Մկրտիչ Արզումանյանը հանդես կգա թատերական ներկայացման մեջ. առաջինը պատմել է armtimes-ին

Դերասան Մկրտիչ Արզումանյանը շուտով հանդես կգա թատերական ներկայացման մեջ: Այս մասին նա առաջինը պատմել է armtimes.com-ին: Ներկայացումը կոչվում է «Հյուսիսային պողոտայի բանտարկյալը»: Տրագիկոմեդիա է: Բեմադրող ռեժիսորը Արման Նշանյանն է: Պրեմիերան նախատեսվում է սեպտեմբերին: Այս շրջանում ընթանում են փորձերը:

«Հանձնելու ենք մի հրաշալի ներկայացում: Խաղընկերներս շատ պրոֆեսիոնալ դերասաններ են: Հիմնական խաղընկերս Սաթենիկ Հախնազարյանն է, որի հետ աշխատելը գերագույն հաճույք է: Ներկայացման դինամիկան այնքան բարձր է, որ մի պահ չի կանգնում: 2 գործողության ընթացքում հանդիսատեսը լարված հետեւելու է, թե ինչ է լինում»,- ասաց Մկրտիչը:

Արման Նշանյանի ներկայացումը հիմնված է Նիլ Սայմոնի ստեղծագործության վրա, որը թարգմանել է Ժան Նշանյանը: Սցենարի վրա աշխատել են Արտուշ Գեւորգյանը եւ Վահան Մովսիսյանը: Նկարիչը Արեւ Պետրոսյանն է: Դերերում, բացի Մկրտիչ Արզումանյանից ու Սաթենիկ Հախնազարյանից, հանդես են գալիս Նաիրա Շահիրյանը, Ռոբերտ Մուրադյանը, Մարգարիտ Շահվալադյանը: Պորդյուսերը Արման Միտոյանն է:

Հեռուստատեսային նախագծերով, ֆիլմերով ու շոու-ներկայացումներով հայտնի Մկրտիչ Արզումանյանը թատրոնի բեմ առաջին անգամ բարձրացել է «Մեա կուլպա» ներկայացմանը մասնակցելով: Բավական ժամանակ խաղացել է այդ ներկայացման մեջ, սակայն զբաղվածության պատճառով ստիպված է եղել խնդրել, որ իրեն փոխարինեն: Ամեն դեպքում «Հյուսիսային պողոտայի բանտարկյալը»` որպես դասական ներկայացում, նրա համար առաջինն է: Սակայն վերջինը չի լինելու:

«Ինձ հնարավորինս կապելու եմ թատրոնի հետ, որովհետեւ կարծում եմ՝ այս պահին դա ինձ համար ավելի կարեւոր է, քայլ առաջ է»,- ասաց նա՝ ավելացնելով, որ անելու է ամեն ինչ, որպեսզի մարդիկ, որոնք նայել են իր շոու-ներկայացումները, գան թատրոն:

Դերասանը խոստովանում է, որ թատրոնում իր համար շատ ավելի բարդ է, քան կինոյում ու հեռուստատեսությունում: Ընդգծում է, որ այստեղ մաքսիմալ կենտրոնացած պետք է լինի, քանի որ չի կարող շտկել սխալները, ինչպես անում է նկարահանումների ժամանակ: Այնուհանդերձ սիրելի գործով զբաղվելու հնարավորությունը փոխհատուցում է բարդությունները:

«Միշտ էլ բեմն ինձ ավելի հոգեհարազատ է եղել՝ անկախ նրանից շոուներով եմ հանդես եկել, թե չէ»,- ասաց նա՝ ավելացնելով, որ թատրոնն իր համար ինքնարտահայտվելու լավ միջոց է:

Այսուհետ Մկրտիչը պատրաստվում է ավելի մոտ լինել թատրոնին: Նախատեսվում են նաեւ այլ ներկայացումներ, որոնց միտք ունի մասնակցելու: Միաժամանակ ընդգծում է, որ հեռուստաեսային աշխատանքի ու ֆիլմերում նկարահանվելու վրա դա չի ազդելու:

Տպել
3114 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը