Նոր Հայաստանում միակուսակցականության վերադառնալու վտանգ չկա, ինչը վկայում է Փաշինյանի անցած ուղին. Վ. Գերավետյան

Այսօր տեսնում ենք՝ ինչպես են նախկին ռեժիմի ներկայացուցիչները օր օրի ակտիվանում: Տեսանք, որ արդեն ոչ թե հատուկ ծառայություններն են գաղտնալսում, այլ գաղտնալսում են այդ հատուկ ծառայություններին: Չենք կարող բացառել արտաքին ուժերի մասնակցությունը, որովհետեւ տեսնում ենք, թե ինչպես է Ռուսաստանի իշխանությունը հովանավորություն ցույց տալիս Քոչարյանին: Այսօր ներքաղաքական վերջին զարգացումների ու անցումային արդարադատության թեմայով ասուլիսի ժամանակ նման միտք հայտնեց «Սասնա ծռեր» կուսակցության նախաձեռնող խմբի անդամ Վարդան Գերավետյանը:

Վերջինս ասաց, որ անցումային փուլ, անցումային արդարադատություն իրականացնելու մեջ որեւէ արտառոց բան չկա, պատմությունն անցումային փուլեր բազմիցս տեսել է: Գերավետյանն անդրադարձավ նաեւ համաներման հարցին: Նա ասաց, որ բանտերում կան շատ մարդիկ, ովքեր կամայականության զոհեր են, անարդար են դատապարտված, դրա համար էլ անհապաղ պետք է համաներում լինի. «Մեր ժողովուրդը թող չվախենա նրանից, թե հիմա այդ գազանները դուրս կգան համաներման արդյունքում, կսկսեն օրենք խախտել եւ այլն, եւ այլն: Իհարկե պիտի հասկանալ՝ նայած ում ինչպիսի ներում շնորհել, բայց մենք վստահաբար գիտենք, որ այնտեղ կան նաեւ անմեղ մարդիկ, իսկ դա սարսափելի ճնշում է»,- ասաց Գերավետյանը՝ օրինակ բերելով տոնածառի գործով դատապարտված Գեւորգ Սաֆարյանին:

Վարդան Գերավետյանն իր խոսքում ասաց, որ նոր Հայաստանում  միակուսակցականության վերադառնալու վտանգ, ըստ էության, չկա, ինչը վկայում է Նիկոլ Փաշինյանի անցած ուղին. «Պիտի հաշվի առնել Փաշինյանի անձը, նա անցած ուղի ունի: Տեսանք, որ նա բավականին հետեւություններ է արել տարբեր ուժերի սխալներից: Ինձ թվում է, որ ինքն էլ լավ հասկանում է, որ միակուսակցականությունը վտանգավոր երեւույթ կլինի: Բայց երբ շփվում ենք ժողովրդի հետ, տեսնում ենք՝ այնպես չէ, որ ամբողջ Հայաստանն է աջակցում Փաշինյանին, կան մարդիկ, «Սասնա ծռերին» աջակցող մարդիկ էլ կան»,- ասաց Գերավետյանը՝ նշելով, որ այդ առումով իրենք ավելի շահեկան վիճակում են, որովհետեւ, ինչպես ինքն ասաց, կան ուժեր, որ նախկինում սպասարկել են ՀՀԿ-ին, հիմա իրենց մորթին փոխել են ու համարվում են ՔՊ-ական:

«Իսկ մեզ մոտ գալիս են զուտ գաղափարական մարդիկ, որովհետեւ այս պահին մենք իշխանության ակնկալիք չենք տրամադրում: Չեմ կարծում, թե ժողովուրդն իր ամբողջ քվեն պատրաստ է տալ Նիկոլ Փաշինյանին: Ավագանու այս ընտրությունները ցույց կտան ներքաղաքական տրամադրությունները, այս ընտրությունները լակմուս են, որոնք թույլ կտան մտորել խորհրդարանական ընտրությունների համար»,- ասաց Գերավետյանը:

«Սասնա ծռեր» կուսակցության նախաձեռնող խմբի անդամ Արեգ Կյուրեղյանն էլ իր հերթին ներկայացրեց անցումային արդարադատության իրականացման հիմնական կետերը՝ նշելով, որ կառավարությունը հիմա անհապաղ պետք է ստանձնի օրենսդիր իշխանության որոշակի ֆունկցիաներ՝ սահմանադրական կարգը վերադարձնելու համար: Այդ կետերը, ինչպես ասաց Կյուրեղյանը, ըստ հաջորդականության պետք է լինեն անցումային արդարադատության ատյանի ստեղծումը, ԱԺ-ի լուծարումը, արտահերթ ընտրությունները, նախորդ ռեժիմի հետ հանցավոր համագործակցություն ունեցող անձանց շրջանակները պարզելն ու նրանց պատասխանատվության ենթարկելը:

«Սասնա ծռեր» կուսակցության նախաձեռնող խմբի անդամներն ասուլիսի ժամանակ հայտնեցին, որ կուսակցության շարքերը համալրվում են: Վերջիններիս խոսքով՝ իրենք մարզերում էլ շատ համակիրներ ունեն, այցելում են տարբեր շրջաններ, հանդիպում բնակիչներին. «Մարդիկ անձամբ գալիս դիմում են կուսակցությանն անդամագրվելու համար: Մեր կուսակցության անդամներն առողջ գաղափարական անդամներ են, եւ ոչ թե ձեւական»:

Տպել
13922 դիտում

Թմրամիջոց պահելու եւ օգտագործելու կասկածանքով բերման ենթարկված քրեական հեղինակությունը բանգլադեշցի Վիրաբիկն է

Ամուլսարի հարցում կոռուպցիոն գործա՞րք է տեղի ունենեցել. դատախազությունը մամուլում առկա հրապարակումներն ուղարկել է ԱԱԾ

7-ից 18 տոկոս. Փաշինյանը ներկայացրել է Հայոց բանակի զինծառայողների աշխատավարձերի բարձրացման կոնկրետ ցուցանիշները

Իրանի հետ համագործակցությունը Հայաստանին օգուտ չի՞ բերի. ամերիկացի վերլուծաբանը փորձում է հակառակը համոզել

Քաղաքացու ինքնասպանության փորձը հաջողվել է կանխել. նա փորձել է ցած նետվել Նոր Հաճնի կամրջից

Հրդեհ Երեւանում. այրվում է սառնարանների պահեստը

Խոշոր հարկատուների առաջին տասնյակի 9 ընկերությունների վճարած հարկերը 2019-ի երկրորդ եռամսյակում աճել են

Ռոբերտ Քոչարյանի փաստաբանական թիմը հանդես է եկել հայտարարությամբ

Ննջասենյակի ներքնակի միջից գողացել էին 4 հազար դոլար. գողությունը կատարել էր տանտիրոջ դուստրը

Վանաձոր-Ալավերդի-Վրաստանի սահման ճանապարհն այսօր փակ է լինելու ժայռապայթեցման պատճառով

Էլեկտրաէներգիայի անջատումներ՝ Երևանում և 8 մարզերում

«Ձյունիկ սառնարան» ՍՊԸ-ի պահեստներում բռնկված հրդեհի մարմանը 11 մարտական հաշվարկ է մասնակցել

Հետաքրքրություն ներկայացնող ընկերությունների մեծ մասը զգալի ավելացրել է բյուջե վճարված հարկերը. Փաշինյան

Հայաստանը 9 ծանրորդով կմասնակցի Թայլանդում կայանալիք աշխարհի առաջնությանը

89 մարտական հաշվարկ եւ 2 օպերատիվ խումբ պայքարել են 76 խոտածածկ տարածքի հրդեհ մարելու համար

Թաթուլ համայնքի ղեկավարը մի քանի միլիոնի հասնող չարաշահումներ է թույլ տվել (տեսանյութ)

Կոտայքում Opel-ը վրաերթի է ենթարկել հետիոտնին. վերջինը շպրտվել է հանդիպակաց երթևեկելի գոտի և տեղում մահացել

Ողջունելի է, որ Կարմիր Խաչի ՄԿ ներկայացուցիչներն այցելել են Ադրբեջանում գտնվող հայ ռազմագերուն

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ