Շիրակի մարզի Զարիշատ գյուղի առաջին դասարանցիների ծնողները հրաժարվել են գյուղի դպրոցից

06/09/2018 schedule18:40

2018-19թթ. ուսումնական տարում Շիրակի մարզի Զարիշատ, Շաղիկ, Ջրաձոր եւ Կրաշեն գյուղերի դպրոցներն առաջին դասարանցիներ չեն ընդունել: Զարիշատից բացի, մյուս երեք համայնքներում խնդիրը նույնն է՝ 7 տարեկան երեխաներ գյուղերում չկան: Բայց նախորդ տարիներին եղել են:

Արփի խոշորացված համայնքում ներառնված Շաղիկ գյուղի վարչական պատասխանատու Արտակ Բադեյանը ՀԺ-ի հետ զրույցում ասաց, որ դեռ նախորդ տարվանից գիտեին, որ 2018 թվականի սեպտեմբերին առաջին դասարանցի չէին ունենալու: Իսկ 2017-ին 3-ն են ունեցել:

Ամասիա խոշորացված համայնքի կազմում գտնվող Ջրաձորում եւս նույն պատկերն է: 3 առաջին դասարանցի 2017-ին, եւ ոչ մեկը` 2018-ին: Բայց Ջրաձորում հուսադրող լուր կա: Վարչական պատասխանատու Գեւորիկ Հովակյանն ասաց` գալիք տարում 3 առաջին դասարանցի կունենան:

Մարմաշեն խոշորացված համայնքի կազմում գտնվող Կրաշենում եւս առաջին դասարան չի բացվել: Նախորդ տարիներին մինչեւ 14 աշակերտ ընդունած դպրոցում այս տարի նորեկներ չկային: Երեք գյուղում ծագած խնդրի հիմնական պատճառները նույնն են՝ 2010 թվականից սկսված արտագաղթ, սոցիալական ծանր կեցություն, որն ուղղակիորեն հանգեցրել է ծնելիության ցուցանիշի նվազմանը:

«Զարիշատի դպրոցն այս տարի առաջին դասարանցիներ չի ընդունել, սակայն այդ տարիքի երեխաներ գյուղում կային»,- մեր զրույցում ասաց վարչական պատասխանատու Ռուբիկ Բադասյանը:

«Մենք 4 երեխա ունեինք, բայց սեպտեմբերին ծնողները չուզեցին նրանց դպրոց բերել: Դե մեր շենքը խարխուլ է, վտանգավոր է, հետո էլ երեխաներն այստեղ հեռանկար չունեն, ոչ մի հետաքրքրություն չկա, շենքն ահավոր վիճակում է: Էլ չասեմ դասերից հետոյի մասին, ոչ միայն առաջին դասարանցիները, այլ ոչ մի դասարանի աշակերտ, բացի դպրոցի դասից գյուղում որեւէ այլ զբաղմունք չունի: Ոչ մի խմբակ չկա»,- ՀԺ-ի հետ զրույցում պատմեց  Բադասյանը: 

Զարիշատցի ծնողներն իրենց առաջին դասարանցի երեխաներին տարել են գյուղից բավական հեռու գտնվող հարեւան Ամասիա: Այնտեղ շենքային լավ պայմաններ կան, իսկ դասերից դուրս արտադպրոցական պարապմունքների կարող են մասնակցել, պարի եւ երաժշտության դասերի, ինչպես նաեւ սպորտի հաճախել:

Ռուբիկ Բադասյանն ասաց՝ փոքրիկների հետ ծնողներն էլ են հեռացել Զարիշատից: Ամասիայում, հավանաբար բնակարաններ են վարձակալել, ապրում են: Նախորդ տարի, սակայն այս գյուղի դպրոցն 2 առաջին դասարանցի է ընդունել: Երկուսն էլ տեղում են, այս տարի տեղափոխվել են 3-րդ դասարան:

Իսկ ընդհանուր առմամբ, ըստ ՇՄ կրթության վարչության պետ Հրայր Կարապետյանի, Շիրակի մարզում նախորդ տարվա համեմատությամբ առաջին դասարան հաճախած աշակերտների թվի աճ է արձանագրվել: Տվյալներն արդեն հստակ են: 2017 թվականի 3050-ի փոխարեն, մարզում այս տարի 3132 առաջին դասարանցի է դպրոց ընդունվել: Այսինքն՝ թիվն աճել է 82-ով:

Տպել
1383 դիտում

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը