Աղանդավորների հավաքատեղի, աղյուսի արտադրամաս, տաքսի սերվիս. ինչերի է ծառայեցվել «Կանազ»-ը

2017 թվականի հոկտեմբերին Երեւանի քաղաքապետարանը Հրանտ Թոխատյանի «Արվեստի այբուբեն» հիմնադրամին էր փոխանցել «Կանազ» մշակույթի կենտրոնը:

Այսօր լրագրողների հետ հանդիպման ընթացքում հիմնադրամի տնօրեն, ՀՀ ժողովրդական արտիստ Հրանտ Թոխատյանը որոշակիորեն մանրամասնեց մշակույթի կենտրոնի հետ կապված մոտակա ծրագրերը, իրականացված աշխատանքներն ու ընթացքը: Առաջին հերթին, մենք ինքներս ականատես եղանք, թե ինչքան անմխիթար վիճակում է գտնվում ժամանակին բավականին հնչեղություն վայելող կենտրոնը:Հրանտ Թոխատյանն ասաց որ, շենքը մասնատված է սենյակների: Վերանորոգված է միայն մեկ սրահը: Շենքը նախկինում ծառայել է տարբեր նպատակների համար, մի հատվածը զբաղեցրել են աղանդավորներ եւ ինչպես Հրանտ Թոխատյանը փաստեց՝ շատ դժվարությամբ են հրաժարվել վերջիններս այդ տարածքից: Նշենք, որ այդ տարածքն այժմ վերանորոգված է եւ ծառայեցվելու է որպես հանդերձասրահ:

«Էնքան բան է եղել այս շենքում, եղել է կարի արհեստամաս, եղել է աղյուսի արտադրամաս, տաքսի սերվիս՝ ընդ որում ոչ թե մի, այլ մի քանի: Եղել է տարբեր ավելորդություների տեղ, պահեստամասերի եւ այլնի»,- ասաց Թոխատյանը:Առավել զարմացնող էր գրեթե առաստաղին հասնող սանհանգույցը, որի բարձրությունը դժվարացավ բացատրել Թոխատյանը, կարծիք հայտնեց, որ գուցե բոյով մարդկանց համար է նախատեսված եղել: Կենտրոնում կան բազմաթիվ տարատեսակ անպետք ու պիտանի իրեր՝ կարի մեքենաներ, գազօջախ, 90-ականներին ՀՀ-ում տարածում գտած նավթի վառարան, դաշնամուրի մնացորդներ, ջահեր, ալյումինի կտորներ եւ այլն:

Նավթի վառարանը

Հրանտ Թոխատյանի խոսքով՝ քաղաքապետարանի միջոցով առկա ամբողջ գույքը հաշվառված է: «Այս գույքն ամբողջությամբ ի պահ է տրված մեզ, բայց ես չեմ կարող ամբողջ գույքը գնահատել, մասնագետ չեմ, մենք փորձելու ենք նախկին տնօրենի միջոցով որոնել մարդկանց, որոնք այստեղ որեւէ գործողություն են ծավալել՝ կարող են գալ իրենց գույքը տանել»,-ասաց Թոխատյանը:

Մշակույթի կենտրոնում տարատեսակ իրերի առկայության վերաբերյալ Թոխատյանը դժվարացավ գնահատական տալ, ասելով, որ անձամբ իր համար դա ընդունելի չէ այն, ինչ է այդտեղ կատարվել է, որովհետեւ «Կանազի» մշակույթի պալատը ժամանակին բավականին ակտիվ մշակութային կենտրոն է եղել: «Այստեղ եղել է «Կանազ» պարային անսամբլը, որը հայտնի է եղել ամբողջ խորհրդային միությունով, եղել են խմբակներ, բավականին աշխույժ եւ ծավալուն աշխատել են մինչեւ 90-ականները, չնայած, որ 90-ականներից հետո էլ են որոշակի աշխատանք ծավալել, եղել են տարբեր խմբեր, ցուցադրվել են ֆիլմեր եւ այլն:Թոխատյանը հայտնեց, որ 90-ականներից հետո շենքը հանձնվել է Սանվել եւ Մանվել Սարիբեկյան եղբայրներին, որոնք որոշ ժամանակ փորձել են մշակութային ծրագրեր իրականացնել: Իսկ, թե նրանցից հետո շենքն ում ձեռքն է անցել, կամ ինչու է անցել՝ Թոխատյանը դժվարանում է ասել: «Միայն կարող եմ ասել, որ սարսափելի վիճակում է հայտնվել, 60-ականներից հետո տպավորություն է, թե ժամանակն այստեղ կանգ է առել: Նրանք ուղղակի կործանել են այս շենքը, լացներդ կգա»:Մշակույթի կենտրոնում շինարարական աշխատանքները սկսվելու են սույն թվականի օգոստոս ամսին, պահանջվում է մոտավորապես 2, 5 միլիոն ԱՄՆ դոլար: Թոխատյանի խոսքով, եթե լինի նախնական մեկ միլիոն դոլարը՝ շինարարական աշխատանքները կկարողանան իրականացնել: Իսկ դրա համար անհրաժեշտ է նախնական երեք կարեւոր տարրերի՝ ջեռուցման եւ օդափոխման համակարգի ստեղծումը, տանիքի վերանորոգումը, հոսանքի, կոյուղու եւ ջրատար խողովակների հարցը:«Դրանք ամենամեծ շինարարական աշխատանքներն են, իսկ մնացածը կարելի է կոսմետիկ լուծումներ գտնել, թանկ հաճույք է նաեւ բեմը: Երբ ընդհանուրը փորձում ես մասնատել, բնականաբար, սկսում ես քանդել, բնականից էլ էլ քանդվել, դե նորմալ է, տանիքը չի վերանորոգվել եւ այլն, 60 տարվա մեջ դա նորմալ է, եթե սա լիներ նորակառույց վաղուց քանդված կլիներ, այն հին պապենական, այն ժամանակվա լավ աշխատանքներից է, դահլիճի  սթայլը որոշում է իր մոտեցումը, բնականաբար մեր ընդհանուր ծրագիրն էլ ուզում ենք սրան հարմարեցնել»,-ասաց Թոխատյանը:

Լրագրողների հարցին, թե գուցե նոր կառավարության կողմից շենքի շահագործման հետ կապված այլ որոշում կայացվի եւ իրականացվելիք ծրագրերը փոփոխության ենթարկվեն, կամ աշխատանքը շարունակելու վտանգ առաջանա, Թոխատյանն ասաց. «Ինչի՞, ես վա՞տ բան եմ անում»: Վերջինս անդրադարձավ նաեւ Զարուհի Փոստանջյանի կողմից ժամանակին հնչեցված կարծիքին, թե շենքն իրեն են նվիրել իշխանություններին ծառայելու համար:

«Եթե Փոստանջյանը կարծում է, թե մեկ միլիոն ներդրումային ծրագրի համար ինձ դա նվիրել են, ու ինձ սիրում էին նախկին իշխանությունները, ապա աստված տա, թող նոր իշխանություններն իրեն էլ այդպես սիրեն, թող իրեն տան նման մի ավերակ»:«Չեմ սարքում խանութ, բենզակալոնկա, կամ ինչ-որ բիզնես կենտրոն, մշակությաին կենտրոն է լինելու, ես կուզենայի այդ կնոջ մտածելակերպը հասկանալ, որովհետեւ ես մանկական թատրոն եմ ուզում ստեղծել, իսկ նա լինելով կին, լինելով մայր, առաջին հերթին կարծում եմ՝ պետք է իմ կողքին կանգնած լիներ, լիներ էն մարդկանցից մեկը, որն ինձ կաջակցեր: Ի՞նչ է՝ նախկին իշխանությունները ինձ լավ էին վերաբերվում, դրա համար էլ իմ ներկայացումները նայո՞ւմ էր հանդիսատեսը, ինչ է՝ ես իշխանահաճո՞ եմ եղել»,-վրդովվեց Հրանտ Թոխատյանը:

Վստահաբար հայտարարեց, որ իր ներկայացումները միշտ էլ քննադատական են եղել. «90-ականներին «Խաթաբալան», 2000-ականներին Ռոբերտ Քոչարյանի օրոք «Մեա կուլպա»-ն, դա՞ էր իշխանահաճո, թող ինձ ցույց տան իմ արած ներկայացումներից մեկը, որով ես գովերգել եմ իշխանություններին: Այն մարդիկ, որոնք այսօր ելել փողոցում գոռգռւմ են, ժամանակին սսկված էին, կամ չգիտեին էլ, թե ինչ էր նշանակում երկիրը:

10 տարի ժամկետով անվարձահատույց տրամադրված շենքն ունի երկու դահլիճ, փոքր դահլիճը 80-ից 90 տեղանոց է, մեծը՝ մոտ 400, որը բավականին նորմալ է պահպանվել, եթե համեմատենք մյուս դահլիճի, կամ մնացած հատվածների հետ: Թոխատյանը 10 տարի ժամկետը բնականաբար քիչ է համարում՝ հույս հայտնելով, որ երբ ձեւավորվի նոր ավագանի, ունանան նոր քաղաքապետ, այս հարցը դարձյալ կբարձրաձայնվի:

«Կանազ»-ի մեծ դահլիճը

«Կատաստրոֆիկ կարճ ժամկետ է 10 տարին, որովհետեւ այն ծրագիրը, որ ես պլանավորում եմ իրականացնել եւ այն ներդրումը, որը ներկայացրել եմ, տասը տարում միայն կարելի է ի մի բերել: Ներդրված գումարներից կա գումար, որ ես ինքս եմ վաստակել ԱՄՆ-ում ներկայացման միջոցով: Մեր թատերական թիմով էլի շրջագայություններ ունենք դեպի Եվրոպա, ԱՄՆ, Ռուսաստան, ներկայացումներ կխաղանք՝ գումար վաստակելու համար»,-ասաց Հրանտ Թոխատյանը:

10 տարի պայքարել է, որպեսզի շենքը տրամադրեն իրեն, գործընկերներ ունի ինչպես Հայաստանում, այնպես էլ դրսում: «Ընկնելու եմ աշխարհով գումարներ հավաքեմ, մինչեւ որ այդ ամենը կառուցեմ»,-ասաց նա: Շինարարությունը կսկսվի օգոստոսից, իսկ թե երբ կավարտվի՝ Թոխատյանը դժվարանում է ասել: Ինչ վերաբերում է հետագայում մշակութային կենտրոնի անվանը՝ Թոխատյանն ասաց. «Ես չգիտեմ, ինքը կծնվի՝ անունն էլ կծնվի: Մեր ներկայացումներն էլ մինչեւ վերջ անվանում չեն ունեցել, վերջին պահին է որոշվել»:

Տպել
10751 դիտում

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք

Երևանում բեռնատարը վրաերթի է ենթարկել փողոցը չթույլատրելի հատվածով անցնող հետիոտնին. վերջինը տեղում մահացել է

ԱԻՆ-ն ահազանգ է ստացել Կոտայքի մարզի Բջնի գյուղի ամառանոցներում 2 տան այրվելու մասին

Արմեն Սարգսյանին հավատարմագրերն է հանձնել Հայաստանում ԵՄ պատվիրակության նորանշանակ ղեկավարը

էկոնոմիկայի փոխնախարարն ընդունել է միջազգային փորձագետներ և վենչուրային ներդրողներ Լուիջի Ամատիին և Բրիջիթ Բոումենին

Օձուն-Այգեհատ ավտճանապարհին ընթացող Opel-ի հետևի դռնից ուղևորը վայր է ընկել. նա հոսպիտալացվել է

Ոստիկանները բացահայտել են Արմավիրի Տալվորիկ համայնքի ղեկավարի ապօրինությունները (տեսանյութ)

Գրավն ունակ չէ չեզոքացնելու այն ռիսկերը, որոնք սպառնում են Քոչարյանի ազատության մեջ գտնվելու պարագայում․ Տիգրան Եգորյան

Ում է ձեռնտու թիրախավորել սաուդյան նավթը. ԱՄՆ-ը մեղադրում է Իրանին

Արմեն Սարգսյանն ու Նունե Սարգսյանը հյուրընկալել են Հովհաննես Թումանյանի ժառանգներին

«Բարեփոխելով աշխարհը». Երեւանում առաջին անգամ կկայանա կինոյի և հեռուստահաղորդումների փառատոն

Չարբախի ոստիկանները բերման են ենթարկել Տիմիրյազևի փողոցում կրակոցներ արձակած անձին (տեսանյութ)

Շիրակի մարզի կարկտահարված 6 համայնք ԿԽՀԸ-ի կողմից ստացավ 150.040.450 դրամի աջակցություն

Ռանչպար գյուղում այրվել է մոտ 10 հա խոտածածկ տարածք. հրդեհը մարվել է

Շաբաթ օրը երգչախումբը փողոցում է փորձ արել, քար լռություն եւ անտարբերություն է տիրում. Հեքեքյան

Անթույլատրելի է երեխայի նկատմամբ ցանկացած տեսակի բռնություն․ Պաշտպանի արձագանքը՝ տարածված տեսանյութին

Աշտարակի մոտ բախվել են Mercedes-ն ու Волга-ն. կա 1 զոհ, 3 տուժած.

Ստեփանակերտի քաղաքային համայնքի ավագանին որոշել է Ավստրալիայի Ռայդ քաղաքը հռչակել քույր քաղաք