Երևան
17 °C
Երեկ Հայաստանում տեղի ունեցավ Նիկոլ Փաշինյանի պատկերացրած թավշյա հեղափոխությունը՝ Սերժ Սարգսյանը հրաժարական տվեց վարչապետի պաշտոնից: Մարտի 31-ին Նիկոլ Փաշինյանը պայքար սկսեց ընդդեմ Սերժ Սարգսյանի վարչապետության, որին հաջորդեցին համազգային 11-օրյա հանրահավաքները: Արդյունքում Սերժ Սարգսյանը ՀՀ 15-րդ վարչապետ աշխատեց ընդամենը 6 օր ու կես. նրա ղեկավարման այդ օրերն անցան փշալարերով շրջապատված Բաղրամյան 26-ում, ոստիկանական զորքերով ու տանկերով շրջապատված կառավարական շենքերում:
ՀՀԿ-ական պատգամավորների հետ երեկ ամբողջ օրը զրուցել չհաջողվեց: Նրանք, ովքեր պատասխանում էին մեր զանգերին, կցկտուր տեղեկություններ էին փոխանցում: Մասնավորապես, Սամվել Նիկոյանը նշեց, որ ասելիք չունի, մի քանի օրից կխոսի: Նման պատասխան տվեց նաեւ ՀՀԿ կազմակերպչական հանձնաժողովի նախագահ Ռուբեն Թադեւոսյանը:
«Սպասեք, տեսնենք՝ ինչ է լինում, նոր կխոսենք, տեղ չենք գնում»,- ասաց Թադեւոսյանը եւ հրաժարվեց այլ հարցերի պատասխանել:
ՀՀԿ-ի էլիտան Սերժ Սարգսյանի հրաժարականից հետո ընդհատակ էր անցել: Զանգերին չէին պատասխանում ՀՀԿ խոսնակ Էդուարդ Շարմազանովը, ՀՀԿ խմբակցության ղեկավար Վահրամ Բաղդասարյանը, խմբակցության քարտուղար Գագիկ Մելիքյանը, ՀՀԿ փոխնախագահ Գալուստ Սահակյանը եւ այլ ՀՀԿ-ական պատգամավորներ:
ՀԺ-ին հաջողվեց խոսել ԱԺ ՀՀԿ-ական պատգամավոր Գագիկ Մինասյանի հետ:
- Պարոն Մինասյան, Սերժ Սարգսյանի հրաժարականին ինչպե՞ս եք վերաբերվում:
- Վարչապետն իր հրաժարականի հայտարարությունում ամեն ինչ ասել էր: Ավելացնելու բան չկա:
- Անակնկալ չէ՞ր նման քայլը ձեզ համար:
- Այն՝ ինչ ասել էր պարոն Սերժ Սարգսյանն իր հայտարարության մեջ, շատ հստակ էր: Քայլը ես գնահատում եմ շատ լայնախոհ քաղաքական գործիչի քայլ, որը ստեղծված իրավիճակում անում է ճիշտ քայլը:
- Պատկերացում ունեի՞ք, որ մարտի 31-ից Նիկոլ Փաշինյանի սկսած քայլը կարող է նման վերջաբան ունենալ:
- Դուք դա պետք է ՀԱԿ-ին հարցնենք, ՀԱԿ-ին: Իսկ ՀԱԿ-ը պատկերացնո՞ւմ էր, որ նման բան կլինի:
- ՀՀԿ-ն հեգնանքով էր վերաբերվում:
- ՀԱԿ-ը ինչպե՞ս էր վերաբերվում:
- Պարոն Մինասյան, ոչ միայն ՀԱԿ-ը նաեւ Փաշինյանի խմբակցության գործընկերները թերահավատորեն էին վերաբերվում, բայց հիմա իշխող ուժի կարծիքն ենք հարցնում: Կպատկերացնեի՞ք, որ 7 տոկոս քվե ստացած խմբակցության մի քանի պատգամավոր այսքան մարդու փողոց կհանեին:
- Դուք պետք է խոսեք իր գործընկերների մասին, որոնք Փաշինյանին ճանաչում են շատ ավելի լավ: Եթե դուք դա ներկայացնենք, ապա իրավիճակի խճանկարը պարզ կլինի:
- Ինչպիսի՞ զարգացումներ կլինեն: Սպասե՞նք արտահերթ խորհրդարանական ընտրությունների:
- Վարչապետի հրաժարականի հայտարարությունում ամեն ինչ ասվում էր:
- Բայց արտահերթ խորհրդարանական ընտրությունների մասով ոչինչ չկար: Ընդդիմադիրներն ասում են, որ դա անխուսափելի է:
- Դե տեսնենք, ժամանակը ցույց կտա:
- Նիկոլ Փաշինյանը հայտարարում է, որ վարչապետի թեկնածուն պետք է լինի ժողովրդի թեկնածուն: ՀՀԿ-ն կհամակերպվի՞ դրա հետ, քանի որ թեկնածու առաջադրելը վերապահված է ԱԺ մեծամասնությանը:
- Կտեսնենք, ժամանակը ցույց կտա: Ինչո՞ւ եք շտապում:
- Պարոն Մինասյան, ասում էիք, որ Սերժ Սարգսյանն անփոխարինելի է...
- Ո՞վ էր ասում, ես նման բան չեմ ասել, որ անփոխարինելի է:
- ՀՀԿ-ականները:
- Շատ ՀՀԿ-ականներ ասում էին, որ անփոխարինելի է, շատ ՀՀԿ-ականներ էլ ասում էին, որ ամենահարմար թեկնածուն է:
- Դուք երբեւէ չե՞ք ասել, որ Սերժ Սարգսյանն անփոխարինելի է:
- Ես ասում էի, որ ինքն ամենահարմար թեկնածուն է: Մնացածն էլ ասում էին, որ անփոխարինելի է:
- Իսկ հիմա ո՞վ կլինի վարչապետի ամենահարմար թեկնածուն:
- Ես կարծում եմ՝ Կարեն Կարապետյանը:
- Իսկ եթե ժողովուրդը էլի դուրս գա փողոց ու շարունակի այս անհնազանդության գործողություննե՞րը:
- Պետք է սպասենք, տեսնենք: Զարգացումներն ամեն ինչ ցույց կտան:
- Պարոն Մինասյան, ՀՀԿ-ից փախչողներ կլինե՞ն:
- Չգիտեմ, չեմ կարող ասել:
- Դուք շարունակելո՞ւ եք մնալ ՀՀԿ անդամ:
- Իհարկե, մնալու եմ:
- Պարոն Մինասյան, անդրադառնալով Սերժ Սարգսյանի հրաժարականին, նա ՀՀԿ ԳՄ-ում կամ խորհրդի հետ քննարկե՞լ էր իր հրաժարականը: Քանի որ նրան ԳՄ-ի եւ խորհրդի նիստով էին որոշել ընտրել վարչապետի թեկնածու:
- Ես այդպիսի քննարկման չեմ մասնակցել:
- Բայց խորհուրդը որոշեց նրան վարչապետ ընտրել, թե՞ Սերժ Սարգսյանը միաձայն էր որոշել դառնալ թեկնածու: Նա պետք է կուսակցությանը հաշվետու չլինե՞ր, քանի որ ասում էին՝ նա շարքային ՀՀԿ-ական է, պարտավոր է կատարի կուսակցության որոշումը:
- Ժամանակը թույլ չէր տալիս, որովհետեւ առջեւում ապրիլի 24-ն էր:
- Իսկ տարօրինակ չէ՞, որ նա եկավ Փաշինյանի հետ երկխոսության, իր հրաժարականի մասին լսելով հեգնական քմծիծաղ տվեց, բայց հաջորդ օրը հրաժարական ներկայացրեց:
- Դա բնական էր եւ օրինաչափ:
Մեզ հայտնի դարձավ, որ ՀՀԿ-ում սպասում են ապրիլի 25-ին տեղի ունեցող հավաքին, որտեղ քննարկելու են վարչապետի նոր թեկնածուի անունը: Նիկոլ Փաշինյանը, սակայն երեկ հայտարարեց, որ վարչապետ պետք է ընտրվի ժողովրդի առաջարկած թեկնածուն, որը վայելելու է ՀՀ քաղաքացու վստահությունը:
ՀՀԿ-ի քաղաքական գործընկեր ՀՅԴ-ի Բյուրոյի ներկայացուցիչ Հրանտ Մարգարյանը՝ պատասխանելով մեր հարցին, թե ինչ է սպասվում երկրի կառավարման համակարգին, պատասխանեց. «Հաջորդ քայլերը լավ քայլեր են լինելու, լավ բաների սպասեք: Ամեն առումով լավ է լինելու»,- ասաց Հրանտ Մարգարյանը:
ԱԺ ՀՅԴ խմբակցության ղեկավար Արմեն Ռուստամյանն էլ, որն այս օրերին Ստրասբուրգում մասնակցում է ԵԽԽՎ նիստին, նշեց, որ Սերժ Սարգսյանը շատ ճիշտ քայլ է կատարել՝ հրաժարական ներկայացնելով:
«Այո՛, ճիշտ քայլ էր»,- ասաց Արմեն Ռուստամյանը:
Սերժ Սարգսյանի հրաժարականի մասին պաշտոնական հայտարարությունից րոպեներ առաջ ԲՀԿ-ն Գագիկ Ծառուկյանի գլխավորությամբ հայտարարություն տարածեց, որ միանում է համաժողովրդական պայքարին: Հիշեցնենք, ԲՀԿ-ական պատգամավորները եւս թերահավատորեն էին մոտենում Նիկոլ Փաշինյանի այս նախաձեռնությանը: Մասնավորապես, Վարդան Բոստանջյանը փողոցային պայքարի մասին հայտարարել էր. «Փողոցային չեմ, որ փողոց դուրս գամ»:
Փաշինյանի եւ ՔՊ-ի փողոցային պայքարի ճանապարհային քարտեզին թերահավատորեն էին վերաբերվում նաեւ ԵԼՔ-ի ոչ ՔՊ-ական պատգմավորները: «Անցել է Սերժ Սարգսյանի վերարտադրության դեմ պայքարի ժամանակը»,- հայտարարել էր ԵԼՔ-ի պատգամավոր, Լուսավոր Հայաստան կուսակցության նախագահ Էդմոն Մարուքյանը եւ ընդգծել, որ Սարգսյանի դեմ պետք էր պայքարել 2017 թվականի ապրիլի 2-ին:
Ամեն դեպքում, երեկ Հայաստանում տեղի ունեցավ Թավշյա հեղափոխությունը: Նիկոլ Փաշինյանին հավատացին հարյուր հազարավոր ՀՀ քաղաքացիներ:
Տպագրվել է «Հայկական ժամանակ» օրաթերթի ապրիլի 24-ի համարում:
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
© 2024 Հայկական ժամանակ