«Դու ուժեղ ես». Աստղիկ Սաֆարյանի նոր տեսահոլովակը հորդորում է հավատալ ինքդ քեզ

Երգչուհի Աստղիկ Սաֆարյանը նոր տեսահոլովակ կներկայացնի, որը նկարահանված է «Դու ուժեղ ես» երգի հիման վրա: Ստեղծագործությունը նոր չէ. ծանոթ է լսարանին: Պատրաստ է եղել 2017 թ., հասանելի է առցանց iTunes, Amazon, Spotify հարթակներում: Երգչուհին նկատել է, որ այն սիրվել է երկրպագուների կողմից, ու որոշել է նաեւ տեսահոլովակ ունենալ: Պրեմիերան յութուբում կկայանա հուլիսի 21-ին: Նա armtimes.com-ին տրամադրեց լուսանկարների նկարահանումներից ու ներկայացրեց երգի ասելիքը:

«Հոգեպես ուժեղ լինելու մասին է, երբ անընդհատ ձգտում ես մեծ հաջողության, բայց դեռ չես հասնում դրան, երբ պայքարում ես շարունակ, փորձում ես հասնել ինչ-որ բարձունքների, բայց չի ստացվում, երբ փնտրում ես քո սերը, բայց դեռ չես գտնում.... բնական է, որ այդ ամբողջ ընթացքում ունենում ես նաեւ հոգեւոր անկումներ եւ ընկճվում ես: Ոմանք նույնիսկ հետ են կանգնում իրենց ընտրած ուղուց եւ հուսահատվում բոլոր հանդիպած խոչընդոտներից։ Երգը հորդորում է, որ «եթե արդեն անցնում ես այդ ուղիով, նշանակում է համապատասխան Ուժ ունես քո մեջ, եւ պետք է միայն վստահես ինքդ քեզ ու հավատաս քո Ես-ին, քանի որ քո Ես-ի հետ միասին դուք կարող եք լինել ավելի Ուժեղ»»,- ասաց նա:

Ինչպես սովորաբար, խոսքերի ու երաժշտության հեղինակն Աստղիկն է, տեսահոլովակի կերպարներն էլ ինքն է ընտրել: Այս անգամ կերպարները 3-ն են: Նկարահանումները եղել են երգչուհու ամենասիրելի քաղաքում՝ Փարիզում, ուստի կերպարներն ընտրել է, ինչպես ինքն է ընդգծում, փարիզյան մնայուն դասական տրամադրության մեջ: Նա համագործակցել է ֆրանսահայ ռեժիսոր Քրիստիան Աջեմյանի հետ:

«Մեծ թիմով ենք աշխատել, 3-օպերատորական աշխատանք է տարվել, նաեւ օդային տեսախցիկներ ենք օգտագործել: Նկարահանումներն իրականացրել ենք Փարիզի կենտրոնում, «Ալեքսանդր III»-ի կամրջի վրա, Սենա գետի, Էյֆելյան աշտարակի շրջակայքում: Անգամ Փարիզից դուրս նկարել ենք շատ այլ տեսարաններ, որոնք արդյունքում չենք ներառել տեսահոլովակում, որպեսզի պահպանենք դրա համեստ, մինիմալ, դասական, բայց գունեղ եւ լավ տրամադրությունը։ Շատ հաճելի եւ բարձր տրամադրության մթնոլորտում ենք նկարահանել: Շնորհակալ եմ նաեւ փարիզաբնակ վաղեմի ընկերոջս, որն ամեն կերպ ամբողջ օրն աջակից եղավ ինձ եւ ամբողջ թիմին։»,- պատմեց նա՝ հույս հայտնելով, որ տեսահոլովակն էլ կսիրվի նույնքան, որքան երգը:

Առաջիկայում Աստղիկ Սաֆարյանը կներկայանա նաեւ նոր աշխատանքներով: Պլանավորում է նոր ֆոտոշարքեր, համերգներ եւ այլ նախագծեր, որոնք կլինեն «Դու ուժեղ ես» երգի տեսահոլովակից հետո:

Տպել
2626 դիտում

Իսկ գուցե պատճառներն ավելի պա՞րզ են

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)