոսքով՝ դիմումները վերաբերել են տարբեր ոլորտների: Նա նաեւ ասաց, որ իր նախարար նշանակվելուց ի վեր այցեր է կատարել արդեն հինգ մարզեր, հատկապես ուշադրություն է դարձրել խոշորացված կամ խոշորացվող համայնքներին: Սուրեն Պապիկյանը շեշտեց, որ բացի ներհայաստանյան այցերից, պաշտոնական այցով մեկնել է նաեւ Ռուսաստան, իսկ արդեն նոյեմբերին մասնակցելու է Եվրոպայի խորհրդի տեղական և տարածքային իշխանությունների կոնգրեսի 35-րդ նստաշրջանին:

Ինչ վերաբերում է համայնքների խոշորացմանը՝ Պապիկյանն ասաց, որ ինքն անձամբ դրական է տրամադրված այս հարցի վերաբերյալ, սակայն խոշորացումը պարտադրանք չպիտի լինի: Նախարարի խոսքով՝ նախկին իշխանությունների օրոք համայնքները խոշորացվել են զուտ քաղաքական նպատակահարմարության համար. «Բայց դրանք պետք է բխեն միայն համայնքի շահերից ու բնակիչների ցանկությունից, իսկ դա համայնքի բնակիչների կամարտահայտման, հանրաքվեների միջոցով է լինելու: Հիմա մենք մինչ խորհրդարանական արտահերթ ընտրություններ կսպասենք, բայց բնակիչների հետ խոշորացման հարցերի շուրջ հանդիպումներ արդեն կան»,- ասաց նախարար Սուրեն Պապիկյանը:

Տարածքային զարգացման նախարարն ասաց, որ նախարարությունը հայտ է ներկայացրել տրանսպորտի եւ կապի նախարարությանը՝ միջպետական ու համայնքային ճանապարհների բարեկարգման համար գումարներ հատկացնելու վերաբերյալ: Պապիկյանը նշեց, որ կբարեկարգվի Տավուշի մարզի սահմանամերձ Մովսես գյուղ տանող ճանապարհը: Նրա խոսքով՝ ծրագիրն իրականություն է դառնալու շնորհիվ Մովսես գյուղի ռուսաստանաբնակ երկու բնակիչների 200 հազար դոլար ներդրման. «Այս պահին միջոցները թույլ չեն տալիս, որ նախարարությունը համաֆինանսավորի այդ ծրագիրը, բայց մենք ամեն ինչ անելու ենք, որ մեր հայրենակիցների հայրենանվեր քայլը իրականություն դառնա»,- ասաց Պապիկյանը: Նա նաեւ նշեց, որ Տավուշում հիմնվելու է մարզում նմանը չունեցող անասնապահական ֆերմա, նաև տեքստիլ արտադրություն:

Նախարարն անդրադարձավ նաեւ Սեւանից ջրառ կատարելու հարցին: Նա ասաց, որ վարչապետի հանձնարարականով ձեւավորվել է միջգերատեսչական հանձնաժողով, որը զբաղվում է այս խնդրով. «Մարզպետարանները եւս ստեղծել են հատուկ հանձնաժողովներ: Այս պահին Սեւանից բաց է թողնվել 26 միլիոն խորանարդ մետր ջուր: Սրա վերաբերյալ մեր կողմից համապատասխան զեկուցումներ են ուղղվում փոխվարչապետ Տիգրան Ավինյանի գրասենյակ: Պարզել ենք, որ կան չարաշահումներ ջրառի հատվածում, կան ապօրինի խողովակներ, որ սպասարկում են բազմաթիվ հողատերերի, եւ այլն, դրա համար վճարում են ավելի ցածր սակագին՝ չգրանցված հողատարածքների համար»,- ասաց Պապիկյանը՝ հավելելով, որ այդ մարդկանց համար Սեւանը շարունակում է հանդիսանալ անսպառ պաշար, ինչի հաշվին նրանք գեներացրել են գումարներ:

Տպել
1175 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում