Սահմանամերձ տավուշցին կրակոցներից դուխը չի գցում. բերքահավաք՝ ամենաթեժ կետերում (լուսանկաներ)

Տավուշի մարզի սահմանամերձ Բերդի տարածաշրջանում խաղողի բերքահավաքը երեկվանից մեկնարկել է: Չնայած հակառակորդի կրակոցներին, սահմանամերձ բնակիչները դուխները չեն գցում, շարունակում են մեծ թափով խաղողաքաղ իրականացնել ու թուզ հավաքել: Այս մասին «Հայկական ժամանակ»-ի հետ զրույցում հայտնեց Տավուշի մարզպետ Վահե Ղալումյանը, ով երեկ անձամբ է այցելել բերքահավաք իրականացնող համայնքներ, եղել մթերող գործարանում ու տեղում ծանոթացել իրավիճակին. «Ամենամեծ այգիներն ունի Պառավաքար համայնքը, որտեղ սպասվում է մոտ 2500 տոննա բերք: Մթերումն իրականացվում է Բերդ քաղաքում տեղակայված մթերման կետում՝ 1կգ-ը՝ 140 դրամով: Բնակիչների հետ կնքված է պայմանագիր՝ եռօրյա ժամկետում գումարը փոխանցվում է»,- ասաց մարզպետը:

Վահե Ղալումյանի խոսքով՝ նախորդ տարվա համեմատ բերքն այս տարի աննախադեպ շատ է. «Օպտիմալ հաշվարկներով՝ 5000 տոննա խաղող է լինելու միայն Բերդի տարածաշրջանից, նախորդ տարվա 3500-ի փոխարեն»:

Մարզպետն ուրախությամբ փաստեց, որ աննախադեպ է նաեւ թզի բերքն ու մթերման գործընթացը. «Սկսել են թուզ մթերել Մովսես եւ Այգեձոր համայնքներում, 150 տոննայից ավելի արդեն իսկ մթերվել է Վրաստանից ժամանած գործարարների կողմից՝ սառնարան բեռնատարներով, 3 այգեձորցի էլ սեփական միջոցներով են բեռնատարներ գնել ու մթերում են իրականացնում: Մթերման գինը 700-800 դրամ է»,- ասաց Ղալումյանը, հիշեցնելով նախորդ տարվա գինը՝ 250-300 դրամ:

Մարզպետի խոսքով՝ ինքը երեկ անձամբ եղել է Պառավաքարի խաղողի այգիների ամենավտանգավոր կետերում, վստահեցնում է, բնակիչները մեծից փոքր աշխատում են այգիներում՝ ապացուցելով, որ իրենք ոչնչից չեն վախենում. «Իհարկե, վտանգը կա, բայց ողջ գյուղը իրար թեւ թեւի տված, իրար օգնելով խաղողաքաղ են անում»:

Վահե Ղալումյանի խոսքով՝ մարզում մեծ թափով ճանապարհաշինություն է իրականացվում պետական միջոցներով ու տարբեր ծրագրերով. «Մրցույթները կայացել են, շինարարությունը սկսվել է, շուտով կավարտվեն: Բերդ-Այգեձոր-Չինարի ճանապարհն է նորոգվում»:

Անդրադառնալով վերջին օրերին սահմանամերձ բնակավայրերի վրա հակառակորդի արձակած կրակոցներին՝ մարզի ղեկավարն ասաց, որ շոշափելի վնասներ չեն գրանցվել, բայց նաեւ նշեց՝ ամենամեծ վնասը Կոթի համայնքի վիրավոր բնակիչն էր, ով չնայած իրեն լավ էր զգում, բայց սեփական նախաձեռնությամբ տեղափոխվել է Երեւան՝ հետազոտման:

Վահե Ղալումյանի խոսքով՝ ներկայումս աշխատանքներ են տարվում համայնքներում արագ լուծում պահանջող խնդիրների լուծմանը, հիմնականում խմելու եւ ոռոգման ջրի խնդիրներին. «Դպրոցներում են շինարարություններ իրականացվում տարբեր միջոցներով, քայլեր են արվում չգազաֆիկացված համայնքներում գազաֆիկացնելու ուղղությամբ»: Այս ամենին զուգահեռ, ըստ մարզի ղեկավարի, խնդիր է դեռեւս մարզի հատկապես Իջեւանի տարածաշրջանում կաթի մթերման հարցը, չնայած այս ուղղությամբ որոշակի քայլեր ու պայմանավորվածություններ արդեն իսկ կան, սակայն մի շարք համայնքներում կաթի մթերման խնդիրը լուրջ է, ինչի հետեւանքով շատ բնակիչներ պարզապես կովերին չեն կթում՝ կաթը տալով հորթերին:

Տպել
7660 դիտում

Ընկերության տնօրենը կեղծել է պաշտոնական փաստաթղթեր. ԱԱԾ

Գիշերօթիկների նախկին սաների ընտանիքներում խնդիր չի արձանագրվել. բանկերի հետ քննարկվում է կացարանով ապահովելու հարցը

Գործադիր կոմիտեն քննարկել է ՀՖՖ 5 ՀԿ-ների անդամության կասեցման հարցը. կայացել Գործկոմի հերթական նիստը

Չեմ հիշում դեպք, որ ձեր խմբակցությունը, լինելով կոալիցիայի անդամ, էսպիսի ելույթներ ունենար. Հ. Գեւորգյանը՝ Ուրիխանյանին

Ֆինանսների նախարարությունը չի որոշում՝ գումար տալ, թե չտալ. ՊԵԿ նախագահ

Մարիա Զախարովան համամիտ է Նիկոլ Փաշինյանի այն գնահատականին, որ ռուս-հայկական երկխոսության մեջ նոր դինամիկա է ի հայտ եկել

25 հոգի կպայքարի Հայաստանի 2019 թ. 10 լավագույն մարզիկների թվում հայտնվելու համար

Թունավորում Փարաքարում. 3 բնակիչներ թունավորվել էին հեղուկ գազի թերայրումից

Կառավարությունը հավանություն տվեց «Ապօրինի ծագում ունեցող գույքի բռնագանձման մասին» օրենքի նախագծերի փաթեթին

Ս. Պապիկյանը նշանակվել է ՀՀ կառավարության և մի շարք երկրների համատեղ հանձնաժողովների հայկական կողմի նախագահ

«Պարտքը լավ է, երբ ճիշտ ես կառավարում». Կառավարությունը հավաստիացնում է՝ էլ բյուջետային վարկ չի վերցնելու, սա վերջինն է

Իսրայելում 1 տարվա մեջ 3-րդ արտահերթ ընտրությունները տեղի կունենան

Արշակունյաց 3ա շենքի մի պատշգամբից քարեր են թափվում. քաղաքացին ահազանգում է

«Իմ քայլը» հիմնադրամը մեկնարկում է մարզային մշակութային տների հզորացման ծրագիրը

Դիլիջանում վեճի ժամանակ տղամարդկանցից մեկն ատրճանակով 3 անգամ կրակել է մյուսի ուղղությամբ

Կապան քաղաքում տրանսպորտային պատահարի հետեւանքով 18-ամյա երիտասարդը տեղում մահացել է

Անձնական հարցերի շուրջ վիճաբանության ժամանակ, ալկոհոլի ազդեցության տակ 48-ամյա վանաձորցին դանակահարել է ծանոթին

Մեկ-մեկ նախարարություններից փաստաթղթեր է գալիս, ուզում ես ասել՝ ո՞ր դասարանի երեխա է գրել. Փաշինյան

ԱԳ նախարարի տեղակալը մասնակցել է Կարմիր խաչի և Կարմիր մահիկի համաժողովին

15 տոննայանոց քարն ընկել-ջնջխել էր բանվորի ոտքը. եզակի վիրահատությամբ այն լիովին վերականգնվել է