Կուզենայի, որ Ն.Փաշինյանը ձեռքը սրտին դներ ու ազնվորեն ասեր, թե ով է սպիտակ, ով՝ սեւ. Ա.Զուրաբյան

Երեւանի ավագանու ընտրություններում միշտ եղել են ընտրախախտումներ եւ շարունակում են լինել, ես դրանց ուշադրություն չեմ դարձնում, որովհետեւ ինքս չեմ անում: Այսօր լրագրողների հետ զրույցում հայտարարեց «Երևանցիներ» դաշինքի ցուցակը գլխավորող ԱԺ ԲՀԿ խմբակցության պատգամավոր Արարատ Զուրաբյանը:

«ՀՀՇ» եւ «Հայոց հայրենիք» կուսակցություններից կազմված «Երևանցիներ» դաշինքի կողմից քաղաքապետի թեկնածու առաջադրված Արարատ Զուրաբյանը հայտարարեց, որ տարբեր դաշինքի ներկայացուցիչներ երբեմն դուրս են գալիս քաղաքային խնդիրներից եւ կենտրոնանում են երկրորդական հարցերի վրա:

«Տարրական բան եմ ասում, Երեւան քաղաքում 7 բալանոց երկրաշարժ լինի՝ 300 հազար զոհ կունենանք, հիմա եթե մարդիկ ցանկանում են մակիյաժով զբաղվել, թող գնան զբաղվեն, մենք զբաղվելու ենք նրանով, որ քանդենք այն շենքերը, որոնք պետք է քանդել: Առաջին հերթին պետք է փորձել Երեւանը դարձնել քաղաքացիների համար անվտանգ քաղաք, երկրորդ հերթին՝ հարմարավետ, երրորդ հերթին՝ մաքուր»,- ասաց նա:

Արարատ Զուրաբյանը համոզված է, որ «Երեւանցիներ» դաշինքում ներգրավված են մարդիկ, որոնք աշխատել են տարբեր ոլորտներում, ղեկավարել են տարբեր համայնքներ, սիրում են իրենց քաղաքը եւ պատրաստ են լրջագույն փոփոխություններ կատարել իրենց քաղաքում:««Երեւանցիներ» դաշինքը ոչ թե մակիյաժ է անելու քաղաքը, ինչպես ուրիշներն են անելու՝ քծնելով քաղաքացիներին, մենք հակառակը կանենք, կվերհանենք ամենատգեղ հատվածներն ու կփորձենք ուղղել»,- ասաց նա:

Վերջինս կարծիք հայտնեց, որ որեւէ մեկը լուրջ խնդիրներից չի խոսում, խոսելիս էլ որպես բարեգործություն են ներկայացնում: «Երբ որ առանձին մարդիկ, առանձին էլեմենտներ են ներկայացնում, որպես իրենց ծրագիր, մոռանում են, որ դա իրենց պարտականությունն է: Ընդհանրապես որեւէ երկրի, որեւէ ղեկավարի պարտականությունն է՝ փորձել իր քաղաքը էկոլոգիապես եւ բոլոր առումներով անվտանգ ու հարմարավետ դարձնել: Այդ ամենն այնպես է ներկայացվում, կարծես թե, լավություն են անելու Երեւանի բնակչին»,- ասաց նա:

Արարատ Զուրաբյանը Երեւանի ավագանու ընտրություններում կարեւորում է Գագիկ Ծառուկյանի աջակցությունն ու նրա հետ համագործակցությունը: «Ծառուկյանը հայտարարել է, որ «Ծառուկյան» դաշինքն ունի երկու թեկնածու եւ ես շատ գոհ եմ, որ այդպես է: «Բարգավաճ Հայաստան» կուսակցությունը պաշտպանում է Նաիրա Զոհրաբյանի թեկնածությունը եւ դա շատ բնական է: «Ծառուկյան» դաշինքը շատ ընդգրկուն միավոր է, բազմաթիվ մարդիկ, որոնք համակիր են նրան, պաշտպանում են նաեւ ինձ եւ իմ կողքին են: «Ծառուկյան» դաշինքն այս պահին, եթե հաջողություն ունենա, ես եւ Նաիրա Զոհրաբյանը ի վիճակի ենք ճիշտ որոշում կայացնել եւ միասնաբար շարունակել մեր գործունեությունն ի շահ Երեւան քաղաքի»,- ասաց նա:

Վերջինս նշեց, որ ընտրություններին հաջորդող փուլում, երբ որ կձեւավորվի ավագանի, կլինեն նաեւ նոր լուծումներ: Անդրադառնալով նախընտրական քարոզարշավում իր պասիվությանը՝ Զուրաբյանն ասաց. «Քարորզարշավը շոու եմ համարում, իսկ ես շոումեն չեմ: Ես խոսում եմ այն ժամանակ, երբ անհրաժեշտ է խոսել, եւ երբ շատերը լռում են»:

Վերջինս վստահություն հայտնեց, որ մարդկային գործունեությունը մեկ օրով կամ քսան օրով չի ամփոփվում, եւ Երեւանն ինչ-որ մի պահից, տվյալ դեպքում սեպտեմբերի 23-ից հետո ղեկավարվելու է մեկ անհատի կողմից: «Շատ ուրախ կլինեմ, որ մեր մայրաքաղաքը ղեկավարի մեկը, որն ունակ է պատկերացնել, թե ինչ է ղեկավարելու, ինչպես է ղեկավարելու, կամ ինչ գործառույթներ է իրականացնելու այս կամ այն խնդիրի լուծման համար»,- ասաց Արարատ Զուրաբյանը:

Վերջինս նաեւ հայտնեց, որ վիրավորական է համարում ՀՀ վարչապետ Նիկոլ Փաշինյանի՝ հասարակությանը սեւերի եւ սպիտակների դասակարգումը: «Ես կուզենայի, որ Նիկոլ Փաշինյանը ձեռքը սրտին դներ ու ազնվորեն ասեր, թե ո՛վ է սպիտակ, ո՛վ սեւ: Կարծում եմ, եթե իր նշած չափանիշներով առաջնորդվենք՝ չեմ գտնելու մեկին, որն ինձանից սպիտակ կլինի, ճիշտ չեմ համարում մարդկանց որոշակի գունային ներկապնակի մեջ տեղավորել, որովհետեւ գույները տարբեր են, կարող է հանկարծ որեւէ մեկի համար վիրավորական գույների անուններ տրվի»,- ասաց Զուրաբյանը:

Արարատ Զուրաբյանը դժգոհություն հայտնեց իրավապահ մարմիններից՝ հայտարարելով, որ վերջիններս իրենց աշխատանքը չեն կարողանում այնպես կազմակերպել, որ ազատության մեջ չհայտնվեն Ռոբերտ Քոչարյանի նմանները: 

«Այս երկիրը 20 տարի կեղեքած, ոտնահարած, մարդիկ սպանած անհատներն ու խմբերը դեռ ազատության մեջ են եւ հաթաթա են տալիս ներկայիս իշխանություններին ու պետությանը, ասելով՝ մենք գալիս ենք, տեսեք, թե ինչ է լինելու: Իմ գնահատմամբ՝ Ռոբերտ Քոչարյանին միայն Մարտի մեկի համար չպիտի մեղադրեին, նրան պետք է մեղադրեին կեղծված փաստաթղթերի համար եւս, եւ ընդհանրապես՝ պետք է հիշեին Ալվինա Զախարյանին, որը Քոչարյանին տվել էր այդ փաստաթղթերը, ինչի հետեւանքով էլ 10 տարի ուզուրպացվել է երկիրը»,- ասաց Արարատ Զուրաբյանը:

Վերջինս համոզմունք հայտնեց, որ իր ընկերները, որոնք այսօր իշխանության գլուխ են կանգնած եւ կառավարություն են ձեւավորել, պարտավոր են պատասխանել հանրությանը, թե որտեղ են Ռոբերտ Քոչարյանի եւ Սերժ Սարգսյանի իշխանության տարիներին գողացված միլիարդավոր դոլարները. «Ինչ գործընթաց են նրանք իրականացրել՝ դրանք վերադարձնելու համար: Ես բավարարված չեմ իրենց աշխատանքային տեմպերից, այդ տեմպերով դեռեւս 200 տարի էլ կպահանջվի»:

Տպել
12639 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ