Խուճապ Գյումրու թիվ 1 պոլիկլինիկայում. 18 հազար հիվանդ սպասարկող հաստատությունը օդից կախ

Գյումրու թիվ 1 պոլիկլինիկան գտնվում է պատմական Գյումրու միջուկում, կառույցն 1880-ականներին է թվագրվում: ՇՄ առողջապահության վարչության ներկայացուցիչն օրեր առաջ եղել է պոլիկլինիկայում եւ զրույցի ընթացքում ակնարկել, որ պոլիկլինիկան հնարավոր է տեղափոխվի այլ շենք: Որպես տարածք էլ առաջարկվել է դիմացի մայթին գտնվող Գյումրու նախկին Ճերմակ հիվանդանոցի շենքը:

Լուսանկարում՝ Գյումրու նախկին Ճերմակ հիվանդանոցի մուտքն է 

Պոլիկլինիկայի տնօրենը դա անհարմար տարբերակ է համարում: Տարածքը փոքր է, իրենց չի բավարարի: Կառույցը պոլիկլինիկայի սեփականությունը չէ: Եթե տեղափոխման հարցը քննարկումից դառնա որոշում, տնօրենն ընդդիմանալ չի կարողանա: Տարածքը համայնքապատկան է, պոլիկլինիկան այն վարձակալել է Գյումրու քաղաքապետարանից, որի դիմաց տարեկան 400.000 դրամ է փոխանցում համայնքի բյուջե: 1000 քառակուսի մետր մակերեսով պոլիկլինիկան 60-ից ավելի սենյակ ունի եւ սպասարկում է 18000 քաղաքացու: Առաջարկվող Ճերմակ հիվանդանոցն ընդամենը 20 սենյակ ունի: Թիվ 1 պոլիկլինիկայի տնօրեն Այվազ Սուքիասյանն այդ շենք տեղափոխվելը բացառում է: «Եթե չեն ուզում, չեն գնա, նրանց ոչ մեկը չի ստիպի: Իզուր են անհանգստանում»,- վստահեցրել է Շիրակի մարզպետարանի առողջապահության վարչության պետ Մեսրոպ Բզնունին:

Բայց տնօրենն անհանգստանալու պատճառներ ունի: Պոլիկլինիկայի շենքը գտնվում է Կումայրի պատմական միջուկում, որը վերականգնման փուլում է: Դա կառավարության ծրագիրն է: Առաջին փուլի աշխատանքներն ավարտվել էին 2017-ին, երկրորդ փուլն արդեն մեկնարկել է: Առողջապահության վարչության պետն ասում է՝ կան ներդրումների պատրաստ մարդիկ, ովքեր ուզում են Կումայրի պատմական միջուկն ավելի ներկայանալի եւ բարեկարգ դարձնել: Իսկ պոլիկլինիկայի համար կփնտրեն, կգտնեն առավել հարմար կառույց, որը եւ տնօրինության ու կոլեկտիվի սրտով կլինի, եւ էժան կլինի: Բայց եթե չգտնվի նման շենք, թիվ 1 պոլիկլինիկան կմնա իր տեղում: Տնօրենն էլ ասում է՝ պետք չէ նոր շենքի մասին մտածել, եթե քաղաքապետարանը իրենցից վարձավճար չվերցնի, այդ գումարով կկարողանան պոլիկլինիկան վերանորոգել: Տարեկան 400.000 դրամը քիչ գումար չէ, եւ կկարողանային առկա խնդիրները վերացնել: Քաղաքապետարանը տնօրենին մշտապես մերժել է: Այվազ Սուքիասյանն այլ առաջարկ էլ ունի: Ասում է՝ մշտապես քաղաքապետից խնդրել է, հիմա էլ կրկնում է, որ լավ կլիներ իրենց որպես պոլիկլինիկայի տարածք հատկացնեին Գալուստ Գյուլբենկյանի անվան նախկին վիրաբուժական հիվանդանոցի դատարկ շենքը: Պատասխանը կրկին բացասական է:

Նյութը տպագրվել է «Հայկական ժամանակ» օրաթերթի մարտի 21-ի համարում:

Տպել
2203 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան