Հայկական բանակի դոկտրինալ փոփոխությունների հեռանկարը

Շարունակվում են սեպտեմբերի 11-ից 13-ը անցկացվելիք «Շանթ-2018» ռազմավարական հրամանատարաշտաբային զորավարժության նախապատրաստական հավաք-պարապմունքները: Դրանց շրջանակում օգոստոսի 28-ին ՀՀ պաշտպանության նախարար Դավիթ Տոնոյանը ՊՆ վարչական համալիրում հանդես է եկել դասախոսությամբ: Նախարարը ներկայացրել է իր տեսլականը պաշտպանության ոլորտի գործունեության զարգացման առաջնահերթությունների եւ դրանցից բխող գերակա խնդիրների վերաբերյալ:

Տոնոյանն անդրադարձել է առաջնագիծն արդիական տեխնիկական միջոցներով համալրելու եւ մարտական խնդիրների կատարման արդյունավետությունը բարձրացնելու հարցերին: Նրա խոսքով՝ ապրիլյան պատերազմից հետո, մասնավորապես 2016թ. երկրորդ կեսին եւ 2017թ. ընթացքում առաջնագիծը զգալիորեն համալրվել է տեսադիտարկման եւ հավաստանշման սարքավորումներով: Դա թույլ է տվել նվազեցնել անակնկալ դիվերսիաներ իրականացնելու հակառակորդի հնարավորությունները:

Տոնոյանը նաեւ հայտարարել է, որ աշխատանքներ են տարվում առաջնագծում հակառակորդի հայտնաբերման, որոշումների կայացման, կրակային եւ ինժեներական միջոցներով հակառակորդի խոցման ու հասցված վնասների գնահատման ինտեգրված համակարգի ստեղծման ուղղությամբ:

Հատուկ ուշադրության է արժանի նախարարի անդրադարձը զինված ուժերում արմատացած մի քանի այլ երեւույթների փոփոխության անհրաժեշտությանը: Դասախոսության ընթացքում նա, մասնավորապես նշել է, որ եկել է ամենօրյա մարտական խնդրի իրականացման եղանակներում արմատական փոփոխություններ կատարելու ժամանակը:

«Մեր նպատակն է զգալիորեն նվազեցնել անձնակազմի՝ հակառակորդի նշանառու կրակի տակ գտնվելու տեւողությունը, բարձրացնել պաշտպանվածության եւ դիմակայունության աստիճանը, ինչպես նաեւ ավելացնել հակառակորդի դիվերսիոն խմբերի դարանակալման ու ոչնչացման հավանականությունը»,- նշել է պաշտպանության նախարարը:

Վերոնշյալ քայլերը կոչված են նպաստելու մեր բանակի կողմից կիրառվող ստատիկ պաշտպանության հոգեբանությունը տարաշարժուն-ճկուն պաշտպանությամբ փոխարինելուն: Դրա մասին խոսվել էր դեռեւս ապրիլյան քառօրյայից առաջ, սակայն պատերազմից հետո առաջ եկած օրհասական այլ խնդիրները երկրորդ պլան մղեցին դոկտրինալ փոփոխությունների հարցը:

Տոնոյանը կարեւորել է նաեւ բանակի սպառազինման, կառավարման համակարգի արդիականացման եւ անձնակազմի մարտունակության ամրապնդմանը միտված քայլերը՝ հավաստիացնելով, որ ընթացքի մեջ են սպառազինության ծրագրերի թարմացման աշխատանքները: Այս համատեքստում նա անդրադարձել է ներկա պահին, թերեւս, ամենակարեւոր խնդրին՝ բազմաֆունկցիոնալ ավիացիայի ձեռքբերմանը:

«Մինչեւ այժմ հայկական զինված ուժերը ունեցել են հստակ արտահայտված ցամաքային ուժի կերպար՝ օդային գերակայության համար պայքարում ապավինելով միայն ՀՕՊ եւ ցամաքային հրթիռային միջոցներին: Ժամանակները, սակայն, փոխվել են: Զինված ուժերին հաղորդվելիք տարաշարժուն կերպարը պահանջում է նաեւ կործանիչ-ռմբակոծիչ ավիացիայի առկայություն, քանի որ ոչ մի հրթիռային համակարգ չի փոխարինի այս կարողությանը՝ օգտագործման ճկունության եւ դիմակայունության առումով»,- նշել է նախարարը:

Հարկ է նշել, որ այս կործանիչ ավիացիայի ձեռքբերման վերաբերյալ խոսակցություններն ակտիվացել էին այս տարվա հունիսին, երբ վարչապետ Նիկոլ Փաշինյանը նկար էր հրապարակել ռուսական Cy-30CM կործանիչի խցիկից: Ռուսական մամուլում շրջանառվող լուրերի համաձայն, Հայաստանի ՊՆ-ն դեռեւս մինչեւ այս տարվա ապրիլյան իրադարձությունները հետաձգել էր Cy-30СМ-ների գնումը մինչեւ 2024 թ.: Սակայն, ըստ պարբերականի տեղեկությունների, այս հարցով բանակցությունները «գտնվում էին բավական առաջընթացային փուլում»: Իսկ այն, որ մեր կործանիչ ավիացիան լինելու է հենց Cy-երի տեսքով՝ գրեթե կասկածից վեր է:

Տոնոյանն անդրադարձել է նաեւ զինված ուժերում հորիզոնական հաղորդակցությունը որակապես նոր հիմքերի վրա դնելու անհրաժեշտությանը: Նրա խոսքով՝ պետք է բացառել «հորանային» աշխատաոճը:

«Հորիզոնական հաղորդակցությունը, առանց բյուրոկրատական քաշքշուկների, պետք է դառնա նորմ, ոչ թե բացառություն: Վերացնելու ենք փոխգործակցությունը արգելակող կամ լրջորեն բարդացնող արհեստական արգելքները` բացառելով այսպես ասած՝ «հորանային» աշխատաոճը, երբ առանձին օղակներ առաջ են տանում իրենց օրակարգերը` չիմանալով դրանց միավորող ընդհանուր մտահղացումը»,- նշել է նախարարը:

Հայկական բանակը, որն ի սկզբանե ունեցել է խորհրդային դասական ստորաբաժանման տարբերակը, ժամանակի ընթացքում վերափոխվել է եւ այսօր ներկայանում է ընդհանուր առմամբ յուրահատուկ ստորաբաժանումով եւ մոտեցումներով: Այդուհանդերձ, մինչեւ օրս մոտեցումներում առկա են խորհրդային ժառանգության մնացորդ հանդիսացող երեւույթներ: Նախարարի կոշտ որակումը վերաբերվում է հենց այդ մնացորդներով առաջնորդվող դեպքերին, երբ առանձին ստորաբաժանումները կամ զորատեսակները պետք է կատարեն բացառապես իրենց առջեւ դրված խնդիրը՝ անկախ ընդհանուր գործողության օպերատիվ իրավիճակից: Դրանք չեն համապատասխանում ժամանակի հրամայականը հանդիսացող ճկուն պաշտպանության տրամաբանությանը:

Ինչ վերաբերվում է հորիզոնական փոխգործակցությանը, հարկ է նշել, որ դրա լավագույն օրինակներ կարելի է գտնել արցախյան ազատամարտի ընթացքում, այսինքն այն շրջանում, երբ կանոնավոր բանակը նոր սկսել էր կազմավորվել: Մեր օրերում, հաշվի առնելով նաեւ կործանիչ ավիացիա ձեռք բերելու հեռանկարը, հորիզոնական հաղորդակցության լավագույն օրինակը կարող է դառնալ հակաօդային պաշտպանության համակարգի եւ ռազմաօդային ուժերի լայն համագործակցությունը, իսկ լավագույն դեպքում դրանց համատեղումը մեկ զորատեսակի մեջ:

Այն, որ «Շանթ-2018» նախապատրաստական հավաքների ընթացքում անցկացվում են նմանօրինակ միջոցառումներ՝ հույս է ներշնչում, որ զորավարժությունները կանցնեն դոկտրինալ փոփոխությունները հաշվի առնելով: Մնացածն, ինչպես ասում են, ժամանակի հարց է:

Տպել
1531 դիտում

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր