Տեղի ունեցավ Նադեժդա Սարգսյանի հոգեհանգստի արարողությունը (տեսանյութ, լուսանկարներ)

Այսօր Կոնդի Սուրբ Հովհաննես եկեղեցում տեղի ունեցավ սիրված երգչուհի, ՀՀ վաստակավոր արտիստ Նադեժդա Սարգսյանի հոգեհանգստի արարողությունը:

Նադեժդա Սարգսյանին հրաժեշտ տալու եւ դստերը՝ երգչուհի Էմմիին զորակցելու էին եկել ինչպես Հայաստանից այնպես էլ արտերկրից` նրանց ընկերները, Նադեժդա Սարգսյանի ուսանողները, արվեստի գործիչներ եւ այլոք: Երգչուհու արվեստագետ ընկերները խորը վշտով ու ափսոսանքով պատմում էին Նադեժդա Սարգսյանի բնավորության յուրահատուկ գծերի, վերջինիս ուժեղ ու վառ անհատականության մասին:«Ամեն անգամ նվիրյալ ընկեր կորցնելը բավական դժվար է եւ ամեն անգամ այսպես, երբ նրանց վերջին ճանապարհին ենք ներկա լինում, ապշում ենք, որովհետև ժամանակներն աստիճանաբար հեռու են գնում մեզանից՝ իրենց հետ տանելով շատ բան՝ ոչ միայն մարդկանց, այլ նաև ժամանակը: Նադեժդա Սարգսյանի բացը շատ մեծ է, կուզեմ, որ շուտ լրացվի այդ բաց տեղը»,- ՀԺ-ի հետ զրույցում ասաց երգիչ, ՀԽՍՀ ժողովրդական արտիստ, պրոֆեսոր Ռուբեն Մաթևոսյանը:

Վերջինս նշեց, որ միշտ առավել գնահատել է Նադեժդա Սարգսյանի քաղաքացիական դիրքորոշումը, նրա մարդ տեսակը. «Նա ստեղծեց դպրոց եւ հարյուրավոր երեխաների ճանապարհ ցույց տվեց դեպի արվեստ»:Երգչուհի Ալլա Լևոնյանն ասաց, որ այնքան էլ մտերիմ չի եղել, սակայն որպես խարիզմատիկ երգչուհի եւ ավագ կոլեգա միշտ հարգանք է տածել Նադեժդա Սարգսյանի նկատմամբ. «Հաճախակի ենք առիթ ունեցել հանդիպել, բայց ընկերություն, մտերմություն չի եղել, պարզապես երկկողմանի հարգանք միմյանց նկատմամբ եւ՛ մարդկայնորեն եւ՛ որպես երգչուհիներ: Թող տգեղ չհնչի, բայց մահն էլ է դարձել սովորական բան, կան մարդիկ, որոնց չես պատկերացնում, որ այլևս չկան, Նադեժդա Սարգսյանն այդ մարդկանց թվում էր: Շատ լուրջ կերպար՝ իր ամբողջ հմայքով, մարդկային տեսակով, երաժշտության մեջ իր ունեցած ուրույն տեղով: Ասում են՝ անփոխարինելի մարդիկ չկան, բայց ինքը իր տեսակի մեջ երևի թե եզակի էր»,- ասաց Ալլա Լևոնյանը:Նադեժդա Սարգսյանի հետ անչափ մտերիմ Արթուր Գրիգորյանը, որն այս օրերին վատառողջ է՝ չկարողացավ անգամ նորմալ խոսել: Ասաց, որ այս ընթացքում անընդհատ Նադեժդա Սարգսյանի կողքին է եղել, տեսել, թե ինչպես է տանջվում եւ դա անչափ ցավալի է վերհիշելը: Վերջինս տխուր ժպիտով պատմեց, թե ինչպես է Նադեժդա Սարգսյանն իր մահվան մասին խոսելիս կատակել, ասել. «Ինձ նախշուն բաջի»-ի տակ կհուղարկավորեք»: «Չէր դիմանում էլ, ասում էր՝ մի բան արա, ասում էի՝ ինչ անեմ, համբերի, քո վախտն էլ կգա: Հիշում եմ, ասաց՝ ինձ լավ կթաղես»,-պատմեց Արթուր Գրիգորյանը:Ներկաներից շատերը, որոնք Էմմի կողքին էին ողջ ընթացքում, ասացին, որ ամեն կերպ աջակցելու են նրան եւ ուժ են տալու, որպեսզի դիմանա:Եգոր Գլոմովը  Նադեժդա Սարգսյանի հետ լավ հարաբերություններ է ունեցել, սակայն առավել մտերիմ ընկեր է նրա դստեր՝ Էմմի հետ. «Ինձ թվում է՝ այսօր ամենադժվարը Էմմիի համար է. Էմմի մոտ եմ եկել»:

Տեսանյութ՝

Տպել
18125 դիտում

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ն ու Հենրիխ Մխիթարյանը շնորհավորել են Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ