Թիլերսոնը Թրամփի Twitter-ից է տեղեկացել իր հրաժարականի մասին. նա ուղղակի «շշմել» է

ԱՄՆ նախագահ Դոնալդ Թրամփը նախապես չի զգուշացրել է Ռեքս Թիլերսոնին՝ իրեն երկրի պետքարտուղարի պաշտոնից ազատելու որոշման մասին:

Թիլերսոնին, որը նոր էր վերադարձել Աֆրիկայում դիվանագիտական ուղեւորությունից, պաշտոնանկության մասին լուրը հանկարծակիի է բերել: Այս մասին հայտարարել է պետքարտուղարի տեղակալ Սթիվ Գոլդշտեյնը: Նրա խոսքով, Թրամփը չի հայտնել նախապես Թիլերսոնին պաշտոնանակության մասին, իսկ պետքարտուղարը, լսլով այդ լուրը, ուղղակի «շշմել» է, գրում է Ведомости-ին՝ հղում կատարելով Politico-ին:

Ավելի վաղ հայտնել էինք, որ ԱՄՆ նախագահ Դոնալդ Թրամփն աշխատանքից ազատել է Պետդեպի ղեկավար, երկրի արտաքին գործերի նախարար Ռեքս Թիլերսոնին: Այս մասին Twitter-ի իր միկրոբլոկում գրել է Դոնալդ Թրամփը: Նա նաեւ հայտնել է, որ Թիլերսոնին կփոխարինի Կենտրոնական հետախուզության վարչության պետ Մայք Պոմպեոն:

Նշենք, որ Թիլերսոնի հրաժարականի մասին լուրերը սկսեցին շրջանառվել դեռեւս անցյալ տարվա վերջից, սակայն այն իրականություն դարձավ Թրամփի համար Հյուսիսային Կորեայի հետ նախատեսվող կարեւոր բանակցությունների նախաշեմին:

Անցյալ տարվա նոյեմբերին New York Times-ը հայտնել էր, որ Ռեքս Թիլերսոնի հրաժարականը տեղի կունենա մի քանի շաբաթից: Թերթի տվյալներով, հրաժարականի պատճառն է Թրամփի հետ նրա հարաբերությունների կտրուկ սառեցումը:

Որպես Թիլերսոնի հավանական փոխարինող նշվում էր հենց Կենտրոնական հետախուզության վարչության պետ Մայք Պոմպեոն, որի տեղակալ էր նշանակվել Ջինա Հասփելը: Հենց նա էլ նշանակվել է Կենտրոնական հետախուզության վարչության պետ:

Հատկանշական է, որ ըստ Fortune պարբերականի հրապարակած տեղեկությունների, Հասփելը ղեկավարել է Թայլանդում ԱՄՆ-ի գաղտնի բանտում 2002 թ.ին տեղ գտած կտտանքները:  

Թիլերսոնը, ինպես եւ Թրամփը քաղաքականություն է եկել բիզնեսից: Նա Exxon Mobil հայտնի նավթային ընկերության գլխավոր տնօրենն էր: Նրա քաղաքական կարիերան թունավորում էին ոչ միայն Թրամփի հետ Իրանի միջուկային գործարքի շուրջ ունեցած տարաձայությունները, այլեւ «ռուսական հետքը»: ԱՄՆ-ում լավ են հիշում, որ 2013 թ. ՌԴ նախագահ Վլադիմիր Պուտինը Թիլերսոնին պարգեւատրել էր Բարեկամության շքանշանով:

Առաջին անգամ Թրամփի եւ Թիլերսոնին միջեւ կոնֆլիկտի մասին սկսեցին խոսել 2017 թ. ամռանը, սակայն այդ ժամանակ երկուսն էլ հերքեցին տարածվող լուրերը:

Նշենք, որ Մայք Պոմպեոն ԿՀՎ-ի տնօրենի պաշտոնում հատուկ դիրքորոշում չէր ցուցաբերել ՌԴ-ԱՄՆ հարաբերությունների վերաբերյալ: Միայն 2017 թ. ամերիկյան լրատվամիջոցները քննադատեցին Պոմպեոյի հայտարարությունն առ այն, որ Ռուսաստանը թեպետ միջամտել է ԱՄՆ-ի ընտրություններին, սակայն չի ազդել դրանց արդյունքների վրա:

Այնուհետեւ ԱՄՆ-ի Կենտրոնական հետախուզության վարչությունը ստիպված հայտարարեց, որ ազդեցության բացակայության մասին Պոմպեոյի խոսքերը ժամանակավրեպ եւ անհիմն են եղել:

Տպել
1513 դիտում

Վրաստանի հետ թռիչքների դադարեցման հետևանքով «Ուրալյան ավիաուղիները» 1 միլիարդ ռուբլու վնաս է կրել

Իրանի տարբեր քաղաքներում սկիզբ առած ցույցերի հետեւանքով 106 մարդ է մահացել. Amnesty International

Նախագահ Արմեն Սարգսյանը հանդիպում է ունեցել Կատարի Հայր Էմիր Համադ բին Խալիֆա Ալ Թանիի հետ

Փոխվարչապետ Տիգրան Ավինյանը մասնակցել է Մրցակցության միջազգային օրվան նվիրված համաժողովին

Փոխվարչապետ Տիգրան Ավինյանն ընդունել է Համաշխարհային բանկի պատվիրակությանը

Սեմյոնովկա գյուղում անասնագոմ է այրվում. ԱԻՆ

Թուրքիան չպետք է վախեցնի Եվրամիությանը՝ օգտագործելով փախստականների խնդիրը. ԵԽ խոսնակ

Չգիտեմ՝ Վատիկանների որ պադվալներում են պախկված, վզներից բռնելու ենք հանենք, տանենք կանգնեցնենք դատարանները. Փաշինյան

Պրոֆեսոր Գրիգորի Կարագուլյանն ընտրվել է ՀՀ ԳԱԱ Մաթեմատիկայի ինստիտուտի տնօրեն

Թուրքիան «աշխարհի ռեկորդ է սահմանել» կալանավորված լրագրողների թվով

Լինելով ադրբեջանցի, մտել եք հայկական եկեղեցի, որտեղ հայեր են․միջադեպ եկեղեցում. Փաշինյանը պատասխանեց ադրբեջանցի բլոգերին

Հայկական գինիները ներկայացվում են Լեհաստանում՝ ENOEXPO 2019 գինու միջազգային 17-րդ ցուցահանդեսում

Խոշոր ավտովթար Լոռիում. կան վիրավորներ (լուսանկարներ)

Պաշտոնական այցով Հայաստան է ժամանել ՌԴ արտակարգ իրավիճակների նախարարի տեղակալ Նիկոլայ Գրեչուշկինը

Գանձաքար գյուղում բռնկված հրդեհը մարվել է. ԱԻՆ

ՀՀ-ից Իտալիայի քաղաքացիների որդեգրած ավելի քան 30 երեխաները ողջ-առողջ են. արդարադատության նախարարությունը վերահսկում է

Արայիկ Հարությունյանն ու աշակերտները հանդիպել են` Երեխաների համաշխարհային օրվա շրջանակում

Հանրային հատվածի մի խումբ ներքին աուդիտորներ բաց նամակով դիմում են վարչապետ Նիկոլ Փաշինյանին

Վարչապետը հանդիպում է Միլանի հայ համայնքի հետ. ուղիղ

Ռուս մեքենավարները ՀՀ-ում են փորձի փոխանակման նպատակով. ՀԿԵ