Մեկնաբանելու կարիք էլ չկա, եթե ճիշտ լիներ, այսօր կլսեիք այդ մասին. Օրբելյանը չի հեռանում

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար եւ տնօրեն, ՌԴ վաստակավոր արտիստ Կոնստանտին Օրբելյանն այսօր ամփոփեց թատրոնի 85-րդ թատերաշրջանը:

Մաեստրոյի հրավիրած անակնկալ մամուլի ասուլիսը եւ դրան նախորդած լուրերը՝ վերջինիս օպերային թատրոնի տնօրենի պաշտոնից ազատվելու մասին, կարծես զուգադիպել էին: Սակայն պարզվեց՝ ասուլիսի նպատակը բնավ հեռացման լուրը չէր:

Կոնստանտին Օրբելյանը ներկայացրեց տարվա ընթացքում Օպերային թատրոնի գրանցած առաջընթացն ու հաջողությունները, հայտնեց, որ հուլիսի 24-ին Օպերային թատրոնը Արամ Խաչատրյանի «Գայանե» բալետը ներկայացնելու է Մոսկվայի Մեծ թատրոնում: Մաեստրոն նշեց, որ սա անչափ կարեւոր մշակութային իրադարձություն է մեր Օպերային թատրոնի համար:

ՀԺ-ի դիտարկմանը, թե համացանցում լուրեր են պտտվում, որ նախարար Լիլիթ Մակունցը զբաղված է Օպերային թատրոնի նոր տնօրենի փնտրտուքով եւ պատրաստվում է իր հրաժարականը պահանջել, Օրբելյանը չզարմացավ, նա ինքն էլ էր արդեն տեղյակ: Մեր հարցին՝ որքանով են իրականությանը համապատասխանում այս լուրերը, Կոնստանտին Օրբելյանը պատասխանեց. «Դրանք ընդամենը լուրեր են, ասեկոսեներ: Մեկնաբանելու կարիք էլ չկա, եթե դա ճիշտ լիներ, ապա դուք այսօր կլսեիք այդ մասին»:

Մեր հարցին, թե նմանատիպ որեւէ խոսակցություն եղե՞լ է արդյոք նախարարի հետ. մաեստորն բացառեց. ««Գորիսը ԱՊՀ մշակութային քաղաք» ծրագրի ժամանակ մենք միասին էինք Գորիսում, ես դիրիժորել եմ այնտեղ, Մակունցը բազմիցս Օպերային թատրոնում էլ է եղել՝  ներկայացումների, քննարկումների, բազմիցս հանդիպել ենք եւ նորմալ հարաբերություններ են»,-ասաց նա:

Այնուհետեւ Օրբելյանը ներկայացրեց թատրոնի նոր ծրագրերը՝ անդրադառնալով մեկ խնդրի:

Նա խոսեց դրսում ապրող եւ ստեղծագործող Օպերային երգչուհիների մասին. «Ինչպիսի հրաշալի երգչուհի է Կարինե Բաբաջանյանը, ես շատ ուրախ եմ, որ իմ շրջապատում կան նրա նման մարդիկ, որոնք ասելիք ունեն եւ պատրաստ են համագործակցելու, 20 տարի Կարինեին Հայաստան ոչ ոք չի հրավիրել, 20 տարի նա այստեղ չի եղել, ինչպե՞ս կարելի էր նման բան թույլ տալ, ինչու»,-ասաց Օրբելյանը՝ դժգոհություն եւ զարմանք հայտնելով, թե ինչպես է եղել, որ դրսում ապրող հայ հայտնի երգչուհիները երբեք այստեղ չեն հրավիրվել: Նշեց, որ այժմ ինքը հրավիրում է նրանց եւ շարունակելու է հրավիրել:

Ինչ վերաբերում է Մոսկվայի Մեծ թատրոնում ներկայանալուն՝ նշեց. «Մեր թատրոնը այնտեղ չի եղել, ես հիշում եմ, որ հորեղբորս՝ Կոնստանտին Օրբելյանի  օրոք էր, երբ վերջին անգամ մենք ներկայացում ենք ունեցել: Սա մի կողմից շատ ուրախալի է, մյուս կողմից մեծ անհանգստություն է: Ռուսաստանից մարդիկ, ովքեր գիտեին ինձ, վստահում էին, սակայն շատերը դեռ երբեք Երեւանում չէին եղել եւ ծանոթ չէին մեր Թատրոնին, մենք նրանց ապացուցեցինք, որ կարողանում ենք բարձր մակարդակի աշխատանք կատարել, երբ ցուցադրեցինք «Կախարդական փայտիկը» եւ «Կարմեն» օպերայի եզրափակիչ փորձը, փառք աստծո, դա նրան դուր եկավ»: 

Ասուլիսի ավարտին տեղի ունեցավ «Արշակ Բ» հայկական առաջին օպերայի 150-ամյակը» թեմային նվիրված նամականիշով փոստային բացիկի մարման արարողությունը: Բացիկի վրա պատկերված է մի հատված Տիգրան Չուխաջյանի «Արշակ Բ» հայկական առաջին օպերայի բեմադրությունից:

Արարողությունն իրականացրին ՀՀ տրանսպորտի, կապի եւ տեղեկատվական տեխնոլոգիաների փոխնախարար Արմեն Արզումանյանը, Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար եւ տնօրեն Կոնստանտին Օրբելյանը, «Հայփոստ» ՓԲԸ-ի փոստային բաժանմունքների կառավարիչ Լիլիթ Թադեւոսյանը եւ Հայաստանի ֆիլատելիստների միության նախագահ Հովիկ Մուսայելյանը:

«Անչափ շնորհակալ եմ բոլորին: Այն արտիստները, որոնք պատկերված են նամականիշի վրա, այսօր հանդես են գալիս մեր թատրոնում: Ըստ իս` դա բացառիկ իրադարձություն է»,-ասաց Օրբելյանը: Նամականիշի մարմանը հաջորդեց Տիգրան Չուխաջյանի «Արշակ Բ» օպերայի ցուցադրությունը՝ ՀՀ ժողովրդական արտիստ Բարսեղ Թումանյանի եւ ՀՀ վաստակավոր արտիստ Անահիտ Մխիթարյանի մասնակցությամբ:

Տպել
2368 դիտում

Ներդրումային քաղաքականություն և խթանում. քննարկում Միջազգային ֆինանսական կորպորացիայի ներկայացուցիչների հետ

Զոհրաբ Մնացականյանը Լատվիայի նախագահի ուշադրությունը հրավիրել է Հայաստանում ընթացող բարեփոխումների վրա

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ

Արդարադատության փոխնախարարներն ընդունել են Վենետիկի հանձնաժողովի փորձագիտական խմբի պատվիրակությանը

Երեւանի 73 համարի երթուղին այլեւս չի սպասարկվում, քաղաքացիները ստիպված են երկու տրանսպորտային միջոցից օգտվել

Հավատացնում եմ, որ դեռ շատ եմ հաղթելու, դուք էլ շատ եք ուրախանալու. Արթուր Ալեքսանյան

Հայաստանում առաջին անգամ հետիոտնային անցումներում տեղադրվել են երեխաների տեսքով ֆիգուրներ

Երեւանում Niva-ն մխրճվել է հայտնի երգիչ Գրիգոր Աղախանյանի կայանած Range Rover-ի մեջ

Վթար Սևան-Մարտունի-Գետափ ավտոճանապարհին. կա 2 տուժած

Գրանցվել է խոտածածկ տարածքներում բռնկված 25 հրդեհ` ընդգրկելով մոտ 45 հա տարածք

Թուրքիայում կրկին քուրդ քաղաքապետ է ձերբակալվել

Աշտարակի ոստիկանները ապօրինի ծառահատման դեպք են բացահայտել (տեսանյութ)

Վանաձորցի քրեական հեղինակություն է բերման ենթարկվել․ նա հետախուզվում էր սպանության փորձի մեղադրանքով

Երևանի Աջափնյակ վարչական շրջանի ղեկավարի տեղակալ Արամ Մանուկյանն ազատման դիմում է ներկայացրել

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք