Հայաստանի ազգային ագրարային համալսարանի «Ագրարմենեջմենթ» մասնագիտությունը միջազգային հավատարմագիր է ստացել  

Հայաստանի ազգային ագրարային համալսարանի (ՀԱԱՀ) ագրարմենեջմենթ մասնագիտությունն օրեր առաջ արժանացել է միջազգային հավատարմագրման: Երկու տարի շարունակ իրականացրած համակողմանի ուսումնասիրությունների արդյունքում նման որոշում կայացրել է Գերմանիայի Դաշնության կրթության որակի վերահսկման եւ հավատարմագրման գործակալության (ACQUIN) փորձագիտական խումբը, որում ընդգրկված են եվրոպական ագրարային առաջատար 9 համալսարանների ներկայացուցիչներ, այդ թվում` Ավստրիայից, Բելգիայից, Հոլանդիայից:

««Ագրարային մենեջմենթ» միջազգային մագիստրոսական ծրագիրը ՀԱԱՀ-ում կազմակերպված է բարձր մակարդակով: Համալսարանում առկա են որակի հսկման եւ ապահովման գործիքները, որոնք հնարավորություն են ընձեռում ծրագրի հետագա համակարգված զարգացման համար: Հետեւաբար, ծրագրի հետագա զարգացումը կասկածի տեղիք չի տալիս»,- ասված է ACQUIN-ի զեկույցում: «Ագրարմենեջմենթը» միջազգային կրթական ծրագիր է, որը Հայաստանի ազգային ագրարային համալսարանում հիմնադրվել է 2000 թվականին: ՀԱԱՀ համապատասխան ուսանողներն ունեն նաեւ Գերմանիայում սովորելու ու արտադրական պրակտիկա անցնելու հնարավորություն: Հայաստանյան բուհն առայժմ միակ երկիրն է ԱՊՀ երկրների 12 ագրարային համալսարանների շարքում, որը նշված մասնագիտության գծով միջազգային հավատարմագրում է ստացել, ընդ որում` ՀԱԱՀ-ը ծրագրին մասնակից բուհերից միակն է, որը չի ստացել դիտողություններ` այս կամ այն թերությունն ունենալու վերաբերյալ: Ի դեպ, «Ագրարմենեջմենթը» ՀԱԱՀ-ում  միակը չէ, որը միջազգային հավատարմագրում է ստացել:

«2000 թվականից ագրարային համալսարանում գործում է հայ-ամերիկյան ագրոբիզնեսի բարձրագույն դպրոցը, որը տարածաշրջանային կրթական կենտրոն է: Մենք 2013-ին այդ դպրոցի համար ստացել ենք ամերիկյան հավատարմագրում` Վաշինգտոնի հավատարմագրման ասոցիացիայի կողմից: Փաստորեն, ագրարային համալսարանը ագրոբիզնեսի, շուկայաբանության, ագրարային էկոնոմիկայի եւ կառավարման մասնագիտությունների գծով ունի ե՛ւ ամերիկյան, ե՛ւ եվրոպական հավատարմագրում, ինչը լայն հնարավորություններ է ընձեռում շրջանավարտների համար»,- մեր զրույցում ասաց ՀԱԱՀ ռեկտոր Արշալույս Թարվերդյանը` հավելելով, որ թե՛ գերմանական ագրարմենեջմենթ ծրագրի, եւ թե՛ ագրոբիզնես կենտրոնի բոլոր տարիների շրջանավարտները, մեկ-երկու բացառություններով, բոլորը աշխատանք ունեն կամ Հայաստանի Հանրապետությունում, կամ ՌԴ-ում, կամ ԱՄՆ-ում ու եվրոպական տարբեր երկրներում: Ի դեպ, երկու ծրագրերում էլ ուսուցումը կազմակերպվում է համապատասխան օտար լեզուներով, իսկ լեզվի իմացությունն ընդունելության ժամանակ կարեւոր պայման է: Բուհի ռեկտորը նշում է, որ իհարկե, այս երկու ծրագիրը քիչ է ՀԱԱՀ ամբողջ շրջանավարտների աշխատանքի խնդիրը լուծելու համար. «Բայց սա մեզ համար դարձավ օրինակ` ինչպես սկսել աշխատել` այլ մասնագիտությունների գծով եվրոպական կամ միջազգային հավատարմագրում ստանալու համար: Մենք արդեն ունենք շատ կարեւոր փորձ»:

Ձկան տեխնոլոգիան հետաքրքիր չէ

Արշալույս Թարվերդյանը երիտասարդների շրջանում նկատում է ագրարային մասնագիտությունների նկատմամբ հետաքրքրության աճ` հավելելով, որ չնայած այս տարի բուհերի դիմորդների ընդհանուր թիվը նախորդ տարվա համեմատությամբ մոտ հազարով պակաս էր, ՀԱԱՀ դիմողներն ավելի շատ են եղել, քան անցյալ տարի: 2016-ին այս բուհի առկա ուսուցման համակարգ է ընդունվել 1052 դիմորդ: Նախորդ տարի այդ թիվը եղել է 928: Ռեկտորը կարծում է, որ երիտասարդները համապատասխան վերլուծություններ են անում, գնահատում իրավիճակը եւ մասնագիտություն ընտրելիս առաջնորդվում պահանջարկով` նախընտրելով դառնալ այնպիսի մասնագետ, որի անհրաժեշտությունն աշխատաշուկայում զգացվում է: Այդուհանդերձ, օրինակ, այս տարի, ՀԱԱՀ ընդունելության տեղերի ընդհանուր քանակը եղել է 1 275, ասել է թե` ավելի քան 200 տեղ թափուր է մնացել: Ռեկտորը, սակայն, նշում է, որ չկան այնպիսի մասնագիտություններ, որտեղ ընդհանրապես չեն եղել դիմողներ կամ ընդունվողներ, թեպետ կան այնպիսիք, որոնց դեպքում ընդունվածներն այնքան փոքր թիվ են կազմում, որ տվյալ մասնագիտությամբ կուրս բացելը նպատակահարմար չէ: Ձկան եւ ձկնամթերքի տեխնոլոգիա մասնագիտությամբ այս տարի բուհ է ընդունվել 7 ուսանող, ապրանքագիտություն մասնագիտության գծով ընդունվել է 4-ը: «Բնական է, ակադեմիական խմբեր չեն ձեւավորվում, դրանք վերաբաշխվելու են հարակից մասնագիտությունների վրա, որովհետեւ այդ թվաքանակով ակադեմիական խմբեր պահել ձեռնտու չէ»,- ասաց ռեկտորը:

ՀԱԱՀ-ում կան մասնագիտութուններ, որտեղ կարելի է ընդունվել դպրոցի ավարտական վկայականի` ատեստատի գնահատականներով: Այդ հնարավորությունը ստեղծվել է այն մասնագիտությունների դեպքում, որոնց կարիքը կա հեռավոր գյուղական շրջաններում: Ատեստատի գնահատականներով կարելի է դառնալ օրինակ անասնաբույժ: Արշալույս Թարվերդյանն այս առնչությամբ նկատում է, որ մի կողմից դժվար է պատկերացնել, որ ասենք սահմանամերձ գյուղի ու Երեւանի դպրոցների շրջանավարտների գիտելիքները կարող են համադրելի լինել ԳԹԿ չափանիշներով, բայց մյուս կողմից էլ նա վստահ է, որ բուհում ուսումնական պրոցեսը լավ կազմակերպելու դեպքում կարելի է լրացնել դպրոցի թողած բացը ու պատրաստել լավ մասնագետներ: Ի դեպ, այդ նպատակով էլ Հայաստանի ազգային ագրարային համալսարան ընդունված առաջին կուրսեցիների համար սեպտեմբերի 1-ից կազմակերպվում է դպրոցական ծրագրի կրկնողություն` կենսաբանություն, մաթեմատիկա, ֆիզիկա, քիմիա առարկաներից:

 

Տպել
15025 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները