Փոխգնդապետ Ռոման Պողոսյան. կասեցրել է թշնամու ներթափանցումը դեպի մեր պաշտպանության խորք

Մեր ժամանակների հերոս փոխգնդապետ Ռոման Պողոսյան. Ապրիլյան պատերազմի հերոս, 37-ամյա փոխգնդապետ Ռոման Պողոսյանը Արցախի ՊԲ Ջաբրայիլի զորամասի հրետանու պետն էր:

Փոխգնդապետ Ռոման Պողոսյանը 2016թ.-ի ապրիլի 2-ին hակառակորդի հատուկ նշանակության ուժեղացված ջոկատի դեմ մղած կատաղի մարտերում թշնամուն պատճառելով կենդանի ուժի զգալի կորուստներ՝ կասեցրել է նրա ներթափանցումը դեպի մեր պաշտպանության խորք: Նա մեկն էր այն 5 խիզախ սպաներից, որ օգնության հասավ Լելե-Թեփե բարձունքում մարտնչող զինվորներին:

Հինգ սպաները օգնության հասան իրենց զինվորներին ու նրանց հետ միասին չնահանջեցին ու չլքեցին իրենց վստահված մարտական դիրքերը, կռվեցին ու զոհվեցին անհավասար մարտում, որպես իրական ու անվախ քաջ մարտիկներ:

37-ամյա փոխգնդապետ Ռոման Պողոսյանի կինը նրա հետ վերջին անգամ խոսել էր ապրիլի 1-ին: Ջաբրայիլի զորամասում իր ծառայությունն իրականացնող Պողոսյանն ամեն օրվա պես գիշերը զանգել էր կնոջն ու երեխաներին, բարի գիշեր մաղթել եւ դա եղել էր նրա վերջին զանգը:

Ապրիլի 2-ին Հադրութում ապրող Ռոմանի կինը, լսելով, որ ադրբեջանական կողմը լայնածավալ ռազմական գործողություններ է սկսել սահմանագծում, անհանգստացած զանգահարել է Ռոմանին, բայց այդպես էլ այնքան սպասված «ալո» բառը չի լսել: Ռոմանի կինն ու նրա երեք անչափահաս երեխաները մինչեւ ապրիլի 10-ը ոչ մի տեղեկություն չեն ունեցել նրա մասին, քանի որ մինչեւ ապրիլի 10-ը Ռոման Պողոսյանը համարվել է անհետ կորած:

Ապրիլի 11-ին Կարմիր խաչի միջազգային կոմիտեի միջոցով զոհվածների մարմինների փոխանակում է կատարվել, եւ պարզվել է, որ Ռոման Պողոսյանը զոհվածների մեջ է եղել, նրա մարմինը 18 զոհվածի մարմինների հետ հանձնվել է հայկական կողմին:

Ռոման Պողոսյանը ծնվել է 1979 թ.-ի ապրիլի 12-ին, Հադրութի շրջանի Դուդուկչի գյուղում: Նրան 1998թ.-ին ծառայության մեջ առաջխաղացման կարգով շնորհվել է լեյտենանտ զինվորական կոչումը եւ նշանակվել է դասակի հրամանատար: 1999թ.-ին հետագա ծառայությունը շարունակելու նպատակով Ռոման Պողոսյանը տեղափոխվել է այլ զորամաս եւ նշանակվել հրետանային դիվիզիոնում՝ որպես մարտկոցի ավագ սպա: 2000թ.-ին ծառայության մեջ առաջխաղացման կարգով նրան շնորհվել է ավագ լեյտենանտ զինվորական կոչում եւ նշանակվել է մարտկոցի հրամանատար: Այնուհետեւ նա նշանակվել է հրետանու շտաբի պետ, միաժամանակ ստացել է մայոր զինվորական կոչումը, ավելի ուշ՝ դիվիզիոնի հրամանատար է դարձել:

2009թ.-ին Ռոման Պողոսյանը տեղափոխվել է այլ զորամաս՝ որպես հրետանային դիվիզիոնի հրամանատար: 2011թ.-ին նշանակվել է հրետանու բաժանմունքի պետ: Երկու տարի անց Ռոման Պողոսյանը սովորել եւ ոսկե մեդալով ավարտել է ՌԴ Սանկտ Պետերբուրգի Միխայիլովի անվան ռազմական ակադեմիան: 2015թ.-ին ակադեմիան ավարտելուց հետո նա նշանակվել է ՊԲ Ջաբրայիլի զորամասում՝ որպես հրետանու բաժանմունքի պետ-հրետանու պետ:

Հետմահու պարգեւատրվել է Հայաստանի Հանրապետության Մարտական խաչ առաջին աստիճանի շքանշանով:

Տպել
2987 դիտում

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին

Կյանքից հեռացել է կոմպոզիտոր, ՀՀ արվեստի վաստակավոր գործիչ Յուրի Հարությունյանը

ՎՏԲ-Հայաստան Բանկն արագացրել է ապառիկ վարկեր ձևակերպելու գործընթացքը

Խոսրովի անտառի մոտակայքում հրդեհ կա. ՀՀ շրջակա միջավայրի փոխնախարար