Ծառուկյան խմբակցությունը վարչապետի սեփական թեկնածուով հանդես չի գա. Գ. Պետրոսյան

Շատ քիչ ժամանակ է մնացել վարչապետի ընտրությանը, սակայն Ծառուկյան խմբակցությունը այս հարցի շուրջ շարունակում է լռություն պահպանել: Խորհրդի գլխավոր քարտուղար եւ խորհրդի փոխնախագահներ, սակայն որեւէ քննարկում չի եղել ՀՀԿ-ի՝ վարչապետի թեկնածուի մասին, չի խոսվել նաեւ սեփական խմբակցության թեկնածուի մասին:

Սերժ Սարգսյանի վարչապետության, Ծառուկյան խմբակցության՝ վարչապետի սեփական թեկնածուի, Նիկոլ Փաշինյանի ու Քաղաքացիական պայմանագիր կուսակցության նախաձեռնած #ԻմՔայլը շարժման հետ կապված հարցերի մասին զրուցել ենք ԱԺ Ծառուկյան խմբակցության պատգամավոր Գեւորգ Պետրոսյանի հետ:

- Պարոն Պետրոսյան, քիչ ժամանակ է մնացել վարչապետի ընտրությանը, Ծառուկյան խմբակցությունը վարչապետի պաշտոնում իր թեկնածուին չի՞ առաջադրելու:

- Որքանով ես գիտեմ՝ ոչ, մենք սեփական թեկնածուով հանդես չենք գալու: Ավելին ասել չեմ կարող, քանի որ վերջին ոչ բոլոր քննարկումներին եմ ներկա եղել:

- Վստահ եմ՝ տեղյակ եք, որ Նիկոլ Փաշինյանն ու իր թիմը՝ Քաղաքացիական պայմանագիր կուսակցությունը, Սերժ Սարգսյանի վարչապետությունը կանխելու համար նախաձեռնել են #ԻմՔայլը շարժումը: Դուք ի՞նչ կարծիք ունեք այս քայլի վերաբերյալ:

- Ես ակցիայի վերաբերյալ իրավական գնահատական կարող եմ տալ: Դա իրենց սահմանադրական իրավունքն է, որից եւ օգտվել են: Քաղաքական առումով, դա իրենց համար ինչքանով շահեկան կլինի՝ չեմ կարող ասել: Ամեն դեպքում կարծում եմ՝ վարչապետության դեմ փողոց դուրս գալը ինչ-որ կասկածելի, անհասկանալի միջոց է: Ես դրա ապագան չեմ տեսնում: Եւ ընդհանրապես, դա քաղաքական պայքար չէ՝ դուրս գալ փողոց, շրջաններով ման գալ մի քանի տասնյակ մարդկանցով: Կարծում եմ՝ ցանկացած հարց ունի իր լուծումը: Բայց վարչապետության դեմ այդպիսի պայքար ես չեմ պատկերացնում: Վարչապետին ընտրելու է Ազգային ժողովը, հիմա այդ մարդիկ գրոհելու են Ազգային ժողովի վրա՞: Կարելի՞ է այդպես հասկանալ: Ենթադրենք՝ իրենց շուրջը համախմբվի քսան հազար մարդ: Այդ մարդիկ գալու են Ազգային ժողովի պատգամավորներին ահաբեկե՞ն, ասեն՝ սրան ընտրի, նրան մի ընտրի՞: Ես դա խելամիտ միջոց չեմ համարում: Բայց պիտակումներ չեմ ուզում տալ, իրենք օգտվում են իրենց երթեր, խաղաղ հավաքներ անելու իրավունքից:

- Բայց ակցիայի նախաձեռնողները չեն ասում, թե գրոհելու են Ազգային ժողովի վրա: Նրանք նշում են, որ այդ ակցիաների միջոցով քաղաքացիների ձայնն են բարձրացնելու, որպեսզի պատգամավորները կատարեն հենց քաղաքացու պահանջը:

- Դուք մեխանիզմը ո՞նց եք պատկերացնում: Քաղաքացիների մեծամասնությունը մեկ տարի առաջ իր ձայնը տվել է Հանրապետական կուսակցությանը, հիմա այդ նույն քաղաքացիները մեկ տարի հետո պետք է նախաձեռնության կազմակերպիչների հորդորով գան Ազգային ժողով ու մեզ պարտադրե՞ն:

- Իսկ ձեր խմբակցությունում արդեն քննարկե՞լ եք, ինչ դիրքորոշում ունեք Սերժ Սարգսյանի հավանական թեկնածության վերաբերյալ: Նա ձեզ համար վարչապետի ընդունելի՞ թեկնածու է:

- Քանի դեռ ՀՀԿ-ն չի հայտնել իր թեկնածուի անունը, ես չեմ կարող եթե-ներով խոսել: Աննպատակահարմար եւ ոչ կոռեկտ կլինի, որ դաշինքը հիմա կարծիք հայտնի վարչապետի թեկնածուի վերաբերյալ, որովհետեւ չկա պաշտոնական առաջադրում:

- Բայց տեւական ժամանակ է, որ Հանրապետական խմբակցությունից խոսում են Սերժ Սարգսյանի՝ վարչապետի պաշտոնում անփոխարինելիության մասին, այլ թեկնածուի անուն անգամ չեն տալիս: Իսկ Սարգսյանը իր վերջին հարցազրույցում ասել է, որ ինքը վարչապետ կլինի մեկ հավելումով, այն է՝ քաղաքական նոր լիդերներ պատրաստելը: Եթե-ներով չեք ուզում խոսել, սակայն սա իրենից չի՞ ենթադրում, որ հենց Սերժ Սարգսյանն էլ կլինի ՀՀԿ-ի թեկնածուն:

- Ես դրանից չեմ կարող ենթադրել: Եւ ընդհանրապես, ենթադրություններ չեմ անում, առավել եւս՝ այլ քաղաքական ուժերի անելիքների վերաբերյալ: Մեր քաղաքական ուժը կոնկրետ անելիքների վերաբերյալ հանդես է գալիս կոնկրետ հայտարարություններով, որոնք երբեւէ չեն հարուցում տարակարծություններ: ՀՀԿ-ի ներսում ի՞նչ տրամադրություններ են տիրում, ես ինձ իրավունք չեմ վերապահում այդ հարցին պատասխանել: Համենայնդեպս, հավակնությունը մի բան է, իրականությունը՝ մի բան: Քանի դեռ հավակնությունը չի դարձել իրականություն, ես լուրջ չեմ համարում դրա մասին դատողություններ անել: Երբ պաշտոնապես կառաջադրեն, մենք մեր կարծիքը կհայտնենք, մեր գործողություններով ցույց կտանք մեր վերաբերմունքը:

ՀայԱրփի Բաղդասարյան

Հարցազրույցը տպագրվել է «Հայկական ժամանակ» օրաթերթի ապրիլի 4-ի համարում:

Տպել
2703 դիտում

Տարվա լավագույն ֆուտբոլիստի և մարզչի ընտրությունը կկայանա 2020 թ.-ի հունվարին

Մահվան ելքով վրաերթ Երեւան-Սեւան ճանապարհին. 22-ամյա հետիոտնը տեղում մահացել է

Մհեր Գրիգորյանն ընդունել է Համաշխարհային բանկի տարածաշրջանային տնօրենին

Դպրոցներում աբոնեմենտային համակարգի 2-րդ փուլը հետաձգվել է. 1-ին փուլի ընթացքում թանգարաններ է այցելել մոտ 161.700 մարդ

Հրայր Թովմասյանը բոլոր հնարավոր գայթակղություններին արդեն հասցրել է տրվել. Ալեն Սիմոնյան

Ձերբակալված Շեկոյի գործով ծեծվողն ու վերջինիս ընկերուհին տուժող են ճանաչվել. ՇՄ դատախազ

«Մարտունու բժշկական կենտրոն»-ի վիրաբուժական բաժանմունքի վարիչը մեծ թվով խոշոր չափի կաշառքներ է ստացել. ԱԱԾ

Ռուսաստանից Հայաստան տուրուղևորությունների թիվը 2019-ին 24 տոկոսով աճել է

Իջեւանում 31-ամյա քաղաքացին ներխուժել է քաղաքապետարան, երկաթյա ձողով կոտրել համայնքապետի դուռը

«Բացակայում է անձեռնմխելիության սահմանադրական երաշխիքը». Դատախազությունը մերժել է Սերժ Սարգսյանի պաշտպանի բողոքը

Ծեծի մեղադրանքով հետախուզվող 42-ամյա կինը հայտնաբերվել է

Կնոջը ոտքով հարվածողը ներկայացել է ոստիկանության բաժին

ԿԳՄՍ նախարարությունը սկսել է հանրակրթության պետական չափորոշիչների վերանայման գործընթացը

ՀՀ ԱԺ պատվիրակությունը մասնակցել է «Եվրանեսթ» ԽՎ լիագումար նստաշրջանի աշխատանքներին

Հայ մասնակիցը չի հաղթահարել «Միսս աշխարհ» մրցույթի տաղանդի փուլը

60-ն անց տղամարդը հայհոյում էր, մյուս խոշորամարմինը փորձում էր խփել. «Կամք»-ի անդամները 2 աղջկա բռնության են ենթարկել

Աննա Դանիբեկյանին հետապնդած երիտասարդների վերաբերյալ գործը մակագրվել է դատավոր Արմինե Մելիքսեթյանին

Առաջիկա շաբաթը կլինի առանց տեղումների, ջերմաստիճանը կբարձրանա 5-7 աստիճանով

Ռոբերտ Քոչարյանի խափանման միջոցի գործով բողոքը մակագրվել է Վերաքննիչ դատարանի մեկ այլ դատավորի

Հայտնաբերվել են մաքսային հսկողությունից թաքցված բջջային հեռախոսներ